" غَـــــيــــــــوم مــــاطِــــــــرة " هذه مساحة بيضاء خاصة فقط بشعراء و كتاب المجالس و يمنع النقل و ردود الأعضاء

رد
 
أدوات الموضوع طرق مشاهدة الموضوع
  #1  
قديم 12-11-2008, 02:50 PM
الصورة الرمزية مسفر بن درّام
مسفر بن درّام مسفر بن درّام غير متصل
 
تاريخ التسجيل: Jan 2008
المشاركات: 115
معدل تقييم المستوى: 17
مسفر بن درّام is on a distinguished road
تخاريف



بسم الله الرحمن الرحيم

السلام عليكم ورحمة الله وبركاته

أحبتي الكرام

مرحباً بكم في مدونتي الخاصة

مع جزيل شكري وتقديري لإدارة مجالس العجمان على هذه الخطوة الموفقة

متمنياً لهم وللجميع دوام التوفيق والنجاح
رد مع اقتباس
  #2  
قديم 12-11-2008, 08:51 PM
الصورة الرمزية مسفر بن درّام
مسفر بن درّام مسفر بن درّام غير متصل
 
تاريخ التسجيل: Jan 2008
المشاركات: 115
معدل تقييم المستوى: 17
مسفر بن درّام is on a distinguished road
رد: تخاريف


واهنيّ أهل القلوب المستريحه=ما سطا بقلوبهم شيّءً سطابي
آه لو ما أفيّض أمواج القريحه=كان يمكن مرّ تيّار وغدابي
من بعد ما صارت اللقيا شحيحه=وش بقالي فالغرام ووش بقابي
غير ذكراً فالعشية والصبيحه=كل ما داعب هواها القلب ذابي
يا غراماً ما تبقّى ألا ضريحه=شربت البيداء على جاله ركابي
كل ما ذعذع هوا ربله وشيحه=أنفتح له فالحشى مليون بابي
يا هبوب النود هبّي لي بريحه=وأمطري به يا مراويح السحابي
طاح وأرجفت وتزلزلت لمطيحه=وانطوت صفحة سؤال بلى جوابي
رد مع اقتباس
  #3  
قديم 12-11-2008, 08:54 PM
الصورة الرمزية مسفر بن درّام
مسفر بن درّام مسفر بن درّام غير متصل
 
تاريخ التسجيل: Jan 2008
المشاركات: 115
معدل تقييم المستوى: 17
مسفر بن درّام is on a distinguished road
رد: تخاريف


كل الكلام يضيع في عينيك وأنا فيك أضيع=ما هو غريب أموت وأحياء بك لكن كيف ومتى
البارحة رحلت لي رحلة على الخطّ السريع=الظّاهر إنّه حلم مدري علم مدري كيف آتى
خبري بروحي يوم أنا وياك فالرحلة جميع=ولا دريت ألا وأنا ويني ووينك يا فتى
كل الفصول الباقية تفداك يا فصل الربيع=ما عاد نبغي شي صيف ولا خريف ولا شتى
لو أجمعت كل الظروف تصدّ قلبي ما يطيع=فلّ الشراع وكل ما تعتى المقادير ايعتى
ما زال فيه من الهوا تيّار يضرب كل ريع=إلى بغيت أثبّطه وأغلق معابيره نتى
رد مع اقتباس
  #4  
قديم 12-11-2008, 09:05 PM
الصورة الرمزية مسفر بن درّام
مسفر بن درّام مسفر بن درّام غير متصل
 
تاريخ التسجيل: Jan 2008
المشاركات: 115
معدل تقييم المستوى: 17
مسفر بن درّام is on a distinguished road
رد: تخاريف


ألا يا بنت يا أُم الثغر الأحمر والعيون السـود=ألا يـا دمّ قلبـي يـا مكاسبـه ومخاسـيـره
على مرسال عينك جيت تحداني هبوب النـود=سحابة شوق يشحذها الصبا بأزكى مزاميـره
مقادمها تلوح بروق وأوسطها يحـنّ رعـود=لـعين المستغيـث وعيـن تهليلـه وتكبيـره
أنا لى جاء لي اللي ما بـقلبه للكرم موصود=أجـي لـه حاتمـيًّ مدّتـه تفنـي مذاخيـره
كريم أطباع وأضاعف لراعى الجود ردّ الجود=وأبادل بالوفا راعى الوفا والسرّ مـا أعيـره
ولي قلبٍ خصوبة تربته مـا مثلهـا موجـود=إلى أمطره المطر ودّك تفرّج فـي نواويـره
وش أبقول مدري لكن أنا أنقاد وأنـت تقـود=وقف ضيفك على بابك تـولّ أمـره وتدبيـره
بلى رسمية أول يوم يعني تعـرف المقصـود=ولا تغتالك أشباح الخجل وتصير فـي حيـره
تهادينا القلوب وللخجل يحتاج كسـر حـدود=وحنّـا والهـوا علـى بركـة الله وتيسيـره
قران الحبّ يجمعنا علـى سجّـاده الممـدود=تحت سقف الهوا وأنتي وأنا حنّـا عصافيـره
هذا ما كان ينقصنا وهـذا اللـي لنـا مفقـود=لقينـاه ولقانـا يـا بختكـم يــا مـداويـره
دخلنا الآن في فصل الربيع وقطفـة العنقـود=يا من ولّت مجاهيمه يا مـن هلّـت مغاتيـره
ما بين مروج ونجومً تغازلها فـالأرض ورود=تقهوينا الغـزل والجـوّ روّق تحـت تأثيـره
سوالف سالب وموجب ولعبة طارد ومطرود=وتعريجة على بسط ومقـام وغيـره وغيـره
وطاب لنا السمر تحت القمر والليل هود وهود=بعيداً عن خطر غيب الزمان وعـن محاذيـره
بلغنا الغاية اللي ما بعدهـا مطلـبً منشـود=وراسلنا الفظا بـهجيني الشعـر ومجاريـره
رد مع اقتباس
  #5  
قديم 12-11-2008, 09:09 PM
الصورة الرمزية مسفر بن درّام
مسفر بن درّام مسفر بن درّام غير متصل
 
تاريخ التسجيل: Jan 2008
المشاركات: 115
معدل تقييم المستوى: 17
مسفر بن درّام is on a distinguished road
رد: تخاريف


توارنّ الكواكب في شعاع الشمس عن مسراي=وأنا يوم استقرّت ما استقرّ النوم فـي عينـي
سراميد الطـواري تيهتنـي بيـن راي وراي=الا يا حيرتي ويـن الطريـق اللـي يودّينـي
أثبط لوعتـي وأبـلّ بلسانـي جفـاف شفـاي=وقلبي طار منّه سرب عشر وسرب عشرينـي
على ذاك الخيال اللي خذاني فوق عن دنيـاي=رحل بي للفضا اللي لا حـدود ولا عناوينـي
حبيبي يوم ناداني غرامك جيتك مـن اقصـاي=يميح بخافقي صلف الهـوا والشـوق يدعينـي
أنا من قبل اعرفك كان لي قلبً علامة (فـاي)=وأتى حبّك ومثّـل نسبـة التسعـة وتسعينـي
تعديت الخطوط الحمر فيني واستبحت حمـاي=لكن ارحم رحمك اللي وهبك الملح والزينـي
أحسب إني إلى ابعد صادري عن واردي نسّاي=إيلين اوحيت حنّـة خافقـي تعبـر شرايينـي
لو إن مجنون ليلى جاه ما جاني على ليـلاي=ليمكن عاد للعقل وخلفتـه فـي المجانينـي
أغادر مرقدي ودموع عينـي يسبقـنّ خطـاي=ولا القى في طريقي واحـدً يمكـن يواسينـي
دخيل عيونك الثنتين لا تفـرح علـيّ عـداي=على رجواك وألا وش بقا لي وش بقا فينـي
سألتك بالذي فيك افتتـن قلبـي وحـطّ منـاي=وحطّك في مكان الهيمنـة والعطـف واللينـي
أنا وشلون اقاوم قسوتك وأنـا اعتبـرك دواي=أنا سلمتك امري وانت حـطّ الجيـم للسينـي
رفعت الراية البيضا تعـال إحتلنـي برضـاي=وصكّ الباب بعدك يستقرّ النـوم فـي عينـي
يكفّيني فخر وإعجاب فيك إنّك علـى مبـداي=مثل ما اقـراك تقرانـي وتستثمـر بساتينـي
رد مع اقتباس
  #6  
قديم 19-11-2008, 08:13 PM
الصورة الرمزية مسفر بن درّام
مسفر بن درّام مسفر بن درّام غير متصل
 
تاريخ التسجيل: Jan 2008
المشاركات: 115
معدل تقييم المستوى: 17
مسفر بن درّام is on a distinguished road
رد: تخاريف


يوم قلت الوداع ونيّـة الخيـر نـوّت=كل ذيك الهموم اللي سروحٍ تضـاوت

آه يا ما بقلبي مـن جـروحٍ تطـوّت=فرّقتنا الليالـي عادهـا مـا تـداوت

كنت حلمً زرغته ورد والورد مـوّت=والرحايل على باقي حطامـه تثـاوت

يوم عبرة وداعك بين الاضـلاع دوّت=من صداها مزامير الضماير تعـاوت

قلبي اللي عليه غصون حبّـك تلـوّت=كيف بعد التوازي يستطيـع التفـاوت

ما تشوف العباير كيف قالت وسـوّت=خيّلت في حشاي ومن عيوني تهـاوت

يوم أصوّت ولا به من يجيب المصوّت=الشقى والسعادة في عيونـي تسـاوت

كان عيني بشوفك بعدها مـا تـروّت=اعتبرني على الدنيا عن الخدمة (out)
رد مع اقتباس
  #7  
قديم 19-11-2008, 08:21 PM
الصورة الرمزية مسفر بن درّام
مسفر بن درّام مسفر بن درّام غير متصل
 
تاريخ التسجيل: Jan 2008
المشاركات: 115
معدل تقييم المستوى: 17
مسفر بن درّام is on a distinguished road
رد: تخاريف


اشتقت لك بالحيل يـا وحشة الليـل=ليت الليالـي مـا تبعّـدك عنّـي
أبحر خيالك وأفقد الوعي وأعيـل=وأحسّ رأسي كنّ ما هـو بمنّـي
وأرجع وأغنّي لك عزوف ومواويل=وأوصفك وأوصف حبّك اللي سكنّي
تشرق علي شمسك جبل ثلج وأسيل=وتغيب وأرجع في مغيبتك أحنّـي
دخيل سلهـام العيـون المضاليـل=اللي شفـا بحـر الهـوا ورّدنّـي
لا تقتل الوردة على شاطي النيـل=أُعطف عليّ وضمّني واحتضنّـي
على ثمر صدرٍ سـوات الفناجيـل=عليـه شـلال الجديـل امتثـنّـي
خلّ الأمل يشعـل بقلبـي قناديـل=من بعد ما طال الصبـر والتّمنّـي
رد مع اقتباس
  #8  
قديم 19-11-2008, 08:32 PM
الصورة الرمزية مسفر بن درّام
مسفر بن درّام مسفر بن درّام غير متصل
 
تاريخ التسجيل: Jan 2008
المشاركات: 115
معدل تقييم المستوى: 17
مسفر بن درّام is on a distinguished road
رد: تخاريف


تالي نهار الخميس أول مسـاء الجمعـه=صابتني سهوم من لا صابـت سهومـي
كنت أنتظر لحضـةً تجلـب لـي الطمعـه=لـولا أن وقـع الحقايـق ضـيـّع علـومـي
لـعـلّـهـا صــدفــةً مــاهــي بـمـنـزمـعــه=أمّـا آخـذ الثّائـر وألا أقـدم علـى يـومـي
يا شمعة الكون كـان الكـون لـه شمعـه=أفوز بك و أوعدك عن غيـرك أصومـي
مــا دام فـيـك الـحـلا والـزيـن مجتمـعـه=من له سمر سهرتي من له سكن نومي
لـولاك مـا حوّلـت مــن عيـنـي الدمـعـه=يـا منتهـى غايتـي يــا مـحـور همـومـي
يـا مـن نقاوتـك توّجهـا نـقـاء السمـعـه=أنت الذي فيك شفـت أُسطـورة حلومـي
سبحان من حـطّ فيـك مـن المهـا رمعـه=ومـن الحمـام درجـان وعقـد منظومـي
ومـن الخزامـى شـذى ومـن الذهـب لمـعـه=ومن القمر نور ومـن الشهـد مطعومـي
والـتـبّـع سـنــاد والــقــادات منـكـمـعـه=والحـامـلات آخــذاتً شـكــل مـبـرومـي
رد مع اقتباس
  #9  
قديم 19-11-2008, 08:54 PM
الصورة الرمزية مسفر بن درّام
مسفر بن درّام مسفر بن درّام غير متصل
 
تاريخ التسجيل: Jan 2008
المشاركات: 115
معدل تقييم المستوى: 17
مسفر بن درّام is on a distinguished road
رد: تخاريف


تخيّلتك على شاطى البحر ليلة قمر عشريـن=نسيم الذكريات أومأ بقلبي وانتشاء عطـره
وتهلهل لك تراحيب وفرح ما ضمّت القوسين=تراحيب الزهـور الغافيـة بالليلـة المطـره
وكتبتك شطر بيتً كامناً بأقصى الضمير سنين=تهبّ النود له من كل صوب ولأكتمل شطره
توارى شطره الثاني يبيـن ويختفـي ويبيـن=متى مدري متى وإلى متى مأنضمّ فـي سطـره
يداعبني خيالك يا حبيبي كل حيـن وحيـن=وأنا داراً حقوله من سحابك ما لهـا قطـره
تمنيني وتخلف نيّتـك والحـرّ وعـده ديـن=وأنا عايش على الأحلام رغم الحالة الخطـره
أقول ارحم محبّك لا تعذّبني كـذا يـا زيـن=تقول إلا كذا لولا كذا وش تعنـي البطـره
وأقول الشعر لعيونك وللمبسـم وللخديـن=وأنا نشوان في عشق الجمال اللي على الفطره
ألا يا رحمة الله كلّ مألقى الرمش سحر العيـن=مكاحيلاً تجي منها سهـوم المـوت مقتطـره
إلى لدّت لي النظرات ضاع الجيم ضاع السين=أجل وشلون لو رمح المحبّـة ماخـذاً وطـره
رد مع اقتباس
  #10  
قديم 19-11-2008, 09:02 PM
الصورة الرمزية مسفر بن درّام
مسفر بن درّام مسفر بن درّام غير متصل
 
تاريخ التسجيل: Jan 2008
المشاركات: 115
معدل تقييم المستوى: 17
مسفر بن درّام is on a distinguished road
رد: تخاريف


كما يشـدّ المـدح روس المطانيـخ=يشدّنـي جـود المثـل والصياغـي
وإلى عزفت أرسّخ القـاف ترسيـخ=حتّى يقرّ الـرأس حـدر الشماغـي
وظّفت من فكري لفكـري نواسيـخ=وأخذت من جرحي لجرحي ثماغـي
وأستنشت الأفكار لعـب وتمطريـخ=لعب الهبايـب بالغصـون النواغـي
حتّى أودعت عوص الشوارد منا ويخ=عواصـيً مـا برّكـت فالمراغـي
تهاتفت وأسترسـل القلـب تكفيـخ=من حرّ ما يونس خطيـراً يزاغـي
أثر الهوا مـلاك فـي كـل تاريـخ=بغيـت وألا طايـعً غيـر بـاغـي
له سلطةً فـي قاذفـات الصواريـخ=لى سلهمت يخضع لها كـل طاغـي
سلهامهنّه شـرّخ القلـب تشريـخ=تشريخ ليحـان الخشـب بالبراغـي
أركت على القلب المولّع مئة صيـخ=حتّى غدا تسعـه وتسعيـن شاغـي
واليوم لو عدّيـت روس الشواميـخ=من زحمة التفكيـر داخـل دماغـي
بين الملا كنّي علـى سطـح مرّيـخ=الكـون كلّـه مـا يسـدّد فراغـي
يأهل الهوا يا ليت لأهل الهوا شيـخ=ما قرّره يمضي ومـا ألغـاه لاغـي
أبدّعـي عنـده لحظـي بتوبـيـخ= اللي علـى كـل اتّجـاه امتصاغـي

التعديل الأخير تم بواسطة : مسفر بن درّام بتاريخ 19-11-2008 الساعة 09:09 PM.
رد مع اقتباس
رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طرق مشاهدة الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع إلى

 


الوقت في المنتدى حسب توقيت جرينتش +3 الساعة الآن 09:03 AM .


مجالس العجمان الرسمي

تصميم شركة سبيس زوون للأستضافة و التصميم و حلول الويب و دعم المواقع