مانيب جاهل ميـر تحكمنـي تقاليـد وطبـاع

[عاليه الاخلاق]

قصيده للشاعــــــــــــر ....على بن سالم العتيبي

يا نفس صدّي عمد وأرقي من رفاع أليا رفاع =وانتي عزيزه مارضيتـي بالتدنـي والخضـوع
تجاهلي وأرقي على قمـة مراقيـب السبـاع =لو التذلل يشبع الانفس يمـوت الذيـب جـوع
مير المثل قال القناعـه كنـز والدنيـا متـاع =والمغريه لو تغري الطماع مـا تغـري قنـوع
وانا احمد الله يوم اسوق الرجل فالسبل الوساع =وأن سقتها قدام مايطري على بالـي رجـوع
اصدّ عن بعض المداخل عمـد قصـرٍ للنـزاع =من خوف لا تجذبني الزله وأنا رجـلٍ جـزوع
تجزعني الزله ليا جتني من لسـان الشجـاع =لو كنت اصم ابكم ليا صارت من لسان الدنوع
مانيب جاهل ميـر تحكمنـي تقاليـد وطبـاع =واشوف ناسٍ مايعرفون النزول مـن الطلـوع
من يطرد الدنيا محبة قـدر يبشـر بالضيـاع =واللي يعدّي فوق مايحسب,مصيـره للوقـوع
واللي يعبد وجيه خلق الله مثل عابـد سـواع =انا دخيلك ياعظيم الشان من بعـض الركـوع
يالله لاتظفي على وجهي مـن الغفلـه قنـاع =والهمني الطاعه ولا تجعـل جبينـي بالمنـوع
انا عليّ من الذنـوب السـود مـا لايستطـاع =تاخذني الغفـلات والانسـان مخلـوق هلـوع
غرقـان فاللـذات والايـام تطوينـي تـبـاع =على سفر واليوم يقرب من ربوع ليـا ربـوع
أسألك حسن الخاتمه يـارب لحظـات الـوداع =والعفو والغفران من شيٍّ ورى حدب الضلـوع
اناعـدوّ أبليـس والشيطـان معصـيٍ مطـاع =احيان يغويني على ذنبي واطيع النفس طـوع
وأذنب وانا من رهبة الموعد معاليقـي شبـاع =والخوف يدخل في شراييني على مليون نـوع
خوفي من اللي مقتفيني بعد ما يطوى الشراع =والصحف والميزان والانكال في يـومٍ يـروع
والعمر مهما طال حبل العمـر لا بـد أنقطـاع =وأليا ذكرت اللي مضالي كنه أقصر من سبوع
يارب زدني خـوف وأيمـان وتأمّـل واقتنـاع =ونور وهدايه منك وأسكنّي ملـذات الخشـوع
وزدني يقين ومتع اسماعي بحسـن الاستمـاع =يالله ولا تجعل عيونـي منـك تبخـل بالدمـوع
النفس أمّاره وانا والسوء في حرب وصـراع =والفاتنه تلعب على عيني مثل لعـب الفـروع

وسلامتــــــــــكم

[ِِِAL 3ajmiah]

أسـألـك حـسـن الخاتـمـه يــارب لـحـظـات الـــوداع
والعفـو والغفـران مــن شــيٍّ ورى حــدب الضـلـوع
:
يـــارب زدنـــي خــــوف وأيــمــان وتــأمّــل واقـتـنــاع
ونــور وهـدايـه مـنـك وأسـكـنّـي مـلــذات الـخـشـوع
وزدنـي يقيـن ومتـع اسماعـي بحسـن الاستمـاع
يالله ولا تـجـعـل عـيـونـي مــنــك تـبـخــل بـالـدمــوع


آآآآمين .. صح لساان شاعرهاا ولسانك يالغلا ..

لاعدمنا هالذوق الرآقي ..

تسلمين ع النقل ~

[ناثرة الورد]

{{ عزوتـي دوسـريـهـ }}
,
,
آآبداع غير مستغرب
دمتـي بهذا الرقي
تقديري ..,

[سمو الرووح]

صح الله السان الشاعر / علي بن سالم العتيبي على القيصدة الجزله .

وشكرا لكِ اختي الغالية / عــزوتـي دوســـريـة على الاختيـاااار الراائع للقصائد المتميزة دائماً ولاهنتي



تقبلي فائق التقـديــر والاحتـــرام .

[عاليه الاخلاق]

المشاركة الأصلية كتبت بواسطة ِِِAL 3ajmiah

أسـألـك حـسـن الخاتـمـه يــارب لـحـظـات الـــوداع
والعفـو والغفـران مــن شــيٍّ ورى حــدب الضـلـوع
:
يـــارب زدنـــي خــــوف وأيــمــان وتــأمّــل واقـتـنــاع
ونــور وهـدايـه مـنـك وأسـكـنّـي مـلــذات الـخـشـوع
وزدنـي يقيـن ومتـع اسماعـي بحسـن الاستمـاع
يالله ولا تـجـعـل عـيـونـي مــنــك تـبـخــل بـالـدمــوع


آآآآمين .. صح لساان شاعرهاا ولسانك يالغلا ..

لاعدمنا هالذوق الرآقي ..

تسلمين ع النقل ~

ويمناتس سالمه يا العجميه واتشرف بتواجدتس المميز

[عاليه الاخلاق]

المشاركة الأصلية كتبت بواسطة ناثرة الورد

{{ عزوتـي دوسـريـهـ }}
,
,
آآبداع غير مستغرب
دمتـي بهذا الرقي
تقديري ..,

هلابتس ياناثرة الورد وتشرفت بحضورتس

وتواجدتس الطيب

[عاليه الاخلاق]

المشاركة الأصلية كتبت بواسطة سمو الرووح

صح الله السان الشاعر / علي بن سالم العتيبي على القيصدة الجزله .

وشكرا لكِ اختي الغالية / عــزوتـي دوســـريـة على الاختيـاااار الراائع للقصائد المتميزة دائماً ولاهنتي



تقبلي فائق التقـديــر والاحتـــرام .

يامرحبا والله

هلابتس يالغاليه

لاخلا ولاعدم يا سمو الروح