المــلك في وجهاً لـ وجه

[المـــلك]

المشاركة الأصلية كتبت بواسطة الخديدي

حيالك الله اخوي الملك ..
على طارى انك شاعر بطلب منك طلب..
انك تكتب قصيده وتهديها لهذا المنتدى الرائع؟؟

7
7
7
7
7
7
والله ناوي وانشالله بس افضى واريح النفسيه من الدوام ببدى فيها

[أبعاد]

مساء الخير....*

الملك كنت ناويه اضع كم سؤال..ولكن أشفقت عليك ..وخاصه لما شفت أسألة بو حمد ...*

ولي ثلاثــــة أساله فقط :
إن أتيحت أمامك يوماً فرصة بأن تخاطب الناس في مجمع..فماذا سيكون محور كلامك؟!...*


عندما أتصفح بعض المنتديات وأقرأ لأعضائها يخالجني شعور أننا في مجتمع ملائكي....*
الكل يحث على الفضيلة ومكارم الأخلاق،بينما إذا تجولت في الأسواق والمنتزهات تشاهد حقيقة هذا المجتمع الذي نعيش فيه،فلماذا برأيك هذه الحالة الفصامية التي يعيشها الكثيرين منا؟!...*

وأخيــرا ما رأيك في أن الانتصارات الوحيدة التي تدوم أبداً و لا تترك ورائها أسى هي انتصاراتنا على أنفسنا ؟!...* هل ترى أن كلامي هذا صحيح....*

ولك من الشكر أجزله ..ومن الود أعذبه...*

..*أبعاد..*

[شيهانه]

مـــــــــلوك


اوهنئــك عـلى تميــزك الشفــاف

وعلى سحــر قلمــك الدائــم بكــل إبــداع و جــمال

وتـألق حـــضورك يبهــرنا بســخـــاء

ويكــون للأبجــديه رونــق وعــنــوان .....

اشـــكـرك اخــوي عبدالله آل عامر على استـضــافــتك الــرائــعــه

لأخيـا الغــالي على قلــوبنــا الــف شـكـــر



نبدا الاسئله

* ما أعظم درس تعلمته في مدرسة الحياة ؟؟

* وما هدفك في الحياة ؟؟ وماذا فعلت لتحقيقه ؟؟

* رسالة ترسلها لشخص غير موجود في حياتك ؟؟

* مالصفات التي تحبها في صديقك المقرب؟؟

* شخصيه تلفت انتباهك دائمآ ...؟ولماذا?

* عنــــدما تتــخــذ قــرار مــاذا تُحكم قلبــك ام عقلــك ؟؟

*أغنية إذا سمعتها تكون في قمة سعادتك??

* متى تشعر بأنك راضي عن نفسك؟

* ما هو لونك المفضل؟

* ما هوأجمل شي تملكه؟

* ما هو أصعب قرار إتخــذته في حيــاتك؟

* ماهـــو الشـــئ الـــذي تكــرهه في المـــرأه؟

* أول أبيات كتبتها ؟ أذكرها ؟

* آخر قصيدة كتبتها ؟ وفي من ؟

* من الأفضل برأيك الشاعر ضيدان بن قضعان أم محمد الذيب ؟


سؤال أخير ,,

*بعد أن صرت مشرفاً ؟ وفرحنا جميعاً بك ؟ لماذا تم تغيرك لعضو ؟



تقبل خالص شكري وتقديري لك

[المـــلك]

المشاركة الأصلية كتبت بواسطة ابوحمد الشامري

لا هنت اخي العزيز عبد الله على التقديم الرائع للاخ العزيز الملك :

س: ما رايك في الساحة الشعرية ؟

مادام الشاعره (نهى نبيل) فالشعر ابشرو بالساحه بخير

س: ما رايك في شاعر المليون ؟

برنامج مادي اكثر من ماهو معنوي والمجاملات فيه واجد بس عز الله عرفنا على شعار كان مانعرفهم منهم المريبد وابن فطيس وعبدالرحمن الشمري والشاعر المشهور وش اسمه قولو معاي نسيته ايه اسمه (احمد الشريف)

س: من هو شاعر العجمان الاول؟

ضيدان ابن قضعان شاعرهم الاول وبعده ابن الذيب محمد

س: هل تعتبر الرمزية في الشعر ابداع كرمزية مساعد الرشيدي وفهد عافت ؟

الرمزيه بحد ذاتها ابداع واذا انت تشوفها عند فهد عافت وعند مساعد الرشيدي فهاذي وجهة نظر احترمها

س: اعذب الشعر اكذبه هل هاذي المقوله صحيحه ؟

نعم

س: هل لك اطلاع في شعر العرب الفصيح ؟

والله احب شعر راشد ابن الذيب الفصيح غيره ماحبه << حده عنصري

س: يقول ابن خلدون ديوان العرب اربعه فما هي دواوين العرب التي ذكرها ابن خلدون من كتب الادب ؟

الامالي للغالي
البيان والتبيين للجاحظ
ابن غتيبه بس مدري شنو اسم كتابه
المبرد هم مأدري شنو كتابه

احرجتني بذا السؤال قاريه بس مبطي نسيت

س: نعود الى الشعر الشعبي لو تخبرنا بعض المساجلات الشعرية بين الشاعر الكبير الوالد مانع بن شلحاط والشاعر الكبير سعد بن جدلان؟

هاذي بادي فيها الشايب يقول:

سلام من باب التعارف على طول=ياسيد القيفان مزري فحلها
تلتني الهفه على شيفة الزول=ياعيد ميلاد النفوس وزعلها
ياسعد ابن جدلان في كثرة الضول=صوتك تبين والجماهير ولها
يالاكلبي ياكثر مارثة ابا الهول=الي تبين للعوارف جهلها
ذا قول منهو عن حكايها مسؤول=وجهود غراة القريحه بذلها
سلام ابن شلحاط يهديه لزحول=لرجال بيشه والشقيقه واهلها

ورد ابن جدلانيقول:

يامرحبا مادونها باب مقفول=لابوابها ريموت بأيدين اهلها
للي لهم لب السراجيف مذهول=تسقي مزارعها وتبني فللها
صوتك يابن شلحاط بالحيل مقبول=ولاصوات من يصغي لأهلها قبلها
ودام النقاده تتجه ضد مجهول=مافيه اجابه كود للي سألها
وحنا اليا شفنا الهوايل وش نقول= نقول من عاج العصي يعدلها
ولولا هل البلسم يشافون معلول=شمس المعارف ماربح من نقلها
والصوره الي في متاحف اسطنبول= من حبها ولا محبة عملها
ويصيح القناص ياجول ياجول=واخر نهاية نقطة الجيم شلها

وسلامتك

س: لو تذكر لنا محاورات الوالد مع بعض الشعراء الكبار؟

هاذي طال عمرك محاوره بين كل من :

والدي / مانع بن شلحاط
والشاعر اكبير / خليف دواس المطيري

استلم ناقصه بس بعطيك الي اذكر منها


خليف:

حنا جنود الله جيشً مع عمر=ياطيبنا فالاوله والثانيه
واصحابنا العجمان تحكمها سبا=والي عقد روس الحبال يحلها

رد الشايب :

لو قلت ابن لامي كذا صح الخبر=ياكذب عود مطير معه السانيه
حنا كسرنا البيرق الي ماهبا=والي عقد روس الحبال يحلها

خليف:

انتم زهمتونا بساعات الظفر=يم ابن عريعر قاهر العجمانيه
وتقول للدويش بالله وش تبا=والي عقد روس الحبال يحلها

الشايب:

حنا خوال الفيصلي ترثت بدر=حليب شقحا فالسنين الفانيه
وانتم دبا يمشي ورى فيصل دبا=والي عقد روس الحبال يحلها

وشكرا ولا هنت يا ابو مانع

ولا انت يابو حمد بس ذبحتني بالاسأله

[المـــلك]

المشاركة الأصلية كتبت بواسطة أبعاد

مساء الخير....*

المشاركة الأصلية كتبت بواسطة أبعاد

مساء الاحساس والطيبه

الملك كنت ناويه اضع كم سؤال..ولكن أشفقت عليك ..وخاصه لما شفت أسألة بو حمد ...*

الله يجزاش خير

ولي ثلاثــــة أساله فقط :

اف واجد:joke:

إن أتيحت أمامك يوماً فرصة بأن تخاطب الناس في مجمع..فماذا سيكون محور كلامك؟!...*

ان يخافون الله في لباسهم وان لاينسو عاداتهم وتقاليدهم << يجاوب وهو ينتفض ماعمره خطب على احد

عندما أتصفح بعض المنتديات وأقرأ لأعضائها يخالجني شعور أننا في مجتمع ملائكي....*
الكل يحث على الفضيلة ومكارم الأخلاق،بينما إذا تجولت في الأسواق والمنتزهات تشاهد حقيقة هذا المجتمع الذي نعيش فيه،فلماذا برأيك هذه الحالة الفصامية التي يعيشها الكثيرين منا؟!...*

مدري والله بس هاذولا ناس منافقين عندهم انفصام شخصيه وحنا مالنا الا الضاهر

وأخيــرا ما رأيك في أن الانتصارات الوحيدة التي تدوم أبداً و لا تترك ورائها أسى هي انتصاراتنا على أنفسنا ؟!...* هل ترى أن كلامي هذا صحيح....*

نعم يعتبر انتصار << يجامل ههههههههههههههههههههه
لا امزح اذا قصدش يعني امنع نفسي من شي تبيه وانتصر نعم كلامش صحيح


ولك من الشكر أجزله ..ومن الود أعذبه...*

مرحبابش

..*أبعاد..*

والله ومليون نعم

[المـــلك]

نبدا الاسئله

الله يستر من اسألتش

* ما أعظم درس تعلمته في مدرسة الحياة ؟؟

ان لاتخدعني المضاهر

* وما هدفك في الحياة ؟؟ وماذا فعلت لتحقيقه ؟؟

ارضاء الناس اجمعين ومهما فعلت اعتبر نفسي مافعلت شي

* رسالة ترسلها لشخص غير موجود في حياتك ؟؟

ارسلها للغالي الله يسامحك ليش خليتني

* مالصفات التي تحبها في صديقك المقرب؟؟

الصدق , الشجاعه , الكرم , خفة الدم , يتحمل مزح الملك الثقيل

* شخصيه تلفت انتباهك دائمآ ...؟ولماذا?

الملك عبدالله لانه يحب شعبه ومرهي عليهم بالخير وشجاع

* عنــــدما تتــخــذ قــرار مــاذا تُحكم قلبــك ام عقلــك ؟؟

بالاثنين

*أغنية إذا سمعتها تكون في قمة سعادتك??

ياموت ودي ارحل اليوم وارتاح @@@ مادام اعز الناس جار وظلمني

* متى تشعر بأنك راضي عن نفسك؟

اذا شفت الناس حولي كثير

* ما هو لونك المفضل؟

الازرق

* ما هوأجمل شي تملكه؟

قلبي

* ما هو أصعب قرار إتخــذته في حيــاتك؟

قطعت الزقاير شهر

* ماهـــو الشـــئ الـــذي تكــرهه في المـــرأه؟

الغيره

* أول أبيات كتبتها ؟ أذكرها ؟

استلمي طال عمرش

ياقصيدة من تصيغر في رضاك ابياته=انتي بعالم قصيده ياهوى موسوعه
ايه موسوعة قصيد العجمي ونياته=لاتناول دفتره واصبحتي الموسوعه
ياسمفونية مواهب خلقته ياذاته=ياشموخ الكبريا ياهيه يادلوعه
روفي بمنهو تأمل جودك وهباته=طال ليله واشتكى مركاه من كرسوعه
في رجا مسفوط حبك يحتري مداته=يستغيث لنو خيرك مملن قرطوعه
يابعد من لعتزى ياصل سما هقواته=ارفقي به يوم يشكي من ضماه وجوعه
وارحمي منهو تبعثر في رضاك شتاته=واجمعي باقي نطيش احلامه المفجوعه
خلي العاذل ينقطنا بحلو سكاته=دام حنا في غنات الله من موضوعه
الهوى موتاً حمر واهل الهوى مواته=لاترامت فالهوى وحدوده الممنوعه
رحبي بالي يعدك حظه ونياته=ياحلا ياملح ياكل الغلا ياروعه

وسلامتش
* آخر قصيدة كتبتها ؟ وفي من ؟

حكمش على راسي وقلبي والاحساس=كيف اللسان الي يعدك جديده
حكمش امر واوامرش ترفع الراس=وانا وهبت الشعر وانتي قصيده
ياجوهره يادان ياحص يألماس=شحاذ حبش تخجله مدة ايده
اموت في عيونن يداخلهن انعاس=وصفة رموشن من لمحها تبيده
وخدود لامخمل ولاهن بقرطاس=ومبيسمن لافك ماله شريده
وخشمن شموخه فيه هيبه ونوماس=وعنقن عليه من الفتاة الفريده
قالو (فلانه):) تسقي الزرع والناس=وزرعاً تشفق مايها ماتفيده
وانا اتأمل فيش مأقفابي الياس=كلي تفائل بالحياه الجديده

هاذي الاخيره طازه وفي (فلانه)

* من الأفضل برأيك الشاعر ضيدان بن قضعان أم محمد الذيب ؟

ضيدان بن قضعان وابن الذيب موب بعيد منه << موب يعني اماراتي

سؤال أخير ,,

بعد

*بعد أن صرت مشرفاً ؟ وفرحنا جميعاً بك ؟ لماذا تم تغيرك لعضو ؟

اول شي مسؤليه مثل ماقلت لحوران وثاني شي وهو الاهم ان فيه عضو عزيز علي قال انت تغيرت علينا بعد الاشراف قمت طلبت واعتذرت من الاداره وماقصرو فديتهم

تقبل خالص شكري وتقديري لك


مرحبابش ولاهنتي على الاسأله الراقيه والكلام الطيب الي من فوق مستو الملك

[بنت ابيها]

السلام عليكم ورحمة الله وبركــاته..

اولا الله يعطيــك العافيـة اخــي الملك على سعـــة صدرك ،،،

ثانيــا:شدنــي بموضــوعــك ذا الخبـــر القديــم الا وهـــو : " ان بــرج ايفــل بسويســرا لا خــلاص انقلــوه جـــوده " وانت لاهــي بوجها لوجه..هههههههههههههههههه
لا يــزعلــون الفــرنسيـــن >>> زعـــل ابو جعل

ثالثــا: مــا مــن أسئلة ولاهنــــــــت يا السنــافــي ...

[ابومحمد الشامري]

بيض الله وجهك يا ابو محمد وصح لسانك ولسان الشايب وانا من مبطي اسمع بيت الاكلبي واثره ردية بينه وبين الشايب

ويصيح القناص ياجـول ياجـول=واخر نهاية نقطة الجيـم شلهـا

[المـــلك]

;-) http://2007postcards.com/cool.html

المشاركة الأصلية كتبت بواسطة بنت ابيها

السلام عليكم ورحمة الله وبركــاته..

وعليكم السلام
اولا الله يعطيــك العافيـة اخــي الملك على سعـــة صدرك ،،،

الله يعافيش
ثانيــا:شدنــي بموضــوعــك ذا الخبـــر القديــم الا وهـــو : " ان بــرج ايفــل بسويســرا لا خــلاص انقلــوه جـــوده " وانت لاهــي بوجها لوجه..هههههههههههههههههه
لا يــزعلــون الفــرنسيـــن >>> زعـــل ابو جعل

ادري طال عمرش انه في فرنسا بس استعبط على قطنان وحاط ضحكه ماتشوفينها:joke:
بعدين وش طرى جوده فديتها

ثالثــا: مــا مــن أسئلة ولاهنــــــــت يا السنــافــي ...

مرحبابش واسعدني تواجدش يالغاليه

[المـــلك]

;-) http://2007postcards.com/cool.html

المشاركة الأصلية كتبت بواسطة ابوحمد الشامري

بيض الله وجهك يا ابو محمد وصح لسانك ولسان الشايب وانا من مبطي اسمع بيت الاكلبي واثره ردية بينه وبين الشايب

ويصيح القناص ياجـول ياجـول=واخر نهاية نقطة الجيـم شلهـا

مرحبابك يابو حمد واسعدني مرورك فديتك