قصة البلوي والذيب

[ابوراشد]

القصة على صويلح بن عتيق العرادي البلوي وهو يمتاز بالشجاعة وغيرها من الخصال الطيبه وكبر سنه في يوم يسألونه عياله عن امر ما جرى عليك بحياتك فأجابهم ان جرى علي من المعارك والمتاعب والقل والجوع والظما ولكن أسوأ ما أذكر لكم في يومٍ اطلب بعض ابلي سارية بالليل من المراح وانا رجلي اقص اثرها لظني انها قريبه وبعدما ابتعدت عن العرب حسني الظما و فقدان القهوة وواصلت مسيري خوفاً عليها من الخطف ومع المسا عارضني سبعٍ كبير لأنه ذلك الوقت يعرف بكثرة السباع وجسرتها على الوحيد وخصوصاً اللي ما معه سلاح يفرسه السبع يبير له ويدني منه ليعرف هل معه سلاح وهو معه سيف مخفيه يريد إذا قرب منه ضربه ويومي عليه بيديه بدون شئ لعله يقرب ,, واصل السبع العوى ليجلب السباع إليه وذلك عند السباع معروف وكثرت عليه من كل جهه وقام يحثي عليها بالتراب وتاكد من الهلاك ولكن وجد حصاة واقفه من جبل كبير اطول من الرجال بالطريق ورقا براسها لكي تساعده وقفز عليه السبع الكبير وضربه بالسيف وطاح صويب ومن زود جوع السباع عودن على خويهن ياكلنه وهو في لهوتهن انسل وانحاش وسلم وقال أبيات منها :

يا ذيب اشوفك لي تحد المخاليب>>>>تبي تعشاني وانا ابا اتعشاك
الكل منها ما درى وش ورى الغيب>>>>والعلم عند اللي مديرٍ للأفلاك
مالي زهاب ولا لقيت المعازيب >>>>>غير انت باليني عسى الرب يبلاك
ناديت ربعك من علو المراقيب>>>>>>جمعتهم لي مير ربي كفاناك
جمعت كل مشوكات المناويب>>>>>>جمعتهم ليه وشمرك تبلواك
والأجل عند مرتب الرزق ترتيب>>>>>>إلا انتا عمرك دنت لك مناياك


المصدر من آدابنا الشعبية لمنديل الفهيد

منقووول

[عبدالله آل عامر]

صحت يمينك يابو راشد..... ولاهنت....

والنعم في قبايل بلي......

تحياتي لك يالقرم؛؛؛؛؛؛؛؛؛؛؛

[ابن جديعان]

لاهنت يابو راشد وتسلم يمينك

[سعود الخويطري]

لاهنت يـ بو راشد وتسلم يمينك



وونعم في قبائل بلي والجميع


وبيض الله وجهك ,,,

[بطاح]

صحت يمينك يابو راشد..... ولاهنت....

[اميرة بكلمتــها]

يعطيك العافية على القصة والقصيدة