هموم صدري لعنبوها مطانيخ .... تلعب بجسم ٍ مابقى فيه طاقه

[صالحه]

بسم الله الرحمن الرحيم

اتمنى ان ترتقي لذائقتكم الكريمه هذه الأبيات



يامل قلب ٍ كن يشوا على صيخ

............................... جمر الغضى تحته وفوقه طباقه

عـيّـا يرسـّخ وضّـعه الصـّعب ترسيخ

..................................... جاته من الدنيا هموم وحماقه

وانا بصدري مثل نار الطبابيخ

................................ تـشّـوي بجوفي لين زاد احتراقه

أصـّبـر وانا شـلـّخني الوقت تـشـّلـيـخ

....................................... لا قلت خـلـّـص زاد يـمـّي اندفاقه

ماذم عبدالله ولا امدح كليفيخ

............................. الذم لأهل المدح ساس المحاقه

لي خوّة ٍ ماهي عناد ٍ وتوبيخ

.................................. اقدّر الصـّـحبه واعرف الصداقه

يوم الحيا يفـّـصخ عن الناس تفصيخ

..................................... ماغرني وهج الزمن وابتراقه

أسج رجلي في دروب التخاتيخ

................................ ورورحي مع البدوان فيها شفاقه

أشتاق للروض الخضر والمرابيخ

.................................. يمشي القدم فيها ويـطـّلق وثاقه

فيني ثقل ماطير مثل التفافيخ

............................... واشـّري النصيحه لو ثمنها بناقه

واخشى نظر عين ٍ هدبها صواريخ

.................................. واحزن على الغالي ولحظة فراقه

كل ٍ على نفسه أمير وبعد شيخ

.................................. وكل ٍ معا ذا الوقت يعلن سباقه

هموم صدري لعنبوها مطانيخ

.............................. تلعب بجسم ٍ مابقى فيه طاقه

عقب الشباب ولذة العمر بـنـّشيخ

................................... وطعم الحلو بيصير مر ٍ مذاقه

كل ٍ له إسلو م ٍ وعلم ٍ وتاريخ

.............................. ناس ٍ عرفناهم بلـيـّا بطاقه.

ومن يحـّـسـب الدنيا رقاد ٍ وبطــّيـخ

..................................... بيطيح بيته ويـتـّـقـطــّع رواقه

خـلـّـك مثل روس الجبال الشواميخ

.................................... واطرد ورا رزقك وخل الطفاقه

الصّف واحد وان غدا فيه تـشـّريخ

................................... بانت عيوب الناس لو هم رفاقه

وان كان وقــّتـك نـوّخ الحظ تنـّـويخ

................................... ماعاده بقايم ولو مد ساقه



من ابداع الشاعر : حمد المسرع

[فالك طيب]

صح لسانه أشاعر / حمد المسرع

وفالكم طيب

[الغروب]

صالحه
تسلمين على نقل القصيدة الرائعة
وصح لسان الشاعر حمد المسرع.

[مليحة العجمان]

سلم بوحج واحساسج

لاهنتي

[نورهـ,]

صدق إبداع ,, أعجبتني بيــت بيــت

تسلمين على هالنقل

[عليل المحبه]

ياسسسلام

صح السان المسرع على الجزله

ومشكوره ياصالحه على الاختيار

[عذاااب]

ايه والله ابياات في منتهى الروعه .... يسلمووو صالحه

[ناثرة الورد]

يعطيكـِ العـآإفيه
ولآهنتي على النقـل المميز والرائع

وبنتظـآإر جديدكـِ
دمتي لمن تحب