سلام تسليمتن لاهل الوفا والطيب واهل الكرم

[الكونكورد]

الشبح والرسام وسعود الخويطري ومهرة النسيان

صحت ابدانكم ولاهنتوا

ارحب ارحب يامصلح

البكره الطيّبه يامصلح بن حويل فيها ورم = شل الورم من ذلولك قبل لا يعتاش بامتانها
حتى ليا شافها الخرمان راع الكيف كاف وخرم = لا تعقلون الذلول الطيّبه من دون ميدانها

[مصلح بن حمد بن حويل]

ذلولي من اول الجيش المسابق مالحقها طرم=تمشي واذا طول المشوار زادت واعتلا شانها
هذي سبايبك حملت الحمل من فوق عودن هرم=يصيح ومن البدايه طاح يوم اختل ميزانها

[مصلح بن حمد بن حويل]

الاخوان المتابعين:سعود الخويطري+
مهرة النسيان+
الشبح+
الرسام

الله يعطيكم العافيه جميع ونتشرف بتابعتكم

اخوي الغالي الشاعر الكونكورد الله يبقيك وصح لسانك

وانا لي الشرف اني لعبت معك طال عمرك ولاهنت

تحياتي للجميع اخوووووووووووكم

[الكونكورد]

الله الله الله

مصلح عز الله انك جزل

استلم لاهنت

العود ياصاحبي ينقض حبال القاف لو تبترم = يقرا على الكايده حتى يطوّع شر شيطانها
لو تبتعد بالكحيله خلف نيل القاهره والشرم = ماتاخذ إلا وانا بديار حسني قاضب عنانها

[بندر العجمي]

الكونكورد ومصلح بن حويل



صح الله لسانكم والله لايشينكم




ونبغي محاوره مباشره لكم وسلمتوااااااااااااا



اخوكمـــت

[بندر العجمي]

العود ياصاحبي ينقض حبال القاف لو تبترم = يقرا على الكايده حتى يطوّع شر شيطانها

لو تبتعد بالكحيله خلف نيل القاهره والشرم = ماتاخذ إلا وانا بديار حسني قاضب عنانها



ياللطيف يااللطيف




فتل ونقض على مستوى والله لايشينكم

[الكونكورد]

المشاركة الأصلية كتبت بواسطة بندر أبن خضير العجمي

الكونكورد ومصلح بن حويل



صح الله لسانكم والله لايشينكم




ونبغي محاوره مباشره لكم وسلمتوااااااااااااا



اخوكمـــت

بندر بن خضير

صح بدنك

واقتراح جميل ان تكون المحاورات مباشره

وانا امون على اخي مصلح بن حويل واقول حاضرين

وشعار المنتدى كلهم فيهم البركه

لكن من ناحية التنظيم فهو متروك للأخوان فالإداره وانشالله مايقصرون

حياتي وتقدير يابندر

[مصلح بن حمد بن حويل]

اخوي بندر بن خضير صح بدنك والله لايهينك واقتراحك في محله وحنا مثل ماقال اخوي الشاعر الكونكورد حاضرين

صح لسانك يالذيب والله انك بحر الله يستر منك خطير والرد واصلك

تقبلو تحياتي,,,,,,,,اخوكم

[مصلح بن حمد بن حويل]

ترا الرحا ياطويل العمر شغاله وتفرم فرم=تطحن حبوب ماتطحن وسط روسن حدت اسنانها
اربط ذلولك وريحها تربع بين عشب وبرم=اهون من مطاردة جيشن مايمكن ياقف وزانها

[الكونكورد]

صح بدنك يالقرم

ولحد يرفع لي ثم اصدق

الخطير والله انت خطير وعنيد

استلم لاهنت

اللي رصيده ذهب لو غرموا كل البشر ما غرم = إلا لقى سلعة ٍ تسوى ذهب يعطي لك اثمانها
النار شبت ونار العود يابن حويل تضرم ضرم = نحذف بها الحيه اللي سمّها باطراف نيبانها