البنفسج

[محمد بن حمدان المالكي]

إثر البنفسج ما يحلى إلا بلـبّـاسه =ما كِن لونه يليق إلا على خلّي
من قبل هاللون ماله شف .. من ساسه=واليوم اشوفه على الالوان متعلّي
يوم إن خلّي كساه بروعة احساسه =صار البنفسج بزين الكون متحلّي
يختال ما بين لون اللول والماسه=كِنه كريمٍ وقف في بابه يهلّي
خلا قصيدي يوقّد نار هوجاسه =من بعد ما تله الوقت العصي تلّي
خلا المعاني تلوّن وجه قرطاسه =واحترت وش باخذ امن الوصف واخلّي
هذا وهو لون جاذبني بريماسه =وش لون من يلبسه ما اروح.له كلّي
بروح.له من قصايه واحتسي كاسه =واشفي من اعذب ينابيع الحلا غلّي
باخذه من جملة أصحابه وجلاّسه =حتى ولو قالوا اناني ومتبلّي
ما قلت.له بالبنفسج يخلط انفاسه !! = ما يدري إن البنفسج فيه موتٍ لي !!