حتيش يالنجوميه

[راعي الشداد]

بسم الله الرحمن الرحيم


السلام عليكم ورحمة الله وبركاته


هذي قصيده حبيت اعرضها عندكم وابي رايكم بدون مجامله ....وانشالله

تنال اعجابكم..

يامدور الشهره ادور على ويش=والله ماتسرك اضواء النجوميه
ما كنها الا مخدرات وحشيش=لاتعاطى راعيها سج من اخيه
ياساكنين العريش خلكم بالعريش=لقلوب صافيه واللقمه هنيه
لا رحموا اهل اللحايس والبخاشيش=اللي تدور ورى العالم عطيه
ويش تفيد الدراهم لا صار درويش=ماله الا بيز(ن)ورى زمزميه
وشيبانه اهل الفوج كرارت الجيش=لا من صاح المنادي ابشر بالجيه
ياربعي العجمان شيشو و باشيش=من بندق(ن)فالعيينه حج راعيه
ماكثروا ولا قالوا منهو وليش=في راس ضيدان من ال سعود ميه
ضواعن والهادي ومصره وال لحبيش=شوامر وسفارين وسليمانيه
وال ريمه وال صالح معهم مغابيش=بنادقهم تقدح في خشم السريه
شيشو شيشو ياربعي شيشو وباشيش=من لا بتن وقت الشدايد قويه
وحتيش يا اضواء النجوميه حتيش=دام اكسبش من اعلومهم رديه

اعتذر من باقي الفخوذ الباقيه فعلها طيب ولا فيه شكه

لكن هذي قصيده يبيلها وزن وقافيه وانا والله توني كاتبها...

وسامحونا على قصور...

[سعود الخويطري]

صح الله لسانك ونعم بالجميع وكلن فيه حقه



ولاهنت ياراعي الشداد وتسلم يمناك



والى الامام دائما



تقبل سلامي واشواقي

[محمد الغيثاني]

راعي الشدايد لاهنت على المشاركه
وانصحك يالغالي انك تتعود انك تقرا القصيده اكثر من مره قبل نشرها وعطى نفسك وقت لا تستعجل واذا لاحظة ان بعض الابيات بجرك على الوقوف او تحس ان فيه كلمه تثقل النطق حاول تبدلها بكلمه اكثر مرونه وسلاسه وسهوله في النطق

اما قصيدك رائعة وتستاهل منك اهتمام شوي وتصير اروع

تقبل تحياتي اخوك محمد

[مسفر مبارك]

صح لسان ياذيب والله لايهينــــــك

[راعي الشداد]

طلعت القصيده اهنيا وانا مدري ... وانا من اليوم ادورها

الله لا يهينكم يالربع على هالمرور الطيب


وحاب اضيف شغله

انا ملحن القصيده على ...يماحلا ياعبيد

[عـسـاه خـيـر]

صح السانك يا السنافي ونعم بكل اللي ذكرتهم يستاهلون قصيده طيبه .

[راعي الشداد]

صح بدنك يالغالي

لاهنت على هالحضور الطيب