#1  
قديم 05-03-2005, 02:14 AM
فهاد العجمي فهاد العجمي غير متصل
إداري مؤسس
 
تاريخ التسجيل: Feb 2005
المشاركات: 200
معدل تقييم المستوى: 20
فهاد العجمي is on a distinguished road
أشاور أهل المعرفة وأسمع باذاني شورها

السلام عليكم

هذي محاورة بين الشاعرين أحمد الحماد والشاعر صياف الحربي

وجرت هذه المحاورة عام 1408ه في مهرجان التراث الشعبي الذي اقيم في الجنادرية:

أحمد:
أرفع سلامي للحضور اللي وقف واللي قعد = عد النبات اللي تخالف بالفياض ازهورها
الله ايوفقنا رضا الجمهور وادروب السعد = واللي قضب راس المطيه يعتلي في كورها


صياف:
يامرحبا وأهلين ياحماد مدري ياحمد = تبغى الليالي والليالي ماعطتك انحورها
إن كان عندك سالفة حييت يا هذا الولد = وان كان ماعندك سوالف طلعك ابزورها


أحمد:
يا طيب حظي يوم جا صياف مدري وش بعد = حتى نبيع ونشتري والناس من مقدورها
عندي اعلوم تبهج الخاطر ومجهود وجهد = تجلي عن الكبد الغليلة حرها ومرورها


صياف :
ياطيب حظك يوم جاك اللي ايعلمك العدد = يبقى عليك اتحج مكة والمدينة زورها
أنا من البارحة بخيل البرق واسمع لي رعد = واثر وراه الحية اللي طلعت دنقورها


أحمد :
مانيب ياصياف مثل اللي عن النار ابتعد = اشاور أهل المعرفة واسمع بذاني شورها
والحبل ياصياف كان انه تلوى ونعقد = اللي يحل المشكلات اللي تدور بدورها


صياف :
أنت وردت وفيه من شاف أبيار ولا ورد = أنت الى جيت العرب تعطيك من ميسورها
نبي ندوس السالفه دوس الرجال الى الابد = أظنها عن داخل الدوسه تطيح اسيورها


أحمد :
الله عليه المتكل والله عليه المعتمد = خذها وعطنيها وصدري من وساع اصدورها
الخيل جددنا حذاها والجلد عان الجلد = أما تبين افعولها ولا تبين اعثورها


صياف :
صاحبك في ليلة عشر مدري صحا ولا رقد = والنار لاشالو حطبها ماتفوح اقدورها
الليله الحماد زود في كلامه واعتقد = يحفر عن اعظامه الجنايز ونسدح في قبورها


أحمد :
الحي له عين تشوف الدرب مافيها رمد = مايرحم إلا اللي خلق خلقه وهو مامورها
قبل التجارب ماحد يفرق اسيعد عن سعد = والناس في ماجوبها ماتدخر مدخورها


صياف :
لو قلت اكتب سند مانيب كاتب سند = الملعبة تكثر عليك جروحها وكسورها
ترى السحابة كل ماتمطر نزل منها البرد = والجيش تسري والاشده ثابته في ظهورها


أحمد :
أنا الى وعدت ياصياف ماخلفت الوعد = ماعادتي ما أصبر على ميل الليالي واجورها
وردن عليك الظاميات ودربها الابيض جرد = أرو الظوامي من غزير اجمامها وبحورها


صياف :
ان كان تعرف سور الاخلاص وقل الله أحد = أظنها تكشف لك الدرب البعيد ابنورها
بكره تعرف عيال البدو وعيال البلد = ونطلع اللي يقطع الغبه على بابورها


أحمد :
مافيه مسلم مايعرف ان الله الصمد = مانيب من ناس تضيع افكارها واشعورها
ماعادتي مادخل يدي بين الحياي والرصد = مايسلم اللي يحارش الديبان جوف اجحورها


صياف :
ارفع حجاجك فوق واظر لأبن آدم والهدد = الناس لاهزت مبانيها تطيح اقصورها
الصاحب اللي نعرفه حتى الشهادة ماشهد = ياليت راعي الفاطر الوضحا مايكسر كورها

وسلامتكم

شيلوها
رد مع اقتباس
  #2  
قديم 05-03-2005, 04:43 AM
محمد الشامري محمد الشامري غير متصل
the fuhrer
 
تاريخ التسجيل: Jan 2005
الدولة: فوووق هاااام السحب
العمر: 40
المشاركات: 10,266
معدل تقييم المستوى: 30
محمد الشامري is on a distinguished road

لاهنت يافهاااااااااد

الله يعطيك العافيه

 

التوقيع

 




لازعيـــــــــــــم فـــي حضـــــــــــرة الملـــــــــــــــكـ
 
 
رد مع اقتباس
  #3  
قديم 06-03-2005, 12:40 AM
أبو محمد أبو محمد غير متصل
 
تاريخ التسجيل: Dec 2004
العمر: 49
المشاركات: 1,794
معدل تقييم المستوى: 21
أبو محمد is on a distinguished road

لاهنت يا فهاد ولا هانو الشعار

رد مع اقتباس
  #4  
قديم 06-03-2005, 02:39 AM
الصورة الرمزية monamora
monamora monamora غير متصل
إداري مؤسس
 
تاريخ التسجيل: Jan 2005
المشاركات: 2,107
معدل تقييم المستوى: 22
monamora is on a distinguished road

الله يعطيك العافيه وصح السان من قالها

رد مع اقتباس
  #5  
قديم 06-03-2005, 05:57 AM
ابومحمد الشامري ابومحمد الشامري غير متصل
ابوحمد الشامري ( سابقا )
 
تاريخ التسجيل: Dec 2004
الدولة: شـبـكـة مـجـالـس العجمـــــان
المشاركات: 19,132
معدل تقييم المستوى: 10
ابومحمد الشامري قام بتعطيل التقييم

لا هنت يا ابو عيد وبيض الله وجهك على الجهد الرائع والمحاورة التي امتعتنا بها

 

التوقيع

 


تِدفا على جال ضوه بارد إعظامي=والما يسوق بمعاليقي ويرويها
إلى صفا لك زمانك عِل يا ظامي=اشرب قبل لا يحوس الطين صافيها
 
 
رد مع اقتباس
  #6  
قديم 06-03-2005, 01:33 PM
فزاع فزاع غير متصل
إداري سابق
 
تاريخ التسجيل: Mar 2005
الدولة: الحفيره !!
العمر: 48
المشاركات: 4,400
معدل تقييم المستوى: 24
فزاع is on a distinguished road

الله الله الله

صح لسانك يا فهاد ولسان الشعار ابيات رائعه بيض الله وجهك على الاختيار الرائع.

 

التوقيع

 


ان جيت أرض المسيله= يجيك روضٍ فيه الحيا سال
مابين ذيك الغصون الجميلة=ربعٍ لهم في جملة الصيد منهال
عندهم شواهين صايدات الفصيلة=اقنص معهم وخص لي يشرح البال
هِضْت بعَرْمك وربوع المسيله=وبسيوحهن يا ما حلى شرب فنجال
 
 
رد مع اقتباس
  #7  
قديم 06-03-2005, 01:39 PM
الصورة الرمزية العنيد
العنيد العنيد غير متصل
 
تاريخ التسجيل: Feb 2005
الدولة: أبوظبــــي دار الظبــي
العمر: 41
المشاركات: 4,997
معدل تقييم المستوى: 24
العنيد is on a distinguished road

اخوي فهااااااااد العجمي...بارك الله فيك على الطرح المميز......اختياااااار موفق حقيقه...

 

التوقيع

 

أنــــــــــا العنيـــــــــــــد ولي هـــــــــامه يخضـــع لـــها العــــز ويليـــــن
أعـــــــــرف مواجيبي..وشرعــــي وأصـــوله...وأحســـــب حسابــــــي
وأدرك الشــــين والزيـــــن




بدك ولا ما بدكيش ولا ما بدكوووش

 
 
رد مع اقتباس
  #8  
قديم 07-03-2005, 12:00 AM
فهاد العجمي فهاد العجمي غير متصل
إداري مؤسس
 
تاريخ التسجيل: Feb 2005
المشاركات: 200
معدل تقييم المستوى: 20
فهاد العجمي is on a distinguished road

محمد الشامري

عبد الهادي حفيظ

مونامورا

أبو حمد الشامري

فزاع

العنيد

لاهنتوا على مشاركتكم الطيبة ونحن بجهودكم نتميز وبدونكم محلك راوح <==ياعيني على الاسلوب

لاهنتوا ولاخلا ولاعدم

شيلوها

رد مع اقتباس
  #9  
قديم 07-03-2005, 01:29 AM
سعود الخويطري سعود الخويطري غير متصل
 
تاريخ التسجيل: Jan 2005
المشاركات: 4,778
معدل تقييم المستوى: 24
سعود الخويطري is on a distinguished road

لاهنت يابوعيد


وتسلم يمناك يالسنافي ونطالبك بالمزيد من المحاورت المتميزة وخصوصا شاعر الخليج


وشكرا لك


تقبل سلامي

الخويطري[/align

رد مع اقتباس
  #10  
قديم 07-03-2005, 02:30 AM
فهاد العجمي فهاد العجمي غير متصل
إداري مؤسس
 
تاريخ التسجيل: Feb 2005
المشاركات: 200
معدل تقييم المستوى: 20
فهاد العجمي is on a distinguished road

ولنت ياسعود ومشكور على المشاركة الرائعة

وأبشر طال عمرك باللي ايسرك

رد مع اقتباس
رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طرق مشاهدة الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع إلى

 


الوقت في المنتدى حسب توقيت جرينتش +3 الساعة الآن 01:18 AM .


مجالس العجمان الرسمي

تصميم شركة سبيس زوون للأستضافة و التصميم و حلول الويب و دعم المواقع