مجالس العجمان الرسمي

العودة   مجالس العجمان الرسمي > ~*¤ô ws ô¤*~المجالس الإجتماعية~*¤ô ws ô¤*~ > مجلس الترفيه

مجلس الترفيه يعنى بمواضيع الترفيه ووسعة الصدر

رد
 
أدوات الموضوع طرق مشاهدة الموضوع
  #1  
قديم 20-11-2005, 02:16 PM
الصورة الرمزية مبارك العرجاني
مبارك العرجاني مبارك العرجاني غير متصل
 
تاريخ التسجيل: Nov 2005
الدولة: أرض الله الواسعة
المشاركات: 252
معدل تقييم المستوى: 19
مبارك العرجاني is on a distinguished road
Talking البنات بيسوقون قريب....السعودية..؟؟

السلام عليكم ورحمة الله وبركاته


ماجووورين والسلامة .. سمعت من بعض الشباب في الديوانية أن البنات عندنا بيسوقون مادري هو صدق ولا كلام فاضي وبيني وبينكم شدني الموضوع وقيادة المراه بحد ذاته ماهوب مشكله ..المشكله تكمن..في كيفية التعايش .والتأقلم على وضع..جديدعلينا. ولو صدق أيدتهم الحكومة الله يعزها على رأسها الملك عبدالله الله يحفظه وش بيصير … ?? والله مابلعتها وانا اقول في نفسي .يازينك يامبارك وانت جالس جنب المراه انت تقرا جريده وهي تسوق ويمر عليك الشباب يجون من صوبك ويأشرون لك افتح الدريشه واقول لهم امرو..ويردون انطم انت حنا نكلم السواق وأنا أقول ( ابشر)

ولا موقف ثاني_ ولا ذي الزحمه .تحت ذا الشمس والسيارات واقفه والسبه ثنتين متصادمات في بعض وكل وحده نازله بعجرتها (( العجرى =نوع من العصي)) للثانيه .والشباب ما ودهم يفاكون عاجبهم مناطح الغزلان .وغير كذا خايفين يفاكون بينهم .ويلمسون شي مخالف للشرع.وياخذون لهم 18 جلده على ايد هيئة الامر بالمعروف والنهي عن المنكر

ولا موقف ثالث_ تقوم مطاعم الفاست فود.ومطاعم اللبنانيه ..والشعبيه بتوظيف بنات لتوصيل الطلبات.للمنازل…ياااااااربي وربي اني لاطلب الاكل على حسب زين اللي توصل الطلب..وطبعا قبل لاتجي البنت اللي توصل الطب اكون انا رحت وتسوقت لي شماغ جديد وثوب جديد وجزمه جديده وشاري نظارة كارتير تقليد وساعة روليكس سنغافوريه تقليد ..كله بس عشان استلم الطلب من سواقة المطعم

..ولا عاد تجيك ذيك المتحرره .اللي التلفون بيد والدركسون بطرف ايدها الثاني وجالسه تحف اظافرها .والسياره ماغير اتمايل يمين وشمال وهي جالسه تسوي بديكير .وهي تسوق..وطبعا ناقله مراية الحمام الله يكرمكم معها في السياره عشان تشوف خشتها بوضوح..وتاركه السيارات اللي وراها اللى لاز ق بعامود كهربا واللي مشمع بعامل نظافه

المهم في النهايه ابغا اسئل كل بنت تطمع انها تسوق ..لو حصلك حادث لاقدر الله وكنتي بروحك..من ظنك بيسعفك ويشيلك ويكشف عورتك؟ ظنك بيستنون لين يجي اخوك ولا زوجك ولا حتى أي احد قريب ..ايه وربي صادق ..صدقيني ماراح يكشفه الا غريب ...وخلونا ناخذ عبره من الدول اللي تعاملت بهالمنظور مع فارق العادات والتقاليد والزمان .ولا نحاول انتجاهل الصح ونبرر الخطا بخطا اكبر منه واسئل الله .ان يوفق ولي الامر ..والعلماء في رد مثل هالمشروع….انتهى

والله اني اقول هالكلام وانا مقصر مع رب العالمين ولنا من الذنوب مايعلمه الله لكن الغيره وربي لاكثر ولا انا من ضمن هالذيابه اللي تسن انيابها تنتظر القرار بفارغ الصبر (( وربي حنا سرابيت ماننعطى وووجه ))

النهاية ولو أني طولتها شوي ههههه

 

التوقيع

 

 
 
رد مع اقتباس
  #2  
قديم 20-11-2005, 02:28 PM
جزيل العطا جزيل العطا غير متصل
 
تاريخ التسجيل: Apr 2005
الدولة: ديار السلاطين
المشاركات: 2,320
معدل تقييم المستوى: 22
جزيل العطا is on a distinguished road

ولا موقف ثاني_ ولا ذي الزحمه .تحت ذا الشمس والسيارات واقفه والسبه ثنتين متصادمات في بعض وكل وحده نازله بعجرتها (( العجرى =نوع من العصي)) للثانيه .والشباب ما ودهم يفاكون عاجبهم مناطح الغزلان .وغير كذا خايفين يفاكون بينهم .ويلمسون شي مخالف للشرع.وياخذون لهم 18 جلده على ايد هيئة الامر بالمعروف والنهي عن المنكر


ههههههههههههههههههههه
والله انك صادق يا مبارك هذي مشكله كببره

يعطيك العافيه اخوي مبارك

تحياتي لك

 

التوقيع

 

من قلاعتنا ومن طيـب عقدانـا=لابغينـا الشـي لازم نستحـلـه
إننـا قــوم إذا دارت رحـانـا=تطحن اللي ماأنطحن دقه وجلـه
ماخلـق منهـو يلحقنـا مـدانـا=رسخوها في العقول وفي السجله
 
 
رد مع اقتباس
  #3  
قديم 20-11-2005, 02:36 PM
عبدالله الوعيلي عبدالله الوعيلي غير متصل
 
تاريخ التسجيل: Jan 2005
المشاركات: 5,190
معدل تقييم المستوى: 25
عبدالله الوعيلي is on a distinguished road

عليكم السلام
والله يعافيك يا العرجاني ويجيرك من العثوور
اولا.. طريقتك في طرح الموضوع شيقه وفيها من الدعاابه الكثير والله يعطيك العافيه
اجل خلني ارد عليك بنفس طريقة طرحك لهذه القضيه
سالفةان البنات يسقون السيارات عندنا
فانا شخصيا ما عندي ماانع
لعدد من الاسبااب الاول اني ضاامن ان بنات ربعنا ما حدن منهم رايحه تسووق هذا شئ
الشئ الثاني ان شفت شئ قدامي في الشارع من ها الجنس الناعم لاني مسعفها اذا هي مسوويه حادث الا ان كان تطلب فنا حااضر << هذي فزعه وما حنا مخلينها :teeth:
وان شفت ثنتين يتهاوشوون با العجاري ما حوولت (( افرع )) بينهم
السبب الاخير الدعوى يا ابن عمي سهالات من خلا بنته ولا اخته ولا زوجته تسووق
فهذا شئ راجع له وهو يتحمل مسؤليته قدام نفسه اولا وقدام اهله وربعه واللي هو منه


في الختام تقبل اجمل وارق تحيه اخي مبارك العرحاني

 

التوقيع

 




 
 
رد مع اقتباس
  #4  
قديم 20-11-2005, 02:45 PM
الصورة الرمزية ليال الحنين
ليال الحنين ليال الحنين غير متصل
 
تاريخ التسجيل: Feb 2005
الدولة: قصمنجيه اصليه
المشاركات: 3,451
معدل تقييم المستوى: 23
ليال الحنين is on a distinguished road

هههههههههههههههههههههههههههههههههههههههههههههااااا اااااااااي

لو حصلك حادث لاقدر الله وكنتي بروحك..من ظنك بيسعفك ويشيلك ويكشف عورتك؟ ظنك بيستنون لين يجي اخوك ولا زوجك ولا حتى أي احد قريب


والله انك صادق اخوي يعطيك العافيه وجزاك الله خير

 

التوقيع

 

 
 
رد مع اقتباس
  #5  
قديم 20-11-2005, 04:50 PM
الصورة الرمزية مبارك العرجاني
مبارك العرجاني مبارك العرجاني غير متصل
 
تاريخ التسجيل: Nov 2005
الدولة: أرض الله الواسعة
المشاركات: 252
معدل تقييم المستوى: 19
مبارك العرجاني is on a distinguished road

ههههههههههههه

مشكــــورين على المــــــــــــــــــرووووور ..

عبدالله أنا خابر أن محد بيخلي أهله يسوقون
بس أنا أبي الي يطري له يسووووق من النسوان .. قد يهـــــــــــون

ولاهنتـــــــــوا جميعا على المــــــرووووور

رد مع اقتباس
  #6  
قديم 23-11-2005, 07:59 AM
الصورة الرمزية مبارك العرجاني
مبارك العرجاني مبارك العرجاني غير متصل
 
تاريخ التسجيل: Nov 2005
الدولة: أرض الله الواسعة
المشاركات: 252
معدل تقييم المستوى: 19
مبارك العرجاني is on a distinguished road

شـــــوفوا وش بيصير لو طبقت الحكــــومة سواقة الحريم

أضـــــغط هنـــــــــــــا

هههههههههههههههههه والله شي

رد مع اقتباس
  #7  
قديم 23-11-2005, 02:35 PM
العفيفه العفيفه غير متصل
 
تاريخ التسجيل: Mar 2005
المشاركات: 532
معدل تقييم المستوى: 20
العفيفه is on a distinguished road

ولا موقف ثاني_ ولا ذي الزحمه .تحت ذا الشمس والسيارات واقفه والسبه ثنتين متصادمات في بعض وكل وحده نازله بعجرتها (( العجرى =نوع من العصي)) للثانيه .والشباب ما ودهم يفاكون عاجبهم مناطح الغزلان .وغير كذا خايفين يفاكون بينهم .ويلمسون شي مخالف للشرع.وياخذون لهم 18 جلده على ايد هيئة الامر بالمعروف والنهي عن المنكر

ههههههههههههههههههههههههههههههه
والله موتني من الضحك

والله اني اقول هالكلام وانا مقصر مع رب العالمين ولنا من الذنوب مايعلمه الله لكن الغيره وربي لاكثر ولا انا من ضمن هالذيابه اللي تسن انيابها تنتظر القرار بفارغ الصبر (( وربي حنا سرابيت ماننعطى وووجه

والله يوم قلت الغيرة فرحت بس انت الله يهديك خربتها كان كملت جميلك

الله يعطيك الف عافية على هالموضوع الحلو

رد مع اقتباس
  #8  
قديم 23-11-2005, 02:43 PM
مدحت العوفي مدحت العوفي غير متصل
 
تاريخ التسجيل: Nov 2005
المشاركات: 67
معدل تقييم المستوى: 0
مدحت العوفي is on a distinguished road

نسأل الله الستر - وقيادة المراه في المجتمع السعودي وغيره من المجتمعات لا تجوز لي شخصيا ولا أؤيدها لما سيترتب عليها من آثار سلبيه

جزيت خيرا واثبت اجرا يا اخي

رد مع اقتباس
  #9  
قديم 23-11-2005, 07:07 PM
الصورة الرمزية بنيان اليامي
بنيان اليامي بنيان اليامي غير متصل
 
تاريخ التسجيل: Oct 2005
الدولة: الــــــــخبــــــر
المشاركات: 2,255
معدل تقييم المستوى: 21
بنيان اليامي is on a distinguished road

ههههههههههههههههههه

حلوه يا مبارك الله يعطيك العافية يا ذيب لا وعادك بتشوف المصايب يا كثرها كثراه

 

التوقيع

 

 
 
رد مع اقتباس
  #10  
قديم 03-12-2005, 10:57 AM
محمد الشامري محمد الشامري غير متصل
the fuhrer
 
تاريخ التسجيل: Jan 2005
الدولة: فوووق هاااام السحب
العمر: 40
المشاركات: 10,266
معدل تقييم المستوى: 30
محمد الشامري is on a distinguished road

ليه يالربع خلووهم يسوقون

هههههههههههههههههههههههههه

<< بلا يتملعن


والله انك صادق يامبارك والله يستر ياخيك

وانا اعلنها من الحين ان اذا ساقوا البنات في السعوديه ماعادني بسايق انا

بحرق السياره واشتري لي خيل وخلهم يسون مثلي هههههههههههههههه

الله لايهينك يامبارك وجعلك تسلم على ذا الموضوع

 

التوقيع

 




لازعيـــــــــــــم فـــي حضـــــــــــرة الملـــــــــــــــكـ
 
 
رد مع اقتباس
رد


الذين يشاهدون محتوى الموضوع الآن : 1 ( الأعضاء 0 والزوار 1)
 

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع إلى

المواضيع المتشابهه
الموضوع كاتب الموضوع المنتدى مشاركات آخر مشاركة
هالة: زمن النساء في العالم سيبدأ من السعودية saad المجلس السياسي 2 29-10-2005 01:22 PM
فرض عقوبات على السعودية بعد ستة اشهر قلب الأسد المجلس السياسي 6 09-10-2005 06:19 PM

 


الوقت في المنتدى حسب توقيت جرينتش +3 الساعة الآن 02:57 AM .


مجالس العجمان الرسمي

تصميم شركة سبيس زوون للأستضافة و التصميم و حلول الويب و دعم المواقع