بنات اليمامة

[بدر العامري]

غرد تراك اليوم في خارج الســـــــرب
حلاك يفرق عن بنات اليمامــــــــــة
حسنك على باق البني يعلن الحــــــرب
من عذرهن كلن تقول السلامـــــــة
اكحل زريف الطول وانسابها عــــــرْب
صغير سن مدللينه عمامــــــــــــــه
نور الرياض اللي كسا الشرق والغَرب
عذب الكلام اللي ذبحني غرامـــــــه
عزف على اوتار المحبة وانا طَـــــرْب
صحّا الخفوق اللي غفا من منامـــه
ياعين حر(ن) ســــــاقه الله على خرْب
طير الهـــــــوى قامت عليه القيامة
بالليل يجرحني بصـــــــــده عن الدرب
والصبح يرضي خاطري بابتسامـــة
عطيتني بالرمـــــــــح كني من الصرب
والا من العدوان يوم الرغامـــــــــة
انا ابن عم(ن) لك ولاني من الغْـــــرْب
حفـــــــــرت لي بالقاع تسعين قامة
لا تبتعد عني وانا طالب القــــــــــــرب
واعيش في غربة واذوق الندامــــة
يا ذا الغضي متى معي يصفي الشــرب
واروي عطش روحي بقطر الغمامة


بدر العامري المطيري