أعجبني رد هذا الشخص

[عبلان]

السلام عليكم ورحمة الله وبركاته

ليعلم الجميع اني لا أريد من هذا الموضوع دعاية أنتخابية لأحد او مؤازره شخص بالباطل وانما موقف رأيته واعجبني ولو ان اي شخص فعله لذكرته وبدون تردد

في أحد الايام ذهبت للنائب الفاضل / وليد الجري وكان الناس عنده زحمة والساعه تقريبا 7 صباحا وانا كنت موجود ولي حاجه مع العلم انها ماخلصت لظروف ما

وفيه شايب عمره قارب الستين وكان يصيح في وجه وليد ابو خالد ويقوله يابو خالد عسى ماشر ليه ماتخلصني وانا قدلي أسبوعين وانا اجيك ولا شفنا مخلاص أرب منت بزعلان مني ومتضايق ولاودك تنجز معاملتي ما حنا بربعك الي وقفنا معك في الشدايد ؟ رد بعض الجميل

وكان وليد واقف والعالم حوله والشايب واقف قدام وجهه قال أستريحو يالربع كلكم على الكراسي دقيقه لو سمحتوا ويجلسون العالم كلهم واللتفت على الشايب وقال " انتو ربعي ولالي غناة عنكم ووالله ثم والله لو اني انقز وحده من عيوني عشانكم مالي طيبٍ فيكم وانتو أهلي وربعي جعل ربي ما يخليني منكم انا بدونكم ولا شي " وعلت الصيحات فالمجلس بيض الله وجهك بيض الله وجهك مع العلم ان في المجلس كثير من القبائل الثانيه وقال ابو خالد يا شباب انا أتعذر منكم وبروح مع ذالشايب عشان أخلصه وان كان احد عنده شي مهم لامني خلصت شايبنا جيته في المكان الي يبي وعقب ذالموقع طلعت ووالله اني نسيت وش حاجتي
رد جميل من شخص يستاهل كل تقدير مع العلم اني ماشفت منه لاخير ولا شر بس الرجال مواقف وكل رجال له نظره

حقيقة بعض الاخوان بيتسأل وش مناسبة ذالسالفه ؟ وليه يقولها عبلان ؟

اقول ان بعض الرجال يجعلك تنبهر من فعله وقوله مع ان حنا متعودين من ربعنا خصوصا بعض الاعضاء والمرشحين مايعرفون مواقف بني عمهم الا لامنها قربت الانتخابات وعقبها ولكنه منهم ولا هم منه

اسمحولي على الاطاله

اخوكم / عبلان

[شامخ الهامه]

يزاك الله خير يا عبلان ع هالنقل ,,,,,مشكور اخوي

[عبلان]

ويجزاك خير يا شامخ الهامه

[بدر القلوب]

بيض الله وجهه وليد الجري سمعته طيبه وصيته وصل القاصي دون الداني

لاهنت ياعبلان لاهنت يالغالي

اخيك بدر القلوب

[عبلان]

يامرحبا يابدر القلوب ويستاهل المدح الي ذا فعله

[د.فالح العمره]

لا هنت يا عبلان على ذكر المواقف الطيبه لبني عمك

وليد الجري علم في راسه نار ...

من ارد الاستزاده عن هذا الرجل فليذهب الى مجلس اللقاءات ليقرأ عن مواقفه

لا هنت يا السنافي لاهنت

[عبلان]

يامرحبا يافالح العمره مليووون

مع ان مابيني وبينك أي أحتكاك خارج الانترنت لكن اشوفك وتشوفني وبينا سلام لكن والله العظيم اني أحبك فالله واانت غالي علينا جدا ومواقف الي يذكرونها الناس بخوتهم معك

ولو كتبنا عنك مواضيع يا فالح ما وفينا حقك
اخوك / عبلان

[د.فالح العمره]

الله يبقيك يا الغالي

وما عليك زود ولا تحب الا الي يحبك يا الغالي

والله يجعلنا عند حسن الظن دايما

واحبك الله الذي احببتني فيه

ولا هنت لا هنت

اخيك فالح بن محمد

[فهد بن محسن]

الاخ \ عبلان


بيض الله وجهك وجه وليد الجري ......... وكل شخص يستاهل فعله

تحياتي لك

[عبلان]

ووجهك يابو محسن أسعدني مرورك بمتصفحي