طفل ضايع على خده ملامح شايب مكسور . . !!

[&آهــــات الحــــزن&]

طفل ضايع على خده ملامح شايب مكسور . . !!
[ ضناه الهم ]و[اغراه الزمان ]و[مات بيديني ]



اشوف مرايته سودا . . والعابه حطام قبور
وبيته غرفه من طين وأقلامه . . سكاكيني !!




دفنته . . وانتهت قصة غرام وشاعر مغرور . . !!
واخذت من الدموع اكتب . .مكانه وين من عيني ؟!




لقيته في مناديلي . . يصيح ويشعل التنور . .
يقوول ارجوك ياتوتي. .تلملم غربة سنيني !!





يقول صبري البارح تمادى حده المسعور . .
وانا من ذقت غرباله . .طرالي بيت يبكيني . .




[ لو اغرق في بحر حبه ]او[ اشرب من عناه بحور ]
. . [ قسم بالله ماتنزل غلاته من شراييني ] . .





بكيت وقال :يا ابن ادم انا الميت . . انا المقبور
علامك كل ماجيت . . تزيد من القهر فيني ؟؟





وقلت :الناس يا ابن ادم . .تجيلك كل يوم بدور . .
تجي في الصبح تفرحني . . واذا طابت تبكيني . .





اشووف الهم يسرقني . . واثاري همنا مقدور . .
مدام الليل مايدري . . علام الويل يشقيني . . ؟!




ومدام الصبح يسرقني . . تعال اكشف المستور . .
حكايه من غرابتها . . بدون شعور تطريني . . !!





" مدينه " سورها ضايع و " شارع " شاعره مبتور . .
و "حديقه " . .في مراجحها نبت . . ورد وشياطيني





و " دفتر مله الشاعر . . رسم فيه [ الغرام قصور ] . .
و " قصيده " . .من جرائتتها . . تقول العـــن عناويني !!




و " بيت " . .باخر الشارع يمينه . . شارع مشهور . .
يساره . . شارع اغبر عليه ابكي دواويني . .





ومره في لياليها لقيت . . اني بدون شعور . .
بديت احب لي طفله . . على الاوراق تغريني . . !




بديت ارسم ملامحها . . ليالي حظها المأسور . .
وبدا طيش السهر ليله . .بدون احساس يسقيني !!




وبدا يشرح معاناته . .وانا [ من داخلي مقهور ] . .
وبديت اشرح معاناتي. . وهو مثلي يواسيني . .




كبرت وشفتها تكبر. . حقيقه تنتمي لسطور . .
مابين احساس " يوصلني " . .الين احساس " يخفيني " . .




شعرته ليلة ظلما . . لقيته غادتي والنور . .
ذخرته في مكاتيبي . .وجنيته حب يحييني. .

. . [ أحبه ] . .
كثر مامرت من ايام الغرام دهور . .


. . [ أحبه ] . .

كثر ماتمطر سحابة في بساتيني . .


. . [ أحبه ] . .

كثر مامرت ثواني حبنا بشهوور . .


. . [ أحبه ] . .

كثر ماتطري ذنوبه في موازيني . .



. . [ أحبه ] . .

كثر ماطار الحمام وغرد العصفور . .


. . [ أحبه ] . .

كثر ماحرفي سال من حيرت ويني . .



..[ أحبه ]..

كثر ما ازعل من ايام الجفا واثور . .


. . [ أحبه ] . .

كثر مايسري خياله في مياديني ..




نبتله بالخفى وردهـ . . سقتها دمعتي بسرور . .
قطفها . . " بس بالقوه " . . وانا مذهول وش فيني !!. .




حسبته يوم قطفها . . يقوم يقول لي : مشكور . . !!
ولكن راح من عندي . . وانا الاحزان ترويني




دخيلك . . ليه تجرحني . . ؟!وانا ارسمك لشذاي زهور . . !!
دخيلك . . ليه في بحرك بدون شرااع تنسيني . . !؟





دخيلك . . ليه وباقي سوى اني ابتعد مجبوور ؟!
اخاف اكون في بالك . . مجرد [ شعر يعنيني ] . . !!




بكت كل الطرق بعده . . بكت واستاذنت بالجور . .
وبديت ألملم اوراقي . . وأردد. . [ مايخليني ] . .





لقيت ان الطفل ميت . . !!وانا في حيرتي منثور . .
مابين . . اسال على حالك . . وبين . . الله يشافيني . .





دفنت الطفل في صدري . . بكيت وقلت له " معذوووور " . .
مدام الهم في قلبي . . نمى واجتاح من حيني . .





ولكن خل في بالك . . / . . مدام ان الحكي محظور
مدامك شفتني ابكي . . ترى هالبيت يبكيني . .






[ لو اغرق في بحر حبه ]او [ اشرب من عناه بحور ]. .
[ قسم بالله ماتنزل غلاته من شراييني ] . .





/




ممآ رآق لي

[مانع الوعيلي]

الله الله
ولاهنتي اختي اهات الحزن على نقل القصيده الرائعه ويعطيك الف عااافيه

[ناثرة الورد]

~ْ أهـات الحـزن ْْ~

أبدعتي غاليتي ليس بجدبد عليك الابداع والتميز ..
... دمتي مبدعه ...

[الغروب]

&آهــــات الحــــزن&

اشكرك على هذه الصفحة المميزة

لكِ ودي.

[البندري القحطاني]

آهـات الحـزن ..

اعتقد القصيدة للشاعر عاطف الحربي << اعتقد ولاادري

صح نقلج

[&آهــــات الحــــزن&]

المشاركة الأصلية كتبت بواسطة مانع الوعيلي

الله الله
ولاهنتي اختي اهات الحزن على نقل القصيده الرائعه ويعطيك الف عااافيه

هلااااااا ومرحبا اخوي مانع الوعيلي

ولاانت اخووي ولاعدمت مرورك الرااائع

[&آهــــات الحــــزن&]

المشاركة الأصلية كتبت بواسطة ناثرة الورد

~ْ أهـات الحـزن ْْ~

أبدعتي غاليتي ليس بجدبد عليك الابداع والتميز ..
... دمتي مبدعه ...

هلاااااااا ومرحبا غاليتي ناثرة الورد

ولاعدمت مرورك الرااائع غاليتي

[&آهــــات الحــــزن&]

المشاركة الأصلية كتبت بواسطة الغروب

&آهــــات الحــــزن&

اشكرك على هذه الصفحة المميزة

لكِ ودي.

هلاااااا ومرحبا حبيبتي الغروب

نورتي الموضوع يالغاليه لاعدمت مروركِ

[&آهــــات الحــــزن&]

المشاركة الأصلية كتبت بواسطة البندري القحطاني

آهـات الحـزن ..

اعتقد القصيدة للشاعر عاطف الحربي << اعتقد ولاادري

صح نقلج

هلااااا ومرحبااا غاليتي البنـــدري القحــطاني

علمي علمك يالغلااا عجبتني ونقلتها لكم حاولت ادور منو شاعرها

مالقيت اي شئ يدل على شاعرهاا لاهنتي على مرورك يالغلا

[على دروب الغانمين]

تسلم يمينش على الاختيار والنقل ولاهنتي
وصح لسانش ولسان الشاعر