طُفولة عضو ، وذكرى طفوُلته..مِين يتْورط ..!

[ِِِAL 3ajmiah]

هههههههههههههههههههههههههههه دبه عذر أقبح من ذنب خخخخخخخخخخخخ

الله يقطع شرك ليتي كنت أعرفك يومني صغيرة مظلومة .. كان اصادقك وتفزعين لي ^^

[ِِِAL 3ajmiah]

♪ ♫

♪

نبـــدأ بالأسئلـه ..

بسم الله

إيش كآنت لعبتك المفضلـه وأنت صغير ؟

جيران << يعني كل بنت تلبس عباية امها وتاخذ معها طفلة ولا عروسة ونمثل اننا

نزور بعض ونسولف سوالف حريم .. هذي يبي لها مجموعة بنات ^^

نشيد كنت تحبه أيام الطفولـه ؟

كثير .. أذكر منها : سأل الطفل الحائر شادي .. ياأستاذي أين بلادي ..؟!

شخصيه كرتونيـه كنت تحبهآ ؟

ماركو .. ومريانا .. وزورو .. وساندي بل ~

كيف كنت أيام طفولتك شقي ولا مؤدب ؟

هااادية جداً ~

ماهي المواقف اللي عرضت فيها أهلك للإحراج ؟

لا أذكر ... إن شاء الله إني ماقد فشلتهم

هل كانت شخصيتك قوية أم مغلوب عليها ؟

وســط ..

موقف حصل في طفولتك كان له دور في تغيير مجرى حياتك ؟

مافي موقف محدد .. بس اللي اعرفه اني كنت هادية ومنسية لين تغيرت وأثبتت وجودي بنفسي

أكبر عيديـه جمعتها كم ؟ ومن مين ؟

ماأذكــر

يوم كنتِ صغيره إيش كآنت تسريحتك المفضلـه ؟

مثل وحيد القرن .. نافورة ^_^

من كـآن يدلعك أكثر أبوك أو أمك ؟

كلهم .. الله يحفظهم ويطيل بعمرهم ع طاعة ~

اســم دلعك بالطفولـه لحد الآن ينادونك فيـه ؟ وماهو ؟

كل يوم لي اسم دلع

لحقت تتابع المجد؟ ولا سبستوون ولا القناة الاولى بالصبح والعصريـه ؟

القناة الاولى بالصبح والعصريـه

بطفولتك كنت تبكي إذا ماجلست بالاول بالطابور أو الفصل ؟

مايفرق معي ~

هل عندك لعبـه موجوده من صغرك إلى الآن واذا كنت محتفظ فيها ؟ وماهي ؟

لا

إيش اكـثـر حلاوة كنـت تحـبهاا ؟

توفي وشيبس تسالي بالكاتشب ~

ايش اسم اول مـدرسـه أو مدرس درسك ؟

أ. أسماء درستني بأولى ابتدائــي

هـل كـنت تـعانـي مـن اخـطاء فـي مخـارج الحـروف ؟

كل العائلة الكريمة كنا ننطق الـ ( ل , ر ) ياء يعني لو بقول : بنروح > بنيوح , نلعب > نيعب

نبقى كذا لين 6 سنوات

موقف بطفولتك ما تنساه ؟ وليـه ؟

أذكر لما كنت بأولى ابتدائي .. مرة الوالدة قالت لي أرتب غرفتي .. المشكلة كان منشر الغسيل بغرفتي

بحكم اننا كنا ساكنين بشقة .. المهم نظفت كل شي وباقي ثوب للوالد كان منشر اخذته ولا ادري

وين احطه ..؟ .. قمت اخذته وحطيته بشنطتي .. وبعد حطيت سيارة صغيرة لعبة أخوي وملعقة

<< ياسنعك يااشيخة ..

المهم لما رحت للمدرسة وفتحت الشنطة لقيت العفش وخفت ان اي وحدة تشوفه .. حطيت شنطتي

بحضني كل ذاك اليوم والمشكلة لما جت الفسحة قالوا انهم بيسوون تفتيش وقف قلبي ..!.. يااطوله

ذاك اليوم بس الحمد لله عدى ع خير محد درى عن سري اللي يفششششل ^_^

أجمل رحلـه طلعت فيها بطفولتك ؟

أذكر طلعات البر والكشتات ذاك الوقت خاصة إذا كان فيه ربيع كنا نستاانس وننبسط

خاصة اننا كنا مجموعة ناس كثيرين أصحاب الوالد وكانوا مثل الاهل ..

مكان معلق في ذاكرتك من طفولتك ؟ ولماذا ؟

العمارة اللي كنا ساكنين فيها .. ماكنت اركد بالشقة .. والوالدة الله ياجرها دايم تدورنا ..

يااما طقااق بين البنات والعيال ولا ناشبة بناس أسكن عندهم بس طبعاً ياسواد ليلي تجيني العلقة

من الوالد ومع ذلك كانت ايام حلوة ~

مين أقرب صديق في طفولتك وهل كانت بنت ولا ولد ؟

بنت .. وللآن احنا صاحبات وعلى توااصل ولله الحمد~

♪ ♫

♪

:

[ِِِAL 3ajmiah]

ضيفتنا القادمة .. هي المبدعة الرآئعه

m!ss-83

حيااك الله يالغلا ~

وياليت ترشحين اللي بعدك وأكون لك شاكرة ..!

[القرناسة]

استمتعت بمتابعة طفولتكم وذكرياتكم الحلووه

وبانتظار [ مسس ]



[ العجميه ]

يعطيج العافيه ع الفكره

[m!ss-83]

مشكوووره حبيبتي ع الموضوع الحلو وعلى أختياري




بسم الله

ابدأ . .






إيش كآنت لعبتك المفضلـه وأنت صغير ؟

كل شي كنت ألعبه .. مع البنات تلقيني ومع الصبيان تلقيني
بس أكثر أكثر لعبه أحبها " سباق الجري "



نشيد كنت تحبه أيام الطفولـه ؟

أغنية بارني << يعنني من مواليد أمس

كنت أحب كل أغاني هدى حسين


شخصيه كرتونيـه كنت تحبهآ ؟

كثير منها .. توته في المريخ ، بل وسبستيان ، عدنان ولينا ، هايدي ، قرانديزر ،توم وجيري ،بتي بوب .. إذا بعدهم مراح أخلص


كيف كنت أيام طفولتك شقي ولا مؤدب ؟

لا مؤدبه مع شوية عناد


ماهي المواقف اللي عرضت فيها أهلك للإحراج ؟

أنا صراحه ما أذكر .. بس في موقف توه من فتره قالولي عليه
أو بالأصح فجعوني فيه إني سويته و أنا صغيره بس مقدر أقوله .. أتحي


هل كانت شخصيتك قوية أم مغلوب عليها ؟

عاديه .. ماني متسلطه ولا مسيكينه


موقف حصل في طفولتك كان له دور في تغيير مجرى حياتك ؟

وفاة الوالد الله يرحمه


أكبر عيديـه جمعتها كم ؟ ومن مين ؟

ما أذكر



يوم كنتِ صغيره إيش كآنت تسريحتك المفضلـه ؟

أحب افله لأنه دايم قصير



من كـآن يدلعك أكثر أبوك أو أمك ؟

الاثنين


اســم دلعك بالطفولـه لحد الآن ينادونك فيـه ؟ وماهو ؟

لحد الحين ينادوني فيه حتى الصغار ما يقولولي يا عمه
ينادوني بالدلع





لحقت تتابع المجد؟ ولا سبستوون ولا القناة الاولى بالصبح والعصريـه ؟

الصبح و العصريه


بطفولتك كنت تبكي إذا ماجلست بالاول بالطابور أو الفصل ؟

لا ماتفرق معاي


هل عندك لعبـه موجوده من صغرك إلى الآن واذا كنت محتفظ فيها ؟ وماهي ؟

كنت محتفظه بأغلب ألعابي لين تخرجت من الكليه
وبعدين وزعتها على الجهال صرت بابانويل يومها



إيش اكـثـر حلاوة كنـت تحـبهاا ؟

الآيس كريم عشقي الاول و الاخير


ايش اسم اول مـدرسـه أو مدرس درسك ؟

ما اذكر


هـل كـنت تـعانـي مـن اخـطاء فـي مخـارج الحـروف ؟

لا الحمدلله


موقف بطفولتك ما تنساه ؟ وليـه ؟

موقف حصلي بالسعوديه أيام الغزو لو شنو يصير مراح أنساه
" ممنوع من النشر "


أجمل رحلـه طلعت فيها بطفولتك ؟

طلعات كثيره و أغلبها كشتات البر


مكان معلق في ذاكرتك من طفولتك ؟ ولماذا ؟

بيتنا القديم عند عمامي لأنه لي ذكريات مع ابوي هناك كثيره وحلـــــوه



مين أقرب صديق في طفولتك وهل كانت بنت ولا ولد ؟

من البنات : أختي وبنت خالتي
من الأولاد : أخوي وولد عمتي وولد خالتي
تصدقين ..سؤالج هذا ذكرني بصديقي بالروضه كان اسمه جاسم .. الله يذكره بالخير


إيــــــــــــه .. ذكرتيني باللذي مضى


و أختار بعدي ..



" القرناسه "

[ِِِAL 3ajmiah]

القرناسة

الله يعاافيك يالغلا ويحفظك..

يالله جااك الدور .. الله يكون بعونك *,*

[ِِِAL 3ajmiah]

m!ss-83

نفسي تقولين الموقف اللي احرجتي فيه اهلك

<< مع العلم منيب ملقوفة أبد ..!!

مشكورة يالغلا ع تلبية الدعوة وإجاباتك الدبلوماسية

زين سوينا فيك خير وذكرناك بجسوم

[m!ss-83]

8
8
لااااااااا ما اقدر أنا لما دريت فيه حسيت برستيجي خرب على كبر

وماصدقتهم الا لما خليتهم يحلفون

وايه والله زين اللي ذكرتيني فيه كان خوش صديق كنت أحبه

وفي انتظار .. " القرناسه "

[القرناسة]

تسلمين مس ع الاختيار

حتى انا ابي اعرف الموقف اللي صارلج بالغزو




بسم الله

ابدأ . .





إيش كآنت لعبتك المفضلـه وأنت صغير ؟

الغميضه والقاري وطبعا الباربي



نشيد كنت تحبه أيام الطفولـه ؟

اغاني هدى حسين والاوبريتات والمسلسلات

بس اول اغنيه حفظتها كانت لمحمد عبدو هلا بالطيب الغالي كان عمري تقريبا 3 سنين ونص

شخصيه كرتونيـه كنت تحبهآ ؟

شخصيات ديزني كلها احبها وبوليانا كنت اسوي نفس تسريحة شعرها
وبعد فلونه .. رحلة عنابه كنت اموت عليه .. بيتي بوب ... الخ الخ


كيف كنت أيام طفولتك شقي ولا مؤدب ؟

مؤدبه بس مشكلتي راعية فزعه اجيب لعمري مصايب


ماهي المواقف اللي عرضت فيها أهلك للإحراج ؟

اذكر موقف مدرسه مصريه طقتني طراق في الابتدائي عشان جاوبت قبل لا ارفع اصبعي

واعلم امي وجاتها امي تخانقها جان تقول المدرسه ناديها لي مين هيا بنتك ؟؟

يوم جيت الا المدرسه تلمني دي بنتك واللهي دي قمر وحبيبتي جان طالعني المدرسه قالت

انا ضربتك ؟؟ طالعتها جان اقول لا

امي استخفت تقولي مو انتي قايلتلي انها طقتج جان اقول لا ماحصل ماطقتني

[واهي صج طاقتني ] يوم رجعنا البيت زفتني امي ليه تحطيني بهالموقف


هل كانت شخصيتك قوية أم مغلوب عليها ؟

نوعا ما قويه ومرات اصير امعه


موقف حصل في طفولتك كان له دور في تغيير مجرى حياتك ؟

طبعا اهو ماصارلي موقف قوي عشان يغير حياتي كومبليتلي

لكن الغزو من الاحداث اللي اثرت فيني .. لما صار كان عمري 5 سنين ونص

قبلها كنت اجهل شنو يعني حب الوطن بس لما صار الغزو حب الكويت تأصل بقلبي

أكبر عيديـه جمعتها كم ؟ ومن مين ؟

دايم من الوالد الله يحفظه

لكن اول واكبر مبلغ جمعته كان عمري 10 سنين 120 دينار ومن وناستي فيها

كل من دخل علينا طلعتها له الين صك الباب على ظفري حزتها قمت انط و اوقع من العوار



يوم كنتِ صغيره إيش كآنت تسريحتك المفضلـه ؟

لما كنت صغيره حيل بوي كله حاشته لي امي

بس لما كبرت عنقوص ولما كبرت شوي وصلت للمتوسطه طحت بالجل كله اسوي كيرلي



من كـآن يدلعك أكثر أبوك أو أمك ؟

هو طبعا الاثنين

ابوي ماديا وامي معنويا


اســم دلعك بالطفولـه لحد الآن ينادونك فيـه ؟ وماهو ؟

اسم دلع ماعندي لانه اسمي غنوج فما يحتاج يعطوني لقب

لكن عيارتي ما زالت بااااقيه منذو الازل الى يومنا هذاااا [ ام صخر ] عاد لحد يعايرني لوول

لحقت تتابع المجد؟ ولا سبستوون ولا القناة الاولى بالصبح والعصريـه ؟

الاولى طبعا


بطفولتك كنت تبكي إذا ماجلست بالاول بالطابور أو الفصل ؟

بالطابور عادي بس بالصف ايام الابتدائي ضرووري لانه امي مدرسه ومضبطتني


هل عندك لعبـه موجوده من صغرك إلى الآن واذا كنت محتفظ فيها ؟ وماهي ؟

نؤ مع الاسف



إيش اكـثـر حلاوة كنـت تحـبهاا ؟

كنت اموت على ككاو تولوو اللي كيسه اصفر ومكتوب بالاحمر .. وبسكوت اولكر يذكرني في بيت خالتي لوول

وكان في صندوق في حلقوم وحلويات ناسيه شسمه ما اشوفه الا بالمناسبات كنت احبه

ايش اسم اول مـدرسـه أو مدرس درسك ؟

لا عاد قويه عفيه مخ دفتر


هـل كـنت تـعانـي مـن اخـطاء فـي مخـارج الحـروف ؟

لا الحمدلله صاغ سليم


موقف بطفولتك ما تنساه ؟ وليـه ؟

لما دزني ولد خالي من صبّه كان ارتفاعها مترين ما انسى صراخ امي

كان في يومها حاسه بسويلي شي فقعدت ع الصبه بين خالتي وصديقتها وسبحان الله دزني على غفله

وطبعا مواقفي معاه واجد لانه يغار مني وانا اغار منه لووول

مره كنت قاعده بامان الله ارسم ومندمجه

مادريت الا جايني طاير وبايده مقص ويقص خصله من شعري


أجمل رحلـه طلعت فيها بطفولتك ؟

رحلات كثيره واللي اذكرها حيل روحتنا اول مره لبر المطلاع كانت طلعه مميزه


مكان معلق في ذاكرتك من طفولتك ؟ ولماذا ؟

بيت خوالي القديم طفولتي كانت كلها فيه

ومحل نحن والاطفال كنت احبه حيل لدرجه اول مره افكر بالسرقه اني اسرق هالمحل لوول

مين أقرب صديق في طفولتك وهل كانت بنت ولا ولد ؟

بنت خالتي وبنات خالي





و أختار بعدي ..

[ لليمين در ]

للامام سررر

[ِِِAL 3ajmiah]

المشاركة الأصلية كتبت بواسطة m!ss-83

8
8
لااااااااا ما اقدر أنا لما دريت فيه حسيت برستيجي خرب على كبر

وماصدقتهم الا لما خليتهم يحلفون

وايه والله زين اللي ذكرتيني فيه كان خوش صديق كنت أحبه

وفي انتظار .. " القرناسه "

زين سووا فيك .. عاد كلّ له من ماضيه مواقف محرجة بس أحيان الأهل يتستروا علينا

ولا يخبروننا بمصايبنا