هام جدا جدا وخاص للمنتدى والرئيس الفخري

[عامر الحجرف]

السلام عليكم ورحمة الله وبركاته واسعد الله اوقاتكم وبعد


اخواني الاعزاءمن مراقب عام ومشرفين واعضاء منتدى مجالس العجمان حملت لكم هذي الامانه من الشاعر //مانع بن هادي اليامي قالها في الرئيس الفخري للمنتدى
رمز القبيله وتاريخها مقام الشيخ سلطان بن سلمان آل حثلين حفظه الله

سلام الله على اللي يعشق العلياء ويكسبها = ألياء حاقت وضاقت والعزايم وصلت أقصاها
فبو راكان تنقاد الوسيمه يوم نكتبها = نوادر مهجتي سلطان ابن سلمان منصاها
حفيد الفارس اللي هابته ماهوب هايبها = سلاطين الدول من هيبته وبيام سماها
وتقدتبه وطاعت له وهي تضحك حواجبها = ولاقبله ولابعده تقدت به وقداها
وفازت به سلاطين وشياطين وفاز ابها = على كف المجالس والمعارك يوم ينخاها
بصولاته وجولاته دعا يامن وجربها = دعا بيض السحايب في ضماها وانثرت ماها
وشرقها رعا الحمراء دواء عيني وغربها = وهي تبرق وترعد في ديار القوم واحماها
بعد هلت مطرها وارزمت ضاقت محانبها = على حمر الجموع اللي ينش السيل مسقاها
أحد مصحب لها من ذلها واحدن مصاحبها = واحدن لانت عصاه الكف يام وحب يمناها
واحد يوم التفت في سيلها سلم وجنبها = وهي لو تلمس الغبه يدينه ما تعداها
وتزهب شيخنا راكان بن حثلين وازهبها = وغذاء بنت سلمى من حلال القوم واسقاها
ورمت به دولة التركي وهو شتت شعايبها = اهي دوله وهو رجال كحلها وبكاها
محنك ينتخي بالنخوه اللي يوم يندبها = يسيل الوادي اللي من وراء الوادي ويملاها
ابمسلولن وخيل وزبدتن مالارض تشربها = غداها يوم تاصل نجد روس العقب واشواها
أهل نخوه واهل فزعه وتقدح من سبايبها = مقابيس الحرايب والصديق ايلوذ بحماها
على قل العدد من شافها ماهوب هايبها = واليا اقبل خصمها من كثرخلت به وخلاها
هذا والمدح باهل الطيب مايملا مزاهبها = ولاكنه يذكر بالحقايق من تناساها
وكم من روس لاشاشت قصيد المدح يجذبها = ويصغي في معانيها رعا العلياء وغناها
أقوله والقصيده يوم انقحها واعربها = كما نقش بصخر تبقى ولا الايام تمحاها
ألياء صارت بشيخن لابته يوفي بواجبها = تطيب السالفه ويطيب سامعها

وسلامتكم ويستاهل ابوراكان اطال الله في عمره وعمر كم