امتحان لمن يحب اعضاء المنتدى ..

[الفرس]

السلام عليكم ورحمة الله وبركاته ..

هذي اسئله بسيطه للتعارف على الاعضاء ..

عبارة عن امتحان

المهم كل عضو يحب يشارك يعبي الفراغات التاليه

بدون ترك أي فراغ فاضي

اللي يبغى ينجح على الاقل يحل15سؤال اقل شي

يالله بسم الله الرحمن الرحيم

اللهم لاسهل الا ماجعلته سهلا >> داخلين امتحااان

1\العضو اللي تتمنى تشوف شكله هو ........

2\العضو اللي ودك تقول له كلمة بجد .......

3\عضو تقوله (ياغايب ليه ماتسأل).........

4\عضو تقوله الله يجزاك خير ويعطيك العافيه.......

5\عضو تقوله ماهقيتها منك ويجي منك اكثر..........

6\عضو تقوله الله يسهل لك .........

7\عضو ارتحت له من اول ماشفت اسمه بالمنتدى.......

8\عضو اول ماشفته ماكنت تطيقه ويوم عرفته حبيته......

9\عضو تتخيل شكله وتقول وش تتخيل .....

10\عضو طيب على نياته......

11\عضو شعبيته كبيره ومحبوب عند غالب الاعضاء........

12\عضو تحسه برييء براءه اطفال........

13\(الثقل والركاده والرزانه والهدوء والوناسه)تجتمع في العضو........

14\عضو مثقف.....

15\عضو مرح ....

16\عضو ذووووق.........

17/ عضو تبغي تهديه بيت شعر ايش هو بيت الشعر ...............

18/ عضو دلـــوع ...



ولكم مني كل التحيه ..

أرجوا من اعضاء الصراحه وما تنسوا اي فراغ

[مهرة النسيان]

مرحبا بالفرس جات وجابت الاسئله معها ..

انا باكتفي بمراقبه الاجوبه وخلي دوري اخر شي

[~ورد~]

الفرس والله كلهم فيهم الخير والبركه ولا بعد ما اقدر
احط او املا الفراغ بالعضو الصحيح
لسبب وهواني لسا ما اقدر او ما عرفتهم اكثر
وتآكدي ان لي رجعه
بس ما راح اقرا الموضوع واطلع بدون تعليق

[الملكة]

وعادت الفرس الى امتحاناتها الصعبة..
(اللي يبغى ينجح على الاقل يحل15سؤال اقل شي)<<< من اللحين اغسل ايدي من النجاح..
مرحبا بك..الفرس..ومرحبا باختبارك..
الاجابات..ما اعرفها..او ما اقدر احددها بالضبط..
فكل الاعضاء طيبين وحلوين..وبنعزهم..

[محمد الغيثاني]

اسئلتك محيره
الفراغ في بعضها يحتاج ان يكون سطوووووووووووووووووووووووووووووووووووووووووووووووو وووووووووووووور

المهم اشكرك الف شكر وبنطر غيري يمكن يحمسني

[الفرس]

زعلانه عليكم .... ولاحد منكم نجح فالامتحان ..

ولاتحبون الاعضاء .. الله من التحفظ ..

[حـــوران]

هلا والله الفرس وشكرا مسبقا على الموضوع

وراح اجاوب .. ولو إن بعضها غير دقيق .. أو سؤال شمولي

وعلى بركة الله

اللهم لاسهل الا ماجعلته سهلا >> داخلين امتحااان

1\العضو اللي تتمنى تشوف شكله هو ........

مسعطر

2\العضو اللي ودك تقول له كلمة بجد .......

الفقير لله وغير اسمه إلى (المتوكل) ,, وأقوله الله يخليك لنا ويجزاك خير .. لاشفتك ارتحت نفسيا ً

3\عضو تقوله (ياغايب ليه ماتسأل).........

قطنان . الملك . السهم . بو مسعود . بدر العرجاني . وفيه غيرهم بس مانبي نكثر الاجوبه

4\عضو تقوله الله يجزاك خير ويعطيك العافيه.......

ابو حمد الشامري

5\عضو تقوله ماهقيتها منك ويجي منك اكثر..........

لايوجد

6\عضو تقوله الله يسهل لك .........

لكل من نوا يطلع أو يبتعد .. واقولها له من تقدير والله يوفقه

7\عضو ارتحت له من اول ماشفت اسمه بالمنتدى.......

بدر العرجاني

8\عضو اول ماشفته ماكنت تطيقه ويوم عرفته حبيته......

مهرة النسيان :D

9\عضو تتخيل شكله وتقول وش تتخيل .....

محمد الغيثاني وأحس إن يدينه متقطعه من صوايد الطيور

10\عضو طيب على نياته......


العضو الكريم (عســـاه خير)

11\عضو شعبيته كبيره ومحبوب عند غالب الاعضاء........

والله أكثر من عضو

12\عضو تحسه برييء براءه اطفال........

وحدة من ذالبنيات غير سجيت من اسمها الحين

13\(الثقل والركاده والرزانه والهدوء والوناسه)تجتمع في العضو........

السهم

14\عضو مثقف.....

فيه مثقفين كثير

15\عضو مرح ....

بعد فيه كمن عضو مرح

16\عضو ذووووق.........

الفرس

17/ عضو تبغي تهديه بيت شعر ايش هو بيت الشعر ...............

للرسام

تدري وش اللي يدبل الكبد بالصيف ....!؟=زود ٍ على اللاهوب ... فرقا الحبايب ...

18/ عضو دلـــوع ...

مهرة النسيان


موضوع حلو يالفرس وتراني صدق حاولت ابتعد عن المجامله بقد مااقدر .. حتى بعض الأعضاء اذكره وانا مالي معاهم احتكاك

وننتظر باقي الحلوين

[بطاح]

مشكورة يالفرس على الامتحان وترى لي عودة

[الفرس]

ياحيك يا حوران ... ايه هذي الناس اللي تبرد الخاطر ...

اجوبتك صريحه وحلوه وشكرا على ذكر اسمي والله مانيب قاصده ان اذكر الا مجرد تعارف على حميميه

لا اكثر ولا اقل ..


يسعدني انك بين الحضور ..حوران ..

[الفرس]

بطاح انا بالانتظار ..