البستان يعري بشعره شعراء إمسيات الغزل المستشعرين !!!

[الجلغم العبدلي المطيري]

لله دره من رجل ,,

البستان الشاعر الكبير بمقامه وتواضعه ((محمد خلف الخس المطيري)) ,, يقول ::

أنا لي ثمان سنين أجامل وانا مجروح

أكن المودّة داخل الصدر واكتمها !!

يجيني بلا صندوق قلبي يزوحه زوح

خطير معاليقي من القلب يصرمّها !!

سبايب مودة جادلن ما بها مصلوح

تبهذلت منها مابه أحدن يعلمها !!

يقول أرحمي روحن تبلّت لها في روح

هي العوق والأسباب ماني بظالمها !!

خذتني وجرتني بضحكت غلآ... ومزوح

تهايفت معها لين طحت بإمراحمها !!

وأنا مبتلى فيها ولا لي وراها شبوح

مفاتيح قلبي في إيديها مسلّمها !!

إليا قلت خفي حبك اللي تعدى الموح ***

تجيني بنغماتن على القلب ترسمّها !!

تجيني بأساليب تزيد الجروح جروح

خذتني بضحك حجاجها مع تبسمها !!

تتبسّم ببيضن كنه اللولو المصحوح

هو الدر من بكرن*** سريعن ترزّمها !!

عليها الحلآ والملح كأنك تكوحه كوح

حظيظ الفؤاد المسعد اللي يلايمها !!

هكا .. الغرّه اللي مثل برقن لنوره ضوح

سنا مزنتن ترعد وتبرق مقادمها !!!

&&&&&&&&&&&&&&&&&&&&&&

(................................................. .........)

وأتحداهم بأن يعرفوا معاني الكلمات التالية أو إنهم يقدرون يجيبون مثلها ويصيغونها في قصيدة !!!

*** ( الموح ) ::؟؟

*** ( الدر من بكرن ) ::؟؟

وسلامتكممممممممممممممممم

[عايض ال مطلق]

يعطيك العافيه اخوي الجلغم

وصح لسانك على مشاركتك

ولاهنت على تواجدك في مجالس العجمان

وقد تم تعديل موضوعك ونرجو ان تكون المشاركات مقتصره على التواجد الجميل الذي نأمله منكم دون التجريح في اي شاعر مهما كان حجمه,,

لأن كل شاعر مهما اختلفت ذائقية الجمهور تجاهه له متابعيه ومحبيه لذلك نرجو ان يسود التكيف بين كل فئات المجتمع ومحبي الشعراء مهما كانت ميولهم..

وننتظر جديدك

تحياتي وسلامي

[سعيّد ابوجعشه]

يعطيك العافيه اخوي الجلغم

وصح لسانك على مشاركتك

ولاهنت على تواجدك في مجالس العجمان

[عـسـاه خـيـر]

الجلغم العبدلى . . . صح السانك وحياك في مجالس العجمان

بانتظـار روائع الشاعر

دمت بخير , , ,

[مسعطر]

مشكور يا أخي الجلغم العبدلي المطيري و أسمحلي لأن القصيدة تستاهل التنسيق :

أنا لي ثمان سنين أجامل و أنا مجروح=أكن المودّة داخل الصدر و أكتمها
يجيني بلا صندوق قلبي يزوحه زوح=خطير معاليقي من القلب يصرمّها
سبايب مودة جادلن ما بها مصلوح=تبهذلت منها مابه أحد(ن) يعلمها
يقول أرحمي روح(ن) تبلّت لها في روح=هي العوق و الأسباب ماني بظالمها
خذتني و جرتني بضحكت غلا و مزوح=تهايفت معها لين طحت بمراحمها
و أنا مبتلى فيها ولا لي وراها شبوح=مفاتيح قلبي في إيديها مسلّمها
إليا قلت خفي حبك اللي تعدى الموح(1)=تجيني بنغماتن على القلب ترسمّها
تجيني بأساليب تزيد الجروح جروح=خذتني بضحك حجاجها مع تبسمها
تتبسّم ببيضن كنه اللولو المصحوح=هو الدر من بكر(ن) سريع(ن) ترزّمها(2)
عليها الحلا و الملح كنك تكوحه كوح=حظيظ الفؤاد المسعد اللي يلايمها
هكا الغرّة اللي مثل برق(ن) لنوره ضوح=سنا مزنت(ن) ترعد و تبرق مقادمها

و هذي المعاني و إن شاء الله إنها صحيحة
1-الموح : هو ما تبقى في البير والشخص اللي ينزل يطلع الماء يسمونه المايح.
2-الدر : حليب الناقة بعد ما تعطف و يقال درت للناقة يعني عطفت.


و أشكرك على نقل القصيدة الرائعة للشاعر الكبير المبدع محمد الخس.