بسم الله الرحمن الرحيم
أنه الشاعر المعروف راشد بن حسن بن الذيب (( رحمه الله )) رجل من الرجال الاوفياء.ومن المشهورين بالكرم وحسن الاخلاق وله باع طويل في مطولات القصيد والقلطه.ومن فطاحلة الشعراء.وهو غني عن التعريف حيث له المواقف المشهوره والتي تعد مضربا للمثل ويشهد لها الناس حتى وقتنا هذا كما كان له العدبد من القصائد في حكام الخليج ..
ميــلاده :
ولد شاعرنا مابين عامي ( 1921-1925 ) في الباديه وقد اختلف الراويه عن تحديد السنه.ولما بلغ الشاعر راشد سن الشباب التحق في شركة ارامكو مع ابناء الباديه.الذين سجلوا فيها ولكنه لم يدم طويلا في هذه الشركه حيث ان كان يخالف انظمة الشركه . حيث كان يحمل ( العبريه ) على خط ارامكو.وكلنا يعرف قصة المرأه العجوز التي ظلت تنتظر على الخط ومعها الماشيه فلما توقف عندها نزل وسألها من تنتظر ؟؟ قالت انتظر راشد بن الذيب .. فسألها هل تعرفينه ؟؟ قالت لا .. فقال اركبي واخذ يحمل الماشيه في سيارة الشركه ..
فصلــه من الشــركــه :
من اسباب فصله كما ذكرنا مخالفته لنظام الشركه الذي يمنع حمل العبريه .. وكان السبب الرئيسي هو انه نقل طفل مريضا الى المستشفى ومعه والده .. وسأله المدير لماذا لم تقف مع زملائك في طابور السيارات وذهبت بالسياره .. فرد عليه بالابيات التاليه :
ماتوقف مثل ربع وقفوها = كود اللي في الطريق مهملينه
لو وقف وقفه شين جفاها = اركبه لو المدير تشوف عينه
انتقــاله الى الكويـــــت :
بعد فصله من شركة ارامكو انتقل شاعرنا الى الكويت وظل عند الشيخ سالم العلي الصباح وكان يلعب القلطه وكانت مع شليويح بن شلاح ومحمد الشلاحي في الاحمدي . وقال قصيده مشهوره هناك وقد اطلق عليها الامير محمد السديري (( الشيخه )) :
وجودي على المنهاج انا وانت يالادهم = على اللي مع اللجه تصف الجناحيني
على اللي مع اللجه بجوف السماء تردم = حداها عياها والسواويق عدميني
والقصيده طويله ونأخذ منها هذه الابيات :
انا ماعرفت الحور غار الحبيب أعظم = لها جنة لاصرت باموت تحييني
من القطن والديباج جلد الحبيب أنعم = علي أشهد الله كاني أكذب يجازيني
والقصيده أطول من ذلك كما قال ايضا في قصيده اخــرى :
أنا هاضني قافا مع اللي يتلاحون = سمعته من اللي تماثل عرافي
سمعته من اللي تالي الليل غنوبه = حسيبي عليهم يقظوني وانا غافي
قطــــــر :
كما ان شاعرنا انتقل الى قطر واطلق عليه الشاعر الشيخ حمد بن خليفه وابنه الآن محمد بن راشد شاعر قطر للمناسبات الوطنيه .. وهناك الكثير من قصائد المدح في الشيخ حمد ومنها :
الى الدوحه الفيحا غرامي يناديني = احب البلاد اللي حمد نازل فيها
وكذلك :
يابو صلعا رد للقائد سلامي = الوصايا بالذمم وانت الظنينه
وهنا نتذكر قصيده غزليه مسنده الى الشاعر سعيد بن جحيش الهاجري :
راكب اللي لامشى محد يطوفه = سايقه يمشي على مضمون كاره
نصه ابن جحيش عندي له طروفه = من كلام الفاهمين اعطيه اشاره
ياسعيد العين لاحقها كلوفه = وازهم الله وازهمك يابن النماره
والسبب طفلا ذبحني بمحلوفه = داخلا في الغي في سوق العياره
علاقـــته مع الاميـــر خــالد الفيصـــل :
ولشاعرنا الكثير من الشعر للأمير خالد الفيصل وارتباطه بالامير خالد وابوبندر من شعراء الخليج الكبار الذين يتشرف كل شاعر بأسناد قصيده أليه .. فيقــول :
الهرج كثره يابوبندر جهاله = وماقل دل وما ابيك مخلوفي
لاشك تجبرني عليك اتصاله = لازل خطوات البهيم الحلوفي
وكذلك له ايضا :
ياما على كثر الهياكل من الخام = يستر رجاجيل ضعيفا جداها
هذا ولد فيصل على الحق جزام = لابينت سود الليالي غثاها
بعض قصــائده الغزليــه :
هنا يشتكي شاعرنا من بعد محبوبته .. فيقــول :
صاحبي يالجابري بيني وبينه = سهلة يقنب بها ذيب الخلاوي
كيلو العداد دونه حاسبينه = الف واربع غير لفات الملاوي
وهنا ينوي الذهاب الى محبوبته ويمتدح سيارته .. فيقول :
جديده من المصنع ودقيتها سلفي = تعديت عرق المندفن مع بلد يامي
مع راس قتنوب علي الهوى صلفي = يدله رجاجيل على الغيظ كظامي
وفــاتــه رحمة الله عليــه :
وتوفي شاعرنا راشد بن حسن بن الذيب عام 1986 في نجران على خط شروره بحادث مروري وكان يقوم بعمله حيث كان ينقل شخصا مريضا من المستشفى الى اهله وكان عنده في الوقت نفسه عشاء لضيوف عنده ( رحمه الله ) ..
تصحيــح بعـض اللبـس الذي جـاء في بعـض أبيـات شـاعرنا المرحـوم :
الولد وان طاب قالوا من خواله ؟ = وبالخوال يسأل قبل الوالديني
هذا البيت الشعري الذي انتشر في الجزيره العربيه وقام كل شخص يردده وفي كل منطقه على لهجتها او يفسره على هواه ..
وهناك لبس في هذا البيت حيث يقول عامة الناس الآن :
الولد وان طاب طيبه من خواله = وان تردى فاعرف انهم خايبيني
وهذا البيت غير صحيح وانما الاصح هو (( الولد وان طاب قالوا من خواله ؟ .. وبالخوال يسأل قبل الوالديني )) ونلاحظ ان الشطر الاول اتى على صيغة سؤال ..
وأليكم القصيده كامله وقد قالها وعمره لايتحاوز ( 25 ) عاما وكانت في عام 1944م .. يقـول :
قالها بن الذيب من هاجوس باله = كلمه يلعبها والبال زيني
قالها يومه طراله ماطراله = من هواجيس تشيب المرضعيني
غرني بعض الرجاجيل بكثر ماله = مادرى ان الموت في حبل الوتيني
كيف ينفعني وبعض الناس خاله = ومايقوم البيت دام الساس طيني
ناس وين اللي عوايده الشكاله = مثل ابن ظافر حمد ذرب اليميني
الثناء والجود دايم في خياله = علمه ظافر سلوم الطيبيني
جود العليا وقضبها عياله = وادركوا من علمته دنيا وديني
واهني من باع حظه واشتراله = سار في درب النبي واخزا اللعيني
موقفه ما كل رجال يناله = من بغى ممشاه يقعد مرتيني
وكم ذبح من حايل من حر ماله = وعادته لطمة خشوم العايليني
حالف ما خذ من الطرقي رياله = وبثلاث محرم انها ماتجيني
وهنا نقف عند هذا البيت ونصحح بعض المعلومات التي اتت بأن المقصود من الثلاث هي ثلاثة ريالات وهذا غير صحيح وانما يقصد بالثلاث هي الطلاق .. ونكمل القصيده :
لا لقيت اللي على السكه لحاله = يلتفت ويقول وين المستحيني
ياقف موتري حيا وابغى الجماله = يوم ولد اللاش وجهه مايليني
الطمع في كروة الرجلي رذاله = خصبه وانجا مجال الغانميني
والردي في حاله ماهيب حاله = ياعوينه من كلام الطيبيني
والردي كوبان مايذكر مجاله = مايعد اللاش مقصور اليميني
اركبه لعيون من زين دلاله = ماتحاكوا في قفاه الرامسيني
مابغا غيري وانا ما ابغى بداله = قاعد لي في الرجاء مدت سنيني
الولد وان طاب قالوا من خواله ؟ = وبالخوال يسأل قبل الوالديني
واشرب الفنجال واكب البياله = تابع سلمي سلوم الاوليني
وماقعدنا في العمل نبغى الرزاله = ناخذ العليا طريق الفايزيني
وايضــا قال راشد بن الذيب هذه القصيده الرائعه :
تمتع بهزلات الليالي لعلها = توصلك هزلات الليالي سمانها
تمتع بها لعل حاجتك تنقضي = والنفس لاعزيتها طاب شانها
دوا القلب في لذات الايام ساعه = يحسب الليالي دايم لها زمانها
ارى مايرى النائم من الوقت لوعه = وعند انتباه النفس للوقت خانها
انا الذي سجيت بأول طفولتي = وارى الوقت هامات الاجاويد هانها
يقولون ماشي الوقت ممشاه ربما = ترد الامور الماضي في مكانها
انا اقول لو امشي على الرجل انما = هذا الوقت لاشك العرب وين ايمانها
ارى الوقت وقتي غير الاصحاب وينهم = من ماجرى للناس كثر امتحانها
الايام هي الايام تبذل وجودها = والاصحاب فيها لاترى الا بنانها
محى الله وقت مايساعد هل الوفا = تعيش الثعالب فيه ولطول اذانها
انا اشوف ذا الدنيا علينا تغيرت = راعي المنزل العالي نزل في طمانها
يحل الردي فيها على كيف مايشاء = والاجواد فيها جات وجده ثمانها
هذا الوقت شفت الظأن تركب فحولها = والاجواد قام يشيخ فيها جبانها
فلا خير في الدنيا ولاخير في الردي = ولاخير في قوما ردي ابطانها
على الخلق لو بينت ماكنه الا الحشى = تزيل الجبال الراسيه من مكانها
تزيل الجبال والارض تهتز كنها = تزلزل صليب احجارها مع ليانها
من الهم نفسي كل شيء يكودها = ماتلتفت لاقرب قريب وزانها
وســـــلامتكـــــــــم
وآآسفين على الاطـاله .. لكن شخصيه مثل شخصية شاعرنا رحمة الله عليه كيف تحصرها الصفحات ؟؟ !!!
15-10-2006, 07:38 AM
العرض العادي
المواضيع المتشابهه
