موتري جبته بلوحات قطريــه كامل إمكمل على غاية مزاجي

[مهوب لازم]

( من البريد )
* الهدد *


موتري جبته بلوحات قطريــه كامل إمكمل على غاية مزاجي


الهدد يبوعلي ذيـب ألدويــه أسحمن يقطع طويلات الفجاجي

بالطلب تلقاه ماهو بالوصيــه مايدوج بالمعارض والحراجي


بالدراهم جبته وكنه هديــه لامشى مافيه ياعادل ازعـاجي


منوة المشتاق لمقابل خويــه مبعد الهقوات والخط ازدواجي


يطوي إفجاج الدرك والمهمهيه ينهب الأميال لا بان انفراجي



مستقيم ٍ لعنبو حـيه وحـيـه كيف يرسي لاعطاالخط انعواجي


يطرق الطبلون ميه فوق ميــه ساهين مافيه بالبدي ارتجاجي


وله صريخن بالهوى تقل اجبليه فكت الحومه على فرخ الزراجي


المسافه يوم حطه بضحويــه للمسافات الطويله به اهياجي



شف من له بالقنص بالطير نيـه يوم هده في شخانيف ورتاجي


وانزعج مع هبة الريح القويـه وحال من دون الدرابيل العجاجي


الوعر حاديه والقاع ارخويــه والسماء فيها يشوف الحوم راجي


وإنتخا بالجيب قال الحق عليــه فوقه اغلامن امضرآ للمداجي


طيرنا روّح ورى الخرب البليـه ابرقن صابه من الطير انزعاجي


قام راع الجيب واخذته الحميــه واطلبه ياطا رضمها واللجاجي


ينطح الوعرات واطوال الثنيه ولا يدّور مع خطاة القور فاجي


وراح يطرد مع كظاعيمن خليه لين بان من الدعاثير الخراجي


مستعدن للفزع مع كل هيه يدّرج بين المتاقي والملاجي


لين جا للطير في هاك الشغيه يمزراغلوبن زهن خرب الدجاجي


حيّّّ جيبن ماتناظر لتحتيــه لا جلدته بالوعر ولاّ الهباجي


دايمن بالقيظ والبرد اطرديــه وينقل المزهب لطلقين الحجاجي


درقته للصيد كنـه درق حيه هادي الممشا ولا به صوت صاجي


اشهد ان راع القنص ماله قضيه للنفود وللوعر عنده اعلاجي


كب جيبن مزبنه في كل فيّه طلعته بين المغاسل والكراجي

[فهد بن محسن]

اخي مهوب لازم

تسلم يالغالي ولاهنت على نقل هذه القصيده الرائعه

وياليت تذكر لنا اسم الشاعر لاهنت


تحياتي لك

[ابو فيصل الخويطري]

لاهنت وبيض الله وجهك

وارجووووووووووو ذكر الشاعر الله لايهينك




الخويطري

[مهوب لازم]

الاخ فهد بن محسن .. ومن قال سالم يا طويل العمر .. اشكرك على الرد .. وبالنسبه لاسم الشاعر فوالله اني مدري منهو ياخيك وصلتني كذيا بالايميل .. السموحه منك ياطويل العمر..

[مهوب لازم]

ولا أنت تهون ووجهك أبيض يالخويطري.. ومشكور وما تقصر على مرورك المشرف...

[الشيخه]

صح اللسان شاعرها

ولا هنت على النقل الرائع

تقبل منى خالص التحيه

الشيخه

[العوووود]

مهوب لازم

صح الله اللسانك ولسان شاعرهاا ولاهنت على النقل الطيب

تحياااتي

[مهوب لازم]

صح ابدنش يالشيخه ..ومن قال ما يهون ياطويلة العمر..

[مهوب لازم]

مرحبا والله تراحيب المطر وعز الله اني صادقن فيها بك يالعووود ..وصحت ابدانك ياطويل العمر..ومن قال مايهون ..شاكر لك المرور الطيب..

[محمد اليامي17]

صح لسانك ولاهنت على نقل هالقصيده الرائعه




تقبل تحياااتي