مـااشـتـقـت لـي؟

[شما]

ودي أعرف ياترى من علمك تقسى علي ؟
من علمك درب الجفا ومفارقي هو لهفتك ؟!

وين الخطا ؟ مني الخطا ؟! لا تقول لي لا تسألي
أنا أموت بساعتي مليون مره بسبتك

صاير غموضك في اللقا ... عنوان !! ليته ينجلي
وش غيرك ؟ أرجوك جاوب ..!! وش أكون بدنيتك ؟!

إن شفتني .. أحس كنك في وجودي مبتلي !!
وأرجع أحاول أنسحب .!! أخاف أجرح حضرتك

ودي اسئلك ! وشهو السبب ؟! ليه إنت دايم مختلي ؟
وإنت الوحيد اللي اتعرف وش هي معاني غيبتك

أنا أعشقك ! إيه أعشقك !! وفراقك أصبح مقتلي
علمتني كيف الهوى ؟! وإن اللقا هو بهجتك

تذكر حبيبي كلمة(ن) قد قلتها ؟! ( لاترحلي )
وفي أي لحضه ترحلي .. تخيليني وجهتك !!

ليه الجفا ؟! وش هو السبب ؟! وش غيرك ما قلت لي ؟!
هو في خطا مني أنا ؟! وإلا انتهت محبوبتك ؟!!