قصيده في الشيخ / محمد بن مانع بن عبدالله بن جمعه ..

[راكان المحفوظي]

السلام عليكم ورحمة الله وبركاته


اسعد الله اوقاتكم بكل خير





الشيخ / محمد بن مانع بن جمعه (( رئيس مركز هجرة ام العراد ))



ابو ناصر رجل غني عن التعريف له مواقف مشرفه ولا يستغرب فعل الطيب من اهل الطيب ومنبعه

ومهما تكلمت في الشيخ محمد بن مانع شهادتي فيه مجروحه ..

واترككم مع القصيده :

يا حرف شعري ما بقى مجال=هات العلوم اللي بوسط البال
بعض اللوازم لازم(ن) يعناله=ماهو يجي بمكالمة جوال
لي فيك لازم ما يقال الا لك=ولا على شرواك يا رجال
مشيت صوبك وانت درعٍ ضافي=شيخٍ تفك اللي عليه جدال
يا مسندي من جور وقتٍ قاسي=يالنادر اللي دون ربعه جال
قال المثل قبلي وانا اعيده=ما يرتكي للحمل كود اجمال
جالٍ(ن) الى عنّزت عليه ايعنز=وجال(ن) الى عنّزت عليه هيال
ومحمد بن مانع الى من وقّف=تهون من وقّـافته في الحال
ومحمد بن مانع الى من جيته=يطيح حملك لو عليك ثقال
انا نصيته والله اني خابر=اني ابلقى ما طرى في البال
يا عزوتي ما اظن ابنصى غيرك=والجزل مثلك نذخره لجزال
محمد وتكفى لا طرتلي تكفى=ماهيب لغيرك يالقرم تنقال
انت الملاذ ليا حدتنا الدنيا=وانت الظلال ليا بغيت ضلال
وانت السند وانت الذرى والفزعه=اسمك لحاله مرتكي لجبال
ان قيل ابن جمعه وقلنا محمد= النعم كايد وانت فيك يقال

وسلامتكم

..