تكفون يااهل الخير@@@@

[حمود بن فطيس]

تكفون ياهل الخيـر خلونـي انـوح =على الذي ماجـاب للهجـر سيـره
ماظنتي بالقا مـع الغيـر مصلـوح =امـوت وقلبـي ماتشقـوا بغـيـره
بعض المواجع تاتي القلب وتـروح =الاوجـع فرقـاه مــاراح ديــره
وكثر الحكي زود على جروحه جروح = والله يعلـم ويـش تالـي مصيـره
ذقت العنا والحـب مايعتـق الـروح =وضيعت باقـي حيلتـي والبصيـره
وياصاحبي قلي انـا ويـن ابـاروح =من عقب ماضاقت علـي الجزيـره
امن اول(ن) وياك في هرج ومزوح =متغاني(ن) مـن لابتـي والعشيـره
واليوم دمعي فوق الاوجان مسفـوح =لاشـك حلـوات الليالـي قصيـره
ليتك طعنت القلب واقـول مسمـوح =ويصير بعدك عقـب لامـاك خيـره
المشكل انك وافي(ن) تكتـم البـوح =وتقـول للناشـد علومـي ستيـره
ماودك انك تصير في وضع مفضوح=للـي يحطـون الصغيـره كبـيـره
صحيح انا قدني من الحب مطـروح =واسج من شره اليا اونسـت خيـره
ارضا وانا برضا بما كتـب فاللـوح =هذا الصحيح وعـل فالامـر خيـره

الشاعر: فيصل بن عامر بن نوطان

تقبلوا تحيات مودعكم

حمود بن فطيس