غربه جديده

[عبدالله ال مجحود]

الدار من عقبكم ماهيب مرغوبه
توحش قلوب ٍ تعذب من عنا الفرقا

ياخوي ذا الوقت عيا يغير اسلوبه
والرجل ماله سوا انه للصعب يرقا

من قبل ترحل ونار الصدر مشبوبه
هشيم قلبي توّقد تحرقه حرقا

حتى هجوسي مع الافكار منهوبه
قدامك تروح يومك تبتعد شرقا

ماكل فرقا تهز الجوف وتلوبه
ما كل فرقا تعز الحزن والزهقا

شف جيش حزني ركز بيارق حروبه
لا شيخ يرحم ولا صبي ٍ ولا عنقا

فرقا الرجل ماهي مثل بعد محبوبه
أحّر دمع ٍ وزود الروح ذي تشقا

غربه جديده عقب فرقاك مكتوبه
تاخذ محلك على كل الهمم ترقا

وسلامتكم ..
اخوكم : عبدالله بن بندر ال مجحود

[هداج تيماء]

صح لسانك يا عبد الله على القصيدة والابيات الرائعة

[الملتاع]

صح لسانك على القصيدة الرائعة

[مهره ..]

صح لسانك وأعتلى شانك
*_*

[أســـيــر الــقوافــي]

صح لسانك يا بن مجحود