خوة خوي تسر وتعجب علومه ..... ( حان السفر : حسن بن على الهاجري ) ..عجيبه

[الشيخه]

مساكم الله بالخير

اشحالكم اعضاءنا المتواجدين

قصيده جازت لى واتمنى انها تنال على اعجابكم ولزمت نفسى انى انزلها لكم قبل لا اطلع من البيت عشان ابى تفاعلكم الرائع معها .

بما انا الحين موعد السفر والكل ناوى على الروحاة والجيات شرق وجنوب هذى قصيده لشاعرنا الرائع حسن بن على الهاجرى وفيها الكثير من النصايح المهمه وانا لما قريتها تمنيت انى رجل وأخاويه على ذا القصيده لانه صدق فى كل بيت قاله .

اترككم معها بامل ان تعجبكم :

حان السفر والاجازه شبه محسومه = للديره اللي تحدد حسب رغباتك
وتفارق القيظ ياذيبان وسمومه = وتنسى المشاغل وتنسى كل ضيقاتك
ودامك نويت السفر بعطيك معلومه = تنفعك طول العمر فى كل سفراتك
خوة خوي( ن ) تسر وتعجب علومه = ينصحك لاخطيت ويرفى كل خملاتك
لا قلت رجال .. رجل ومالى هدومه = على النقا خوته يصدق بهقواتك
كريم وسبلى ونار الطيب مضرومه = وان شرت يمشي حسب شورك ومشهاتك
وان بان وقت الشدايد بانت رسومه = يضيق من ضيقتك ويفرح بفرحاتك
نفسه عن المكر والسيات محشومه = ويبعد عن اللى يعلك لاجل راحاتك
حافظ صلاته وحافظ حجه وصومه = هذا الذى تذخره فى كل حزاتك
وابعد عن اللى بوصفه كنه البومه = اللى تباشر ليا من شاف زلاتك
وادناة زله يعدك اكبر اخصومه = ولا اخطيت يجحد معاريفك ووقفاتك
ولاجل المصالح يبدل طيب سلومه = ويفرح بحزنك ويحزن فى مسراتك
نفسه رديه من الايمان محرومه = ولا يعينك على وردك وطاعاتك
واليا زهمته ابد ماتشيله عزومه = ويسم قلبك بروحاتك وجياتك
مسكين ما ينقل همومك ولاهمومه = اشلون ترضى بمثله عند رحلاتك
والمدح ماكل رجل ( ن) يقدر يرومه = ياكود رجل ( ن ) يعجبك عند ضيقاتك

سلامتكم

لشاعرها الرائع

حسن بن على الهاجرى

[حزينة الأيام]

الشيخة

يعطيش العافية وتسلمين على النقل والرائع

وصح لسان الشاعرحسن الهاجري

تقبلي مروري

& حزيــــنة الأيـــــــــام &

[الملكة]

خوة خوي( ن ) تسر وتعجـب علومـه---ينصحك لاخطيت ويرفى كـل خملاتـك
صح لســان القايل..ونصايحه للسفر وللخوة بشكل عام...
الله يعطيش العافية..الشيخة..واختياراتش دايمن تعجبنا..

[مسعطر]

أختي الشيخة <<ما فيش حيلة أختيارش رائع

قصيدة رائعة صح لسان المبدع حسن الهاجري.

تقبلي مروري.

[كفيل غلام]

يا سلام يالشيخه..

هذا الخوي ولا بلاش صح السان الهاجري
ختيارك المميز يدل على ذائقه شعريه غير طبيعيه

اشكرك

[~ورد~]

مشكور الشيخه

[الشيخه]

اختى الكريمه حزينه الايام


الله يعافيش ولا هنتى على التواجد يالغاليه

خير من يشرف كتاباتى

تقبلى منى خالص التحيه

الـــــــــشـــــــيــــــخه

[الشيخه]

اختى الغاليه على قلبى : الملكه

مرحبااااااااااابش ومسهلا واسعدنى تواجدش الكريم

الله يعافيش وهذا من ذوقش يالغاليه

تواجدك شرف لى

تقبلى منى خالص التحيه

الـــــــــشــــــــيـــــــخه

[@صدى الاهات@]

صبحش الله بالخير أختي الغااااااااااالية: الشيخه

ودامك نويت السفـر بعطيـك معلومـه
تنفعك طول العمر فـى كـل سفراتـك
خوة خوي( ن ) تسر وتعجـب علومـه
ينصحك لاخطيت ويرفى كـل خملاتـك
لا قلت رجال .. رجل ومالـى هدومـه
علـى النقـا خوتـه يصـدق بهقواتـك
كريم وسبلى ونـار الطيـب مضرومـه
وان شرت يمشي حسب شورك ومشهاتك
وان بان وقت الشدايـد بانـت رسومـه
يضيق من ضيقتـك ويفـرح بفرحاتـك


صح للسانش وللسان شاعرها المبدع (( حسن الهاجري)) تسلمين على هالنقل الرائع وبنتظار جديدك

تقبلي مني خالص التحيه:

[الشيخه]

المشاركة الأصلية كتبت بواسطة مسعطر

أختي الشيخة <<ما فيش حيلة أختيارش رائع

قصيدة رائعة صح لسان المبدع حسن الهاجري.

تقبلي مروري.

مسعطر

هذا من ذوقك الرائع

تواجدك شرف لى

تقبل منى خالص التحيه

الــــــــشـــــــيـــــــخه