ليه المساء عوق الشقاوي وطبّه ؟ = وليه الهبوب تصحي القلب لا بـات؟
وليه القمر يدعي جريـح المحبّـه؟ = ويقول له : يا هيه..ما فات ..ما مات
جرحك ظهر لو قلـت للوجـه خبّـه = وللحزن في ضحكك رسوم وعلامات
( اشتـاق فيـه لشوفتـك واتنـبّـه = للي نسيته مـن مواقـف ونظـرات
لا استانس الخافق ذكر مـن يحبّـه = ورجع يراجع فالوناسات مـا فـات
يا مرتـع القلـب الحزيـن ومربّـه = يزيين بك مثل الذهب صدر الابيـات )
(( هيهات ينسى القلب شخـص ٍ لعبّـه = وهيات يدله خاطري منـك هيهـات ))
سبك مديح ومـدح غيـرك مسبّـه = تقول واذني صوتها تقول لـك هـات
و ( نبع الغلا عنـدك وعنـدي مصبّـه = ومن الولاء .. في خافقي لك ..ولاياات )
وطيفك حطب عيني..وعيني مشبّـه = والشوق برد ٍ ما انقطع لو للحظـات
ومكانك الصدر ولـك القلـب شبّـه = بين الظلوع اللـي فردهـا التنهـات
و ( لك بيـرق ٍ فالقلـب حبـك يهبّـه = شامخ ولا هزه من العـذل غـارات )
محبتـك فالوقـت ذا مـا تشـبّـه = الا بخيمـة بـدو بيـن العـمـارات
ان شفتني ضايق واهوجس واسبّـه = اخاف غدر الوقت.. والوقـت دورات
( لا تحسب ان دمعي نـزل دون سبّـه = ابكي من الفرقا وهي مابعـد جـات )
(( الـيـوم كــل امورنا..مستتـبّـه = وبكره ماندري وش معه من مسرّات ؟! ))
اربْ قلبـك مثـل قلـبـي اربّــه = ما يخلفه شور العـرب والمسافـات
لصاحــب الصـوووره
* أعجبتني بِلا شك لو لم تعجبني مانقلناها ..!!
فلعل وعسى أن ترتقي لذائقتكم لتلامس مشاعركم
<-- أمدحووا ذوووقه ع ـشان يبدّع
هنيّااا
أخوكم
[mklb]غشّــام[/mklb]