مرثية الشيخ ذيب المهان في الشيخ فلاح الشدقاء رحمهما الله

[عاشق العليا]

مرثية الفارس الشيخ ذيب ابن المهان في الفارس الشيخ فلاح ابن الشدقاء رحمهما الله

ما قال ذيـب بدى عــالي المراقيـــب=قد غابت الشمس يرجي ما حدٍ جاه
ودموع عينه كما زفق المشاريب =والحال كن فيه مجرادٍ تعشاه
على ابن عمٍ حما جيش مصاليب =سِعد ابن عمه نهار الضيم لي جاه
فلاح ياللي يعلم بالمواجيب =يا سعد ضيف العساري يوم ينصاه
راعي دلال تقلط والتراحيب =ونجر يصيّح لساري الليل لي تاه
ذرا لربعه ويزاحم لجانيب =والخصم يكسر شباته يوم يلقاه
لا عذر في هية تكثر لصاويب =نأخذ القضا في زعيمٍ قد فقدناه
ذبحة فلاح تظهر خافي الشيب =يا حسرتي يالمواجه ما حضرناه
فيها الخديعة وفيها الغدر والعيب =واللي فعلها سروقٍ الله ينعاه
ما دامت الشمس تبدي والله وتغيب =وما دام نور القمر يبدي وشفناه

[مسعطر]

الله يرحم ابن الشدقا ,,
و يسكنه الجنة ,,
والله يرحم ابن المهّان و يسكنه الجنة ,,
وصح لسانه ,,


ولاهنت اخي عاشق العليا ,,
وصح لسانك ,,

و عندي إستفسار ,,

واضح من القصيدة انه مغدور ابن الشدقا و مذبوح ٍ غدر
في اي معركة حصلت ذي السالفة ...؟؟

وسلامتك ..

تقبل مروري ,,
أستودعك الله ,,

[الاب الروحي]

صح لساااانك ولساااانه

ولا هنت
على النقل

[عبدالله آل عامر]

الله يرحمهم ويسكنهم جنته

لاهنت يا عاشق العليا على القصيدة المؤثرة

[بطاح]

الله يرحمهم انشهد انهم شيوخ ..




الله لا يهينك يا عاشق العليا وابيض وجه جعلك سالم يالسنافي ..




تحياتي ..

[زمال ال فاطمه]

اسمحولي اقول قصة غدر ابن الشدقاء ومنقوله من احد احفاده فيصل بن سالم الشدقا


بسم الله الرحمن الرحيم

قبل حوالي مائة عام تقريباًأكثرأوأقل بقليل، تقدم الشيخ فلاح الشدقاء لخطبة إحدى بنات الشيخ صالح ابن سمره شاعر الوعلة ويام في ذلك الحين ، ورحبوا به ووافقوا ، ثم اراد أن يجهز لزواجه فأخذ جلايب وارتحل إلى سوق تمره من أسواق الدواسر المشهورة في ذلك الوقت ، والتي تقع بين الوادي والسليل ،لكي يعود منها بحملة زواجه ويتزوج ، وكان مع الشيخ فلاح ثلاثة من ربعه هم :وعلى بن سيده أبوحجله آل عازب ، ومسعود بن حمد المهان ، ومريط آل دبيش ، وصلوا السوق بتمرة الوادي وباعوا الجلايب اللي معهم وتمونوا بثمنهامن السوق واشترى حملة زواجه وحملوا ركايبهم وملوا مزاهبهم وانكفوا راجعين لأهلهم بعد ماخلصوا من السوق ، وتواجهوا مع ربع من آل العرجاء وشاروا آل العرجاء على الشيخ فلاح الشدقاء وربعه أنهم يرافقونهم في رجوعهم ليدمه مع الطريق اللي من عند المندفن ، لكن الشيخ اختار أن ياتي من طريق من جهة واسط والعلمان ، وكل راح في دربه ، ومشى الشيخ وخوياه اللي معه ، وكان هناك شخص من آل شايب يدعى (فلكان) مدري هو اسمه أو لقبه ، المهم كان يراقب الشيخ فلاح في السوق من بعيد لي بعيد وتعرفون أن الأسواق محمية من أهلها في ذلك الوقت وكان يتقابلون الأخصام فيهاولا أحد منهم يتعرض لأحد ،ويوم طلعوا من السوق متجهين صوب ديرتهم وعرف خط سيرهم ، تقدم قبلهم لين وصل ربعه ، وكان آل شايب وغيرهم كثير من قحطان من شمال وغرب لهم ثارات ويطالبون ابن الشدقاء بدم ويتمنون مواجهه مثل ماهم يتمنون مواجه فرسان وعقداء الوعله الأخرين ، ومثل مافرسان الوعلة يتمنون مواجه بعض فرسانهم وذلك بحكم مابينهم من مواجهات مستمرة وبحكم الحدود بينهم ، وكما كانت الثارات متبادله بين الوعله وقحطان ، جاء فلكان عند آل حويل آل شايب وبلغهم بأن ابن الشدقاء في طريقه صوب يدمه وإذا تبغون ثاركم فاعترضوا طريقه ، راحوا يتطرفون له ويبغون المواجه ، والشدقاء واصل مسيره راجع ليدمه ويوم وصل مكان يقال له منقع الحمام دهمهم الليل وباتوا في مكانهم ، وأصبح ومشى وأرسل السبور قدامه اللي هم : مسعود بن حمد المهان ،ومريط ولما وصل بين منقع الحمام وجبل واسط لي أثر القوم حوالي اثناعشر سته منهم على هجن وستة منهم رجليه ولين لأثر قاطع لهم ، ولما تعدوا الأثر لي القوم متقفينهم ، خذا فلاح ابن الشدقاء وعلى بن سيدة المحاجي وتكازوا هم والقوم وتبادلوا الرمي والسبور قد ابتعدوا ولامعهم إلا بندق مع مسعود بن حمد مافيها إلا طلقتين ، المهم اللي حصل إن قحطان دعوا بالمنع بعد ان صوّب منهم الشدقاء واحد وخافوا إنه يذبحهم ، واستقبل ابن الشدقاء المنع من شان خوياه ومن شان الهجن محملة بزاهب للربعه في يدمه وينتظرون ، وتعاطوا الوجيه والعهود على المنع ، وتلاقوا يتسالمون وكان كلهم يعرف الأخر ، وفيه رجلين يقال لهم : ( حصين ، وانبيج )بني نبجان آل الحميرا من آل حويل أهل المواجه ، هم اقرب من للثار ومذبح فلاح شيبانهم وإخوانهم ، وعند سلام فلاح الشدقاء على حصين تقفاه انبيج من خلفه وأطلق عليه بين كتوفه وقتله غيلة وغدرا ، ثم قتلوا علي بن سيده عيبا بعد المنع ونقضوا العهود وغدروا وخانوا ، وبعدها طردوا السبور اللي متقدمين قدام القوم ، وعند رميهم للسبور كلهم صوب لآخر فصوب حصين أخيه الغادر انبيج ، والسبور ماغير مسعود رماهم باللي معه وواصلوا مسيرهم لين وصلوا للربع آل شهوان في يدمه والوعله كلهم ، وبلغوهم باللي حصل واللي صار ، وجا ابن سمرة الخبر وقال لاحول ولاقوة إلا بالله الله يرحمه آل درهم بياخذون بثأر شيخهم وان احتاجونا ماذخرنا أنفسنا.


الثأر لشيخ فلاح الشدقاء :

اجتمع في أول مغزى ربع ماهم بشوي على رأسهم الشيخ حمد بن فلاح الشدقاء وأخوانه والشيخ ذيب المهان وكان معهم من آل درهم الشيخ منير ابن نهايه وغزوا على القوم اللي يبغون الثار منهم وقتلوا في ذاك المغزى خمسة رجاجيل ثار في فلاح ،

كررت المغازي أكثر من مره وقتل فيها سته أخرين .

طبعا هناك اثنين من ربع فلاح قتلوا في هذه المغازي المطالبه بثأره.

كان أخر مواجه بين الطرفين من أجل الثأر في الحذاء وكان المواجه بين كل من : على بن مهره آل فجيحه ، وحولان بن قيّم ، وبين آل نعيجان آل شايب وعددهم ثلاثه ، وربي أعان آل طحفل آل شهوان عليهم ، حيث قتل حولان اثنين ، وعلى ابن فجيحه واحد .

وعدد الذين أخذوا في ثأر الشيخ فلاح الشدقاء رحمه الله ( أربعة عشر لحيه )


مرثية الشيخ ذيب المهان في الشيخ فلاح الشدقاء وهي اللي مذكوره في الموضوع

والثانيه
وهذه أبيات من قصيدة الشيخ هويج بن عذبه ابن فجيحه يذكر فيها عدد القتلى ثأراً في الشيخ فلاح الشدقاء
هاض الغنا فاطرن تشكي من الحال=تشكي على اللي عناياهم قويه
.........................................=........ ..............................
من يعلم فلاح(ن) عقب ما غان= إنا نصرناه بفعول(ن) طريه
خذنا ثلاثة عشرمنهم نعيجان= والرابع اللي بالحذا ينعت خويه

وهذي بعض أبيات من قصيده الشيخ حمد بن فلاح الشدقاء يذكرفيها والده وقتله غدراً

قمت أتطرف على السلفان =الله يجيب الوفق دونه
أحب أواجه بني نبجان=أبرد غليلي ومكنونه
من خان عرضه عساه يخان=الله يجازيه ويخونه
ومن صان عرضه عساه مصان=الله يعافيه ويصونه
قد خين في صايك النيبان= زعيم قومٍ تعرفونه
فلاح نقص(ن) على العربان= ربعه على الحف يلقونه
شي سلم يام معا قحطان= من عاب ربعه ينقونه
غير خمسة عشر من عشا السرحان= قضا فلاحٍ يزكونه

هذا ماحصل بالتفصيل

والله يرحم أموات المسلمين جميعاً ويتجاوزعنهم ويرحمنا إذا صرنا إلى ماصاروا إليه

[ابونايف الوعيلي]

الله لايهينكم على القصيده والله يرحمهم


ابونايف الوعيلي

[مسفر مبارك]

الله يرحم ابن الشدقا ,,
و يسكنه الجنة ,,
والله يرحم ابن المهّان و يسكنه الجنة ,,
وصح لسانه ,,


ولاهنت اخي عاشق العليا ,,
وصح لسانك ,,

[عاشق العليا]

مسعطر

الأب الروحي

بطاح

عبدالله آل عامر

مسفربن مبارك

أشكركم على المشاركة والردود الطيبه

الأخ زمال آل فاطمه أشكرك على الإضافة الصحيحه

تحياتي للجميع

[عاشق العليا]

الأخ
أبونايف الوعيلي

حياك الله تشرفت بمرورك