سوء اختيار اعضاء مجلس الامه!!!

[طلااااااال]

[align=center]بسم الله الرحمن الرحيم

بصراحه انا من زمان يدور في بالي هالموضوع اللي هو عضو الخدمات وعضو كذا وكذا...الخ ......يعني بتكلم عن الفرعي بصفه خاصه وعن الانتخابات بصفه عامه....المصيبه في الفرعي يطلع ناس ممكن انه يخدم اثنين او ثلاثه او ميه.....لكن في قبة المجلس تشوف العضو نفسه يصوت على قرار ضد مصلحة و(رغبة) المواطن بصفه عامه وضد اللي طلعه بالفرعي بصفه خاصه وحصل هذا الشي في المجالس السابقه وانتوا عارفين الشي هذا... تلقى العضو طول الفتره ساكت بس يخدم ولا صار فيه تصويت يضر مصلحة الطبقه المتوسطه والضعيفه تلقاه اول واحد يرفع ايده تقول كنه من اعضاء الحكومه!!!وبصراحه هذا شي يفشل ويقهر في نفس الوقت ومع ذلك نستمر في اخطاءنا ونصوت لنفس العضو بس علشانه ادى خدمات كان بأمكان المواطن يأديها بنفسه لان الدوله تكفل للمواطن امور كثيره وانا في رأيي ان العضو الكفؤ راح يتكلم بأسم الشعب ويطالب بأسم الشعب ويصوت على اي قانون بعد مايسوي ندوه عامه ويشوف توجهات الناخبين وآراهم في القانون المطروح او هل يؤيدون طرح الثقه بالوزير الفلاني ولا لا وفي نفس الوقت العضو هذا راح يخدم كثير من الناخبين في كلا الحالتين والحاله الاهم اللي هي المصلحه العامه ....يعني المسأله ترجع على اختيار العضو المناسب لكن اللي اشوفه بصراحه غير ذلك تلقى العضو يتكرر في المجلس اكثر من خمس مرات سواء على مستوي نجاحه في الفرعي او الانتخابات العامه .... يعني امريكا وهي امريكا واقوى دوله في العالم الحاكم مايقعد اكثر من فترتين او فتره بعد...ياجماعه كل شي وله صلاحيه سواء بالعمر او بالاتجاه او بالفكر..الخ .....وحنا ماشالله نقعد نختار ناس مثل اللي في الجمهوريات القمعيه!!! اللي يقعدون ويورثون الحكم..... ماراح اقول اللي نختارهم اسوأ علشان محد يفهم اني اتكلم في ذاتهم الشخصيه لكن انهم اعضاء في رايي انهم يضرون بالمصلحه العامه لاجل مصلحتهم الخاصه......هذا رأيي الخاص واحترم اي رأي اخر ضد او مع رأيي...وشكرا

السؤال المطروح:هل انت مع العضو اللي يخدم كم شخص او اشخاص كثير وفي نفس الوقت يصوت على قوانين يضر فيها المصلحه العامه ككل؟وجاوب بصراحه؟

[الـكـادي]

صحيح كلامك اخي العزيز طلااال

وانا الي اعرفه ان يكون عمر المرشح فوق الثلاثين

طيب مو مشكله على فترة العمر بس المشكله ان الشرط الوحيد يكون يعرف يقرا عربي ويكتب

كما نصه القانون

يعني بصراحه مصيبه مع احترامي للاعضاء

بس ما تشوفون معاي لو كان على مستوا من الثقافه والعلم يكون اكثر مصلحه للوطن والمواطن

[طلااااااال]

الكادي .......شكرا على ابداء الراي في الموضوع وخاصه في ثقافة العضو وتعليمه لان للاسف في كذا عضو مايعرف ينطق جمله صح ........مشكور كل الشكر يالكادي على الكلام الجميل اللي قلتيه وعلى المرور الكريم.

[أبو محمد]

اخي طلال مما لاشك فيه اننا جميعا نتمنى ان ينجح الاصلح للوطن والمواطنين في جميع اطياف التركيبه السكانيه في البلد
موضوع رائع وجميل تشكر عليه اخي العزيز

[طلااااااال]

ابو حفيظ .....شاكرلك على الكلام اللي قلته واكيد كلنا انتمنى الشي اللي قلته والله يعطيك العافيه

[monamora]

الله يعطيك العافيه اخي الفاضل
فعلا اختيار شخص يتحدث بالنيابه عني بالمجلس يجب ان يحمل شروط معينه من العلم والثقافه وايضا الشخصيه القويه واللباقه والدبلوماسيه حتى يصل لما نحتاج له

[طلااااااال]

monamora شكرا على مرورش الكريم والله يعيطش العافيه على الكلام اللي اضفتيه وشكرا

[اخو ظبية]

اخوي طلاااااااال موضوعك جدا مهم؟؟؟؟؟؟؟ لكن الناس في اختيار الاعضاء يفكرون في عدة اشياء مثل القبليه والمصلحة الخاصة وهذي هي المصيبة ,,,,,,,,,وتسلم على الموضوع الرئع

[السنافي]

لاهنت اخي العزيز طلال

فعلا يجب ان تقدم المصلحه العامه على المصلحة الشخصيه