((الملابس "المكيفة" في اليابان))

[سراب]

لم تعد الملابس المكيفة ضربا من ضروب الخيال العلمي،
بعد ان نجحت إحدى الشركات اليابانية في تحويل هذا النوع المبتكر من الملابس
إلى تجارة رائجة لها تأثيرها الايجابي على البيئة.



وشرح رئيس الشركة المنتجة لهذه الملابس كيفية عملها بالقول ان الملابس التي تنتجها شركته تريح مرتديها حتى في درجات الحرارة العالية، باستخدام واحد على خمسين من طاقة مكيف هواء صغير الحجم .

وقال هيروشي اشياجا المدير التنفيذي لشركة كوتشوفوكو، وتعني باليابانية 'ملابس مكيفة الهواء'، ان تكييف الهواء يعني ضمنا تبريد المكان المطلوب
بكامله، لكن الفكرة من ابتكار هذه الملابس هو اقتصار التبريد على البدن فقط .

وقد وضعت مروحتان صغيرتان خلف كل قميص او سترة مصنعة، تعملان ببطارية جيب قابلة للشحن.



وتقوم المروحتان بتوزيع الهواء في اجزاء الجسم، وتسهم في خفض نضح العرق، وتخفض درجات الحرارة .



يشار إلى أن اليابان تشتهر بجوها الرطب والحار في ذروة فصل الصيف،
حيث ارتفعت درجات الحرارة الى مستويات قياسية
خلال الأيام الأخيرة في اليابان.

بصراحة مايصلح لليابان كثر الكويت
بس ماشاء الله عليهم نفعوا عمرهم .. بلد يمول الإختراع ويشجع الشباب
مو حنا مجتمع ننطر الفرج بس

أتمنى أعجبكم موضوع المقال
أختكم/ سراب

[الغروب]

ســـــــراب

من جد موضوع رائع ... فعــلا شعب يفكر ومايبالي حتى لوشئ خيالي لاننا ياما وياما جاءتنا

هالفكرةبس

عاد يالله من يخترع لنا ملابسه بالتدفئه للشتاء لان جونا بكل الاحوال يحتاج

شكري وتقديري لكل اختياراتك الرائعة كما انت ِ

[&آهــــات الحــــزن&]

يسلموو سرااب شعب مفكر

ودايم تطري غلينا افكاااار بس منو ينفذ ياختي

>> الاخت عندها افكاااار جهنميه وبسونها الناس وحنا انقول كانت فكرتناااا

لاهنتي ياالغلااااا ويليت يرسلون لنا منها

[شيخة الغلا]

وناااااااسه ياليت يصير صج عندنا

ولا شرايكم أروح وأجيبلكم معاي ،،


الحين منو يبي يقولي


سراب
خوووش موضوع تسلمين حبيبتي

[محمد الغيثاني]

موضوع جميل الله يجعلهم يسونها للثياب احسن لنا في هالحر اذا صار فيها تكييف

شيخة الغلا ولا تهونين ابي ثوبين بس هاه تفصيل قطري وتكفين لا تاخرين علينا ترا الحر ماعاد ينطاق

[سمو الرووح]

هذي تصلح لنا نحن أبناء الخليج ... وين التجار عنهاااااا ياهو رررربح بيدخل عليه ههههه

ســــــــــراب

شكرا لكِ على المعلوماااات الراااائعة .. ولاهنتي يالغلا

دمتي بأسعد حــااااااال

[سراب]

لا حرااام عليج تبين تدفئة بالشتاء
ليش؟؟ .. أنا عندي أتحمل البرد ولا الحر والرطوبة

أنا قبل كنت أقول ليش مافي مكيفات صغار تتعلق عالكتف؟؟
طلع إختراعهم أبرك من تفكيري

مشكورة حبيبتي على الإطراء الحلو
ولاهنت يالغلا لمرورج الندي

[سراب]

إي والله!!
تصدقين أحلى شي لمن يجيج الشي "جاهز".. وماتتعبين فيه
وطبعا حنا على كفوف الراحة

والله!!
في شعوب تفكر وتعمل .. وحنا شعوب الكسل في دمنا

مشكورة حبيبتي أهات لمرورج الرائع والذي يشرفني

[سراب]

إذا على حسابج مافي مانع

بس إذا طلعت موشي بعدين .. "تردين فلوسنا"

تسلمين يالغلا على المرور الرائع

[سراب]

ماتقصر شيخة الغلا بتشتري حق أعضاااء و بعد زوار المجالس .. هي قالت لي
كريمة لأنها
وبسويلها إعلان في دول الخليج كلها <<

كل الشكر لمرور أخي محمد الغيثاني والذي أتشرف به