لوعة العاشق ..

[البندري القحطاني]

السلام عليكم ورحمة الله وبركاته

لوعة العاشق


قالوا لي العب قلت ما نيـب لاعـوب
إلا مـزوحٍ عنـد صافـي الجبيـنـي
الاعبه و افرح إلـى صـرت مغلـوب
و اشوف و جهه لى غلبنـي يزينـي
و اطرب على ضحكه و هو حيل طروب
و انادمه فـي لحظـة أحلـى سنينـي
حبيبي اللي كـل مـا فيـه محبـوب
ترخص له الدنيا و مـا كـان فينـي
اللي يجيني كـل مـا غـاب لاهـوب
أونـس حـرارة لاهبـه فـي كنينـي
و كني على غيره من الناس مغصـوب
و كـن العمـر ياقـف بليـا ظنينـي
و اصير بين يديـن الأيـام مقضـوب
و الليل يجلد بالسهـر مـوق عينـي
يضحك بي الشامت إذا قلت ما أتـوب
و يحزن صديق العمـر ممـا يجينـي
ليته يغطـي لوعـة العاشـق الثـوب
و إلا عيونـي مـا تبـيّـن حنيـنـي
و إن كان تعذيـب المحبيـن مكتـوب
علـى عـذاب الحـب ربـي يعينـي

دايـــم السيـــف ..