|
الشاعر مجول بن ريضة ان يقوم بالرد الشافي والوافي على قصيدة ابن منيخر
منهاجهم في المرجلة.. ما تبدل
كتبت هذه القصيدة اثناء الغزو العراقي الغاشم لدولة الكويت في 1990م.. وقبل القصف الجوي لتحرير الكويت وقد استشهد الشاعر محمد بن منيخر بالكثير من الاحداث والشخصيات في مضمون قصيدته في تلك الفترة.. والقصيدة مسندة للشاعر مجول عبدالله بن ؟؟.. وهي تشمل معاني جزلة وقوية تحت هذه القوافي المتميزة.
شعر: محمد بن فهد بن منيخر السفراني
يا الذيب ريض ساعة لا تعجل
مقدار ما كتب ما يجول إبخيالي
والى خذيت الخط مني تسهل
مع الطريق اللي يودي شمالي
لديار أخو مريم عساه ايتمهل
دار المعزة والكرم والعدالي
ضديدهم من فضل ربي تغربل
اسقوة من سم الهزيمة ازلالي
مثل ابن صبحا يوم خان وتفشل
يا طون رأسه مثل وطي النعالي
الكايده في رأس جابر لها حل
راية شجاع لا عزم ما يبالي
حكم الصباح ابكل عدل امكمل
عسى لهم من كل شرا اظلالي
امربية الايتام والعود الارمل
شايب ولا ربه كتب له اعيالي
امن العوز للناس يضمن ويكفل
ويصير له رصيد في البنك مالي
ومن عقب ذا منصاك ربع له دل
عزاز الرجال اللي عليها اتكالي
سلم على نافل وسالم ومجول
فحول الرجال اللي تشيل الثقالي
اللي لهم في ذروة المجد منزل
مكانهم فوق الرجاجيل عالي
متوارثين الطيب من الجد الاول
اشراف من اشراف عبر الاجيالي
موكر حرار من حرار تسلسل
نالوا جميع المرجلة بالكمالي
عالين فوق الفوق والغير ينزل
ما فوقهم كون السماء والهلالي
ايمانهم بالجود تعطي وتبذل
اهل الكرم لاشحشحن الليالي
رجال المواقف للنوايب تحمل
يرخص عليهم في الفخر كل غالي
منهاجهم في المرجلة ما تبدل
اهل الجمايل من قديم وتالي
ربعا لفعل الطيب تطمع وتفعل
لا شفتهم ايطيب حالي وفالي
ربعي هل الطولات من ماضي الحل
برفقتهم افخر كل ما جا مجالي
رفيقهم ما لحقه القل والذل
بالمال والا مرهفات السلالي
ضديدهم مهان في الدرك الاسفل
ربي خلقهم للمعادي زوالي
بطاي من ربعي خطيه ومخجل
امقصر فيهم ولا ينبغي لي
عسى لهم دعوات محرم هلل
يسلمهم المولى عزيز الجلالي
يجزاهم الله كل خير ويجزل
يا سامع الدعوات تقبل سؤالي
بجاه الرسول اللي له الوحي ينزل
عسى لهم العز حظ وفالي
رد ابن ريضة على ابن منيخر
أفعالكم بالطيب.. دايم إجزالي
ومن جهة استطاع الشاعر مجول بن ريضة ان يقوم بالرد الشافي والوافي على قصيدة ابن منيخر الذي شملت الاحداث والمدح والثقة والصدق.. حيث عمر هاتين القصيدتين اكثر من 16 عاما قام الشاعر مجول بن ريضة بتزويدنا بها لنشرها في الملتقى بعد ذكرى بعض الاحداث التي شهدتها الفترة الماضية.
شعر/ مجول عبدالهادي بن ريضة
قال الذي في القيل مهوب يبخل
ولا يقول القيل لأجل التسالي
ويا الذيب ريض بس لين أتمثل
واختار لمن قلت جزل المثالي
وإلى كمل القيل مني توكل
وأنص الذي منيّ مديم يسالي
يا مرحبا باللي الى قال ما زل
ترحيبة يصخى بها ليه بالي
وآل الصباح معدله كل من ضل
ومن ضدهم يمسي بكبده املالي
اللي لهم ميقاف في اليوم الأهول
وبكل المواقف وافين الخصالي
والشيخ جابر لأثقل الحمل يَحْمًلْ
ويعّدل المايل إلى منه مالي
ياللي بكل الطيب تنقض وتفتل
الطيب لك مكسوب في كل حالي
ودايم ينال الطيب في كل منوَلْ
معروف لاركب الرشا.. في المحالي
وكم واحدي من حربكم مات بالغل
اخوان مريم محتمين التوالي
والكايدة إلكم مديمي تحلل
وترسون كما ترسى رواسي الجبالي
ومشكور ياللي للحمل لو ثقل شَلْ
وعوايده للحمل لو كاد شالي
أبو فهد للكايده دوم ينقل
وكريم سبلى ومن كرام السبالي
ومن جاه منه راح وهو منه ما مل
وطيبه على النازح وللي موالي
هداج تيماء للمواريد منهل
مهوب ينقص من كثير الحلالي
يا فاخري بالطيب في الدق والجل
وياللي بطيبك فاخري في الرجالي
يا أبو فهد ما لازم إنك تململ
من صوبنا بطاك ما به اشكالي
ومعروف ياللّي في المواجيب مشكل
وصعبي على اللي منك يبغي ينالي
ومن كان مايل يا عساه يتعدّل
وتعيش مسروري بعز إمتعالي
ولا صار وسط المعركة شلي وخل
أولاد سفراني كبار المدالي
يا شايلين اللي طريحي مْهمّل
إفعولكم بالطيب دايم إجزالي
يا ملحقين اللي ضعافي مهزّل
لا جاء نهاري فيه شد الحبالي
وكم واحدي فيكم الى منه حوّل
تفرح به اللي جاذياتي إهزالي
ويا الله عسى لك طيّب الحظ يقبل
ويطيب حظك يا عجيب الفعالي
وصدام في اقرب قريب يتبهذل
وتلقاه يطرد صايرن به إجفالي
ولا بد من يوم على النذل يحصل
وقصوره الغربان فيها تلالي
ولا بد لك من يوم يا النذل ترحل
وغصب عليك تجبر بشد الرحالي
وعساه في أخطائه بقراره يتعنتل
ويزداد في غيّه وكثر الهبالي
يا الله عسى ما يسمع اللي يعذل
من شان يضرب ضربه بإحتمالي
تاريخ النشر: الجمعة 26/1/2007
التعديل الأخير تم بواسطة : فتى الوادي بتاريخ 26-01-2007 الساعة 10:30 AM.
|
26-01-2007, 10:16 AM
العرض العادي
المواضيع المتشابهه
