صداقة الجوال

[عبداللطيف الفضلي]

ســلام يادنـيـا علـيـها شــفاقـه = أشـفق عليها وارفع الصوت عزاه




دنـيا عــديمه للربع والرفـاقـه = فـيـها الـذي ودك مـن اليـوم فرقاه




كرهتـها مالي على الصبر طاقـه = صـار الخـوي جــوّال يانـاس ويــلاه




تـقول كـن النــاس فيـــها إعـاقــه = تـهرج مع انـفســها عليــها مــلامـاه




ويـا البــرامـج لاهيــة بانـطـلاقـه = والضيـف جــالس ما لقـالــه مـبــالاه




يـاشـيــن طبـع اللي فـقــد للّبــاقـه = راعيـــه ودك بـالـزبـيــري تـوطّــاه





أحب راعي الطيب لي به علاقـه = راعي الوفا والطيـب نـفـرح بـطرياه





ياصـاح عـوّد واقبـل الورد بـاقـه = عـوّد لـطبـع اللي هـل الطيـب تـبـغاه






أنا صديقك لـ بـغيت الصـداقه = وانا خـويّـك لـ بـغيـت الـمخــاواه





القلب لاهل الطيب يبدي اشتيـاقـه = حــب الـمــكارم والمـراجـل مـزايـاه

[عبيد العرجاني]

دنـيا عــديمه للربع والرفـاقـه = فـيـها الـذي ودك مـن اليـوم فرقاه

أنشهد ..

صح لســانك ألف

ولاتحرمنا من إبداعك ..

[عبداللطيف الفضلي]

صح بدنك اخوي عبيد


مأساة العصر أن يسلبنا هذا الجهاز عاداتنا وتقاليدنا


تحياتي لشخصكم الكريم