#1  
قديم 10-12-2014, 10:55 PM
خالد بن جفـــن خالد بن جفـــن غير متصل
 
تاريخ التسجيل: May 2010
المشاركات: 83
معدل تقييم المستوى: 11
خالد بن جفـــن is on a distinguished road
مشــــــاعر عنيــــده

هبلي غفيت البارحه دوب هسهاس = مابين صحواتٍ وغفوه وحيده
وأقبلت يا ليل الحزن بس بنعساس = للعين غفوه والمشاعر عنيده
بي تختلي أليا هجع كل عسّاس = مني تبي صافي دَموعٍ جديده
لوّي دريت السالفه همّ محتاس = لصفق كَفوفَ الحاصله لا تعيده
جرحٍ سطى في داخل القلب وسواس = يا هو حقيقه حكيهم يا وكيده
أن الوفى قد ضاع في لجّة الناس = هذا بعجه غاطسٍ ما تصيده
ظنه كسب قولة نعم بالتمسّاس = ما يدري الماخوذ ما به وليده
يا ما رفينا خملته قول لا باس = نصبر على جور الخطا لو يزيده
ندمح وننسى لو غداله تضرّاس = كله عنى ناس ولو هي بعيده
يا غافين ما في النوايا تحسّاس = في ذمة اللي خالقٍ ياعبيده
ما قدره ربي علينا ولاباس = نصبر ولو صكاتها بي شديده
يوم الخيانه حلقها به تيبّاس = هو ناشفٍ لي ريقها من لهيده
كانه حسب طعن القفا به تنوماس = ظنه على ما قيل كلمه حميده
حتى ولو أقسم بحلفه بلا قياس = مستبشرن ما للخيانه عويده
حذرى يغرك من بحكيه تبرباس = ما يطهر المخزي وطيبك تزيده
وعويس أسمك صار غصبن يعوّاس = تضرب على جال السوالف هبيده
تضرب وضنّك يا ولد بك تفرّاس = من زود جيدك غادين لك نقيده
جنب عن اللي ما حسب لك ولا داس = من صوبكم طرفن ولا له تعيده
يا صبرنا لو ماشيه هي تنكّاس = دنيا غريبه كلمة الحق شهيده
لونا بغينا صيدها صيد قرناس = لي خاشرت غربانها في وريده
وأن عاندت جمره على كف محماس = تنجح لحمها ما تضرّ الحديده
والغايبه يا فكرنا من تهوجاس = تطري علينا في حلومن نشيده
نلعب لعين اللي هواها تنوماس = صفرا تتل القلب غصبن بلا قيده
لو هي حكت تشرق لها سود لدماس = وان هي طغت صارت حروفي بليده
من حر ما تسقي بي تعوماس = وجه السوالف شاينن يا فقيده
علمي تجافيتك وحظي بلفلاس = أثر التغلي ما نفع زود جيده
غبتي وغابت بي فرحتن ولوناس = كني على جمر الغضا لمس أيده
أونس لواهيب العنا تسقي الكاس = مرن شربته من فراقك زهيده
له في حنايا الجوف منك تقواس = ترهق معاليقي لدقّت وتيده
نايف بوصفه كل حرفن وقرطاس = لوّه نشد أسمه كتب في الجريده




خالد براك بن جفن
10/12/2014
رد مع اقتباس
  #2  
قديم 11-12-2014, 09:19 PM
خالد بن جفـــن خالد بن جفـــن غير متصل
 
تاريخ التسجيل: May 2010
المشاركات: 83
معدل تقييم المستوى: 11
خالد بن جفـــن is on a distinguished road
رد: مشــــــاعر عنيــــده

تعديل كلمة بنعاس

وأقـبـلــت يــــا لــيــل الــحــزن بـــــس بـنـعـاس
لــــلــــعــــيــــن غــــــــفــــــــوه والــــمــــشــــاعـــــر عنيده

رد مع اقتباس
رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طرق مشاهدة الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع إلى

 


الوقت في المنتدى حسب توقيت جرينتش +3 الساعة الآن 11:49 AM .


مجالس العجمان الرسمي

تصميم شركة سبيس زوون للأستضافة و التصميم و حلول الويب و دعم المواقع