من يجيب الطيَّبه (المجال مفتوح)!!

[ماجد العجمي]

يالهجوس اللي على بالي خذت تسعين فره=ألعبي فالملعبه والملعبه دارت رحاها
من يجيب الطيبَّه والعلم لاوصله يصره=والهقاوي مايجي من دونها ياتي وراها

[مسفر بن خنز]

صباح الخير ياماجد
استلم لا هنت

يا هجوسي حضري المعنى من نجوم المجره = واقنبي مثل الذياب الي رفع راسي عواها
كل مطنوخ يجيب الكايده لله دره = ايتنقى في سمان الهرج وان قام يحماها

[ماجد العجمي]

صباح النور هلا ومرحبا يامسفر

مرحبا باللي قرب والصوت بلسانه يجرَّه=والمعاني مالها ياكود من قرَّب وجاها
البنادم كان يفعل خير ماشيَّن يضره=كلمتن ياطيبها كبر الأراضين وسماها

[فراج القرقاح]

وسماها ...


سلام عليكم صبحكم الله بالخير


واصلوووووا عزالله انه قاف ومن شاعر جزل ورد وافي


متابع

[ماجد العجمي]

وعليكم السلام ورحمة الله وبركاته

..

صبحك الله بالنور والسرور

..

يا مرحبا يا فراج وما عليك زود من طيبك

[مسفر بن خنز]

استلم

البقا بك واحفظ المعنى يابن العمي وسره = لا تخيبك الضنون الي تجي على عماها
كل حر ثابت من طيب ساسه في مقره = لو تطول به الدروب العوج والطرقه سراها

[مسفر بن خنز]

فراج القرقاح

لاهنت على المتابعه يا القرم

تابع

[ماجد العجمي]

أنت شاعر ماعليك خلاف والطيَّب تمرَّه=والليالي كان ما غدَّتك بتحطك عشاها
بنت ابو زيد الهلالي ظايقه مدري تشره=كان مسفر عارفن داها نبا منه دواها

[فراج القرقاح]

طيب طيب


مازلت متابع

[ماجد العجمي]

أرحب يالقرقاح .. متابعتك تزيد من مسؤليتنا لاعدمتك