مساكم الله بالخير
باختصار شديد تقديم نصيحه واتمنى انها تنال اعجابكم .
اترككم معها :
ياخوي كانك تجهل امور وامور ^^^ هاك النصايح واستمع لى دقيقه
منته على بعض المخاليق مجبور ^^^ ولنته من اللى يجهلون الحقيقه
احذر تماشي لك من الناس مطيور ^^^ بعض البشر لازم تحاشى طريقه
خلك مع أهل العرف والطيب والشور ^^^ ما للأنيق الا ثياب (ن) أنيقه
اللي لهم عزه وشان ومنظور ^^^ ما فيهم اللي ذل يوم رفيقه
وأصحى يخوك أرجوك من فتنه الحور ^^^ اللى تبى قربك بروح رقيقه
ان ما حصل شي بحكمه ودستور ^^^ والا عسى غيره رماد وحريقه
دور على اللى تفهمك حس وشعور ^^^ وجبها بصك ومعطيات ووثيقه
كذا تجنب درب الاوهام والجور ^^^ وتبقى السعيد اللي مذهب بريقه
خابرك منته راعى هياط وغرور ^^^ ولا لا تحب اللي تناسي صديقه
اللاعب ان صابه لحدات وكسور ^^^ ما ظنتى يقدر يفوز فريقه
والذيب يتقن لا بغى حاجه الدور ^^^ ما والله يلقى له دروب (ن) تعيقه
وانته كما ذيب ولا فيك مقصور ^^^ حر ولد حر علومك طليقه
الصدق صدق وتعرف الزور هو زور ^^^ اتحب ...شى وشى منته تطيقه
يعنى تحب النور والنور لك نور ^^^ تعشق صعود الشامخات الشهيقه
يجوز لك صالح .. ولا يجوز ..محظور ^^^ فاهم ونفسك ماهى نفس غريقه
نصيحه خذها بلا فلوس وأجور ^^^ جت لك من السان طوى الحر ... ريقه
خلك مع اهل العرف والطيب والشور ^^^ ما للانيق الا ثياب(ن) انيقه
سلامتكم
منقوله عن الشاعر : عبدالرحمن العطاوى
تقبلو منى خالص التحيه
الــــــــشـــــــــيــــــــخــــــــه