تشرح نفسها
يضيع بغبة العرّاف كم وكم ـ وكم و كم = وكم ضاعوا ولازالوا في سابع بحر ما كفّوا
واطيع اصلا وانا اكتب من شعوري اذا هو غم = يطاردني واجامل به اذا داروا واذا لفوا
قلوب الكذب والعذال والكذاب بالعلقم = يزخرف لي كلام مايزخرف فيه من دفوا
الا والله واشهد له وانا _ ما قد عرفت النم = ولا مرّه سمعته كود من قلوب كذا خفوا
ولا غير المصيبه غير صدماتي بولد العم = يجاملني علا الضيعه وش اقول انهم هفوا
بلا واشهد فلا كفوا وكل فعلٍ رفع بالضم = وكل مفعول من ذالقول كسر اعلام من رفوا
علا الغيبه مع الريبه وش ابي به ولا به تم = ولا به من علوم الطيب شي مابقى زفوا
علا الحاضر من سلوم الحضاره مايحسب الدم = لمنهو دمه يتله علا منهم له انكفوا
اذا ني ياعيال القوم جايب عقبةٍ بأنطم = واذا ني ماوقفت بلازم ٍ فيه العرب وفوا
ملازيم الحرام احرم علي وجعلني السم = اذا مرّه تعمدت المهونه يومهم صفوا
ثلاث دروب فيها عيوب عيب وعيب وعيب هم = خذا له هم عقب الهم ثلاث هموم ماشفوا
غليل العرق من عقب الظما والمر وين الجم = انا اشهد مايرد ه ضامي كفى ولا كفوا
يضيع بغبة العراف كم وكم ـ وكم وكم = وكم ضاعوا ولا زالوا في سابع بحر ما ضفوا
ياكود العيب وشق الجيب لا بو خمة ٍ تنخم = في وجه اللي رفع نفسه عليهم لوّهم خفّوا
اداريهم واداريهم كثر مااداري ولد العم = واثر بعض العيال العم وقت الضيق انكفوا
انا لومي علا شعوري ومن هو عارف له ثم = خفوق اللي كتب فيضه ولا هو دار اذا لفوا
29-05-2006, 05:50 AM
العرض العادي
المواضيع المتشابهه
