راكان ابن حثلين يمدح العمار من الدواسر

[النمر]

راكان ابن حثلين يمدح الدواسر

-------------------------------------------------------------------------------



هذه قصيدة للشيخ راكان ابن حثلين في مدح الدواسر وخصوصا آل عمار بعد ان نزل

واستجار عندهم بعد حروبه مع ال سعود

الله من قلبٍ تخالف إشطونه=وبقعا تصفق به يمين ويسار
يوم الزعيم لبس علينا زبونه=أحمل علينا كن له عندنا ثار
يوم القبايل والدول يتبعونه=نوى يجلينا وراء حد الأمصار
لعيون من بالميل يجلي عيونه=إنفرق الطابور لو صار ما صار
ذكرت أنا اللي جارهم يهملونه=لاد زايد سلمهم هملة الجار
نصيت اللي ما رضوا لي بالمهونه=نصيت أهل السيح لاد عمار
لجاهم المطرود يستقبلونه=ومن الخوف يامن عند وافين الأشبار
والضيف لامن زارهم يكرمونه=صياني تنقل وعزايمهم اكبار
كم كبش من الضان يدفعونه=ولا من الحشوان قعدان وبكار
السيح ديرتهم ويستاهلونه=لا من استوى بالحمل زينات الأثمار
ورية عليه البحر يفجرونه=بين القبايل ما بني دونه جدار
كم واحدٍ من دونه يعدلونه=حماية الأمدار في الموقف الحار
حريبهم منهم تشده اجنونه=لاسمع عزوتهم من المعركة نار
والجوخ في يوم اللقا يلبسونه=وسلة سيوف الهند من صنع بيطار
والجار ما يرضون عليه بمهونه=من بينهم ينزل ولاكنه بجار
كم خايعٍ مطرف ينزلونه=ويرعون قطعان الأزاف نوار
وكم عقيدٍ عندها يصفقونه=مستجنبين الخيل من قب ومهار
وجميلهم ما انساه لجو يبونه=ولانيب برد المجازات بوار

القصيده الثانيه

يا راكـبٍ مـن عندنـا فـوق مذعـور=ومربـع نـي الحـيـا فــي سنـامـه
ينشـر مـن الثقبـة مـع فجـة النـور=والعصـر بالأفـلاج يبـلـغ سـلامـه
سلم على آل عمار وأرفع الصوت مشهور=اللي حمو غـرس الفضـا مـع جهامـه
أهـل سربـةٍ لا دبـرت كنهـا عـور=ولا قبـلـت لـكـن فيـهـا زعـامـة
وسلت سيوف الهنـد مـع كـل مستـور=كـم أبلـج شقـت فصايـل عظـامـه
والله إنهم أكرم من بنى البيـت وقصـور=اللي يصبـون النحـت فـوق الكرامـه

ولكم التحيه

[فزاع]

ونعم والله ملايين بالاد زايد وبك يالنمر
صح الله لسانك يالاجودي والله يرحم الأمير راكان ويسكنه الجنة
لا هنت يالنمر على ذكر الابيات الرائعة ويستاهلون والله لاد زايد كل خير.

[راكان اليامي]

ارررحب يالنمر وصح لسان زيزوم يام واميره ويستاهلون الدواسر المدح

[السنافي]

يعيطك العافيه يابو سالم

[مسعطر]

المشاركة الأصلية كتبت بواسطة النمر

يا راكـبٍ مـن عندنـا فـوق مذعـور=ومربـع نـي الحـيـا فــي سنـامـه
ينشـر مـن الثقبـة مـع فجـة النـور=والعصـر بالأفـلاج يبـلـغ سـلامـه
سلم على آل عمار وأرفع الصوت مشهور=اللي حمو غـرس الفضـا مـع جهامـه
أهـل سربـةٍ لا دبـرت كنهـا عـور=ولا قبـلـت لـكـن فيـهـا زعـامـة
وسلت سيوف الهنـد مـع كـل مستـور=كـم أبلـج شقـت فصايـل عظـامـه
والله إنهم أكرم من بنى البيـت وقصـور=اللي يصبـون النحـت فـوق الكرامـه

ولكم التحيه

و لك التحية ايضاً ..

شكراً اخي النمر على الموضوع الصاروخي ... (( صواريخ أرض جو ))

القصيدة الأولى اللي انت نسبتها للأمير راكان ابن حثلين ..

انا ما قد سمعتها ولا قريتها في كتب .. يمكن مألفه ..

الا اذا جبت لي احد من العجمان يحفظها و يقولها .. في ذيك الساعة بصدقك ...



اما القصيدة الثانية هذي

يا راكـبٍ مـن عندنـا فـوق مذعـور=ومربـع نـي الحـيـا فــي سنـامـه
ينشـر مـن الثقبـة مـع فجـة النـور=والعصـر بالأفـلاج يبـلـغ سـلامـه
سلم على آل عمار وأرفع الصوت مشهور=اللي حمو غـرس الفضـا مـع جهامـه
أهـل سربـةٍ لا دبـرت كنهـا عـور=ولا قبـلـت لـكـن فيـهـا زعـامـة
وسلت سيوف الهنـد مـع كـل مستـور=كـم أبلـج شقـت فصايـل عظـامـه
والله إنهم أكرم من بنى البيـت وقصـور=اللي يصبـون النحـت فـوق الكرامـه

الله الله تصدق حلوة القصيدة

و يستاهلون المدح الدواسر ..



و حلو ذا البيت

ينشـر مـن ( الثقبـة ) مـع فجـة النـور=والعصـر بالأفـلاج يبـلـغ سـلامـه

الثقبة ...!!!!!!

هجل حي الثقبة اللي في الخبر ذاك الوقت كان موجود

لكن من الثقبة للأفلاج يوصلها المرسول في نفس اليوم !!!

أكيد كان الشخص اللي مرسله الشيخ راكان بالقصيدة على ونيت فرت تقادح قزوزة 460 ضغط عالي



يعني ظنك ان قصايد العجمان اللي تحرفونها اننا ما نعرفها ..

بس شفها ذي .. مهب للأمير راكان .. هذي الله يصلحك لفهيد ابن صبيح آل ضاعن العجمي ..

يهدد فيها الدواسر بعد ما ذبحوا ناصر ابن جمعه غدر .. و بعدها غزاهم مانع بن جمعه معه بعض
العجمان و بعض آل جابر آل مرة و كسروا الدواسر ( يوم الصلعا ) و خذوا حق ناصر الله يرحمه .. و قال فيها قصيدة
ثانيه يتمنى ان ناصر يشوف العجمان و آل مرة يوم خذوا حقه ..

و هذي القصيدة اللي انت نسبتها للأمير راكان و هي لابن صبيح ..

يا الله يا منـّـي بطاعته مجبور= اللي له نصلـّـي و نحسن صيامه
أفرج لمن كـنـّـه على الجمر مصخور=و آشوف حالي مستزيد ٍ هْيامه
عليك يا اللي بمرخيات مقبور=اللي طوينا ياس تالي ولامه
يا ( ناصر ٍ ) ماشن عقبك بمذخور=الحرب قام و حن غدينا زمامه
العذر منـّـك نبغي الدلو ممزور=يبري من الكبد المغلـّـة هيامه
من عقب ذا يا راكب ٍ فوق مذعور=مورّد النسوس ناب ٍ سنامه
أسبق مْن اللي حطت العشّ فالغور=لا روّحت قدّام ياتي ظلامه
يسرح من الهفوف لا صتّع النور=و عقب أربع ٍ بالسيح يبلغ سلامه
سلّم على ( الفرجان ) بالصوت مشهور=حمّاية الغرس الخضر و الجهامة
نشكي عليهم من عمس تايه الشور=باع التجارة و أنثنى فالندامة
( خفر ٍ ) يبشـّـر ذوده العرب و الخور=من عقب ذبحة ( ناصر ٍ ) بالسلامة
يحرم عليه إن زيد دوّه لمقهور=من فرع جدعان ٍ إلى ابو ثمامة
و يحرم عليه الرعي لو كان مقصور=فالحقو الأوسط لا تكبّر خزامه
حيفهم هل سبرة ٍ ساقها العور=تحدا عليهم في طفقهن عزامه
يسند بعضها لقد الرمح مكسور=و إن بطـّـلت ناخذ يسوف المنامة
و إن سلم ( عبدالله ) لْنا مابه قصور=هو قايد السربة و حنا نظامه
و أنا مع أولهم على نسل مشهور=مقيـّـضه و مزيــّـد ٍ في طعامه
مانيب من شيبه مع العجز مثبور=ياخذ علوم العجز و معهن علامه

حيفهم هل سربة ساقها العور=تحدا عليكم في طفقهن عزامه
يسنــد بعضها لقد الرمح مكسور= و إن بطلت ناخذ ( سيوف المنامة )

سيوف المنامة .. الله الله ..

و لقيت بعض الأخطاء البسيطة من في موضوع الصلعا و لي رجعة لتصحيحها ..


و الموضوع هذا قديم .. بس لقيته و قلت ارد عليه و اخلي الأعضاء ينبسطون شوي ..

و بعدها بحذفه

و سلامة قلبوكم ..

و شكراً اخوي العزيز النمر .. و يا ليت كل فترة تجيب موضوع مثل كذا عشان استانس عليه

[حـــوران]

8
8

ههههههههههههههههههههههه

صـــادهم الرادار

حلوه يامسعطر ,, وجهــازك حق الكشف عن الكذب شغال 100 %

[مسعطر]

افا عليك أنبش و اكفش النصابين

و ما عندي إلا قـمـع ..

تعرف اللي يقولون عنها أدلة دامغة .. شفها عندي و أنا مسعطر << مهااايطي ...

و شكراً على مرورك اخي حوران و ما عليك زووود <<< بالنيابة عن النمر

[مطلق اليامي]

هههههههههههههههه
أنت يامسعطر


مدرسه تااااااااريخيه


بيض الله وجهك


ونشكر


النمر علي الموضوع الطيب


بس يمكن أنه صادق

لا تستعجل

في الحكم يالردار

هههههههه

[مسعطر]

لا بالله مانب مدرسة ولاهم يحزنون .. بس القصيدة واضحة .. و خصن انه نسبها لعجمي .. و هو الشيخ راكان
و حنا نعرف قصيد راكان .. و القصيدة ذي لفهيد ابن صبيح يهددهم فيها .. و النمر يمكن نقلها بالغلط من مصدر
يألّف قصيد و سوالف مثل ما حنا خابرين

عموماً شرفتني بمرورك ..

[الـهـادي]

كفوووووو

ولله

يامسعطررررر