قصيدة امتداح في الشيخ عبدالمحسن بن عبدالرحمن الدامر

[خالد بن مجحود]

السلام عليكم ورحمة الله وبركاته

القصيده مهداه من الشاعر عبدالله بن ربيع بن عبدالله ال مجحود
الى الشيخ عبدالمحسن بن عبدالرحمن الدامر اثناء سفره الى تركيا ,,,,

قم يا نديبي فوق مسلوب الأجناب=يعجبك في حلو التراتيب فنّه
ليتات وجهه شلّفت كنّها حراب=كنْها تحاكى للمسافات عنّه
باصل عليه اللي مباديه رحّاب=اللي المدايح للمواقف رونّه
فكّاك عسرات المشاكل و الأنشاب=يبِعِد نحاه ايلا غدا القيض كنّة
القرم قرم و ينحسب لأجله حساب=ضل الضعيف و للمناعير جنّة
و المدح ما ياتي كذا ما له اسباب=يكسبه من عدّى الهقاوي بظنّه
يسبق على الجزلات قدّام نهّاب=و الطايله لي جات تاتيك منّه
عقب العصر مجلسه ملفى للأصحاب=يزهى محله ريح عوده و بنّه
يا حي شوفك يا بعد كل من غاب=ومن قال شعر قالوا : الناس غِنّه
نبغى الربوع ولا نبي طب الأطباب=بعض العرب يبغى المراجل بمنّة
سافر و حنّا ما نبي شوف الأبواب=نبغى الرفيق اللي جنابه محنّة
(الدامر) اللي ما جمع شي لاجاب=ما حط ماله من دون ربعه مظنّه
رزّو (لابوخالد) على راس مرقاب=بيض المواقف و الجمايل يجنّه
بعد المغازي غاطيً كل الألقاب=حدّاد قيمان الوغى ما حدنّه
و الطيب كسبً يكسبه كل كسّاب=يركي على بطن السنينه مسنّه
و القرم صعبً للصعوبات غلاّب=ما قالوا ان ابوه والله لو انه
يا قوم ما يقطع ضما القوم مشراب=و الله بخيص بخلق ناسه و جنّه
بيت البدو ما يقضبه كون الأطناب =و فيه إختلافً بين حوضه و شنّه
احدً حضوره حضور و غيابه غياب=و أحدً حضوره غيابً مادري عنّه
الله عساه يعود و يعود صبّاب=من (انقره) و أهل الخشوم المدنّه
قبله رحل (راكان) لديار الأجناب=و صار السفر لديار الأجناب سنِّة
و قام يتوجد من غلى بعد الأحباب=و يلِحق على كثر التوجاد ونّة
و عوّد على ربعه طويلين الأشناب=ربعً ترخّي للملاجم الأعنّة
أهل البنادق و الجنابي و الأحزاب=و أهل العزاوي و الجموع المرِنّة
وأنا رفيقي لا قناني بالإعجاب =والله لا أوقّف للمواقيف عنّه
يا مل قلبً من عنا الوقت مرتاب =و الزين ياتي ناتجه من مغنّه
و أشوف ناسً جيدها عند الأنساب=و أخيه يدعسه الزمن ما يحنّه
اصلك جبل و ايضا جمل و انته عقاب =و لاتنزّل للخنا و المقنّة
و صلاة ربي عد ما هب هبّاب=و اعداد نبت الريف و اللي رعنّه

[السنآفيه]

وعليكم السلام ورحمة الله وبركاته..


يستااااهل الشيخ عبد المحسن..

وصح الله لسآآن عبدالله بن ربيع..

كفى ووفى وبيض الله وجهه..

[ابومحمد الشامري]

صح لسان عبد الله بن مجحود على القصيدة الرائعة

ويستاهل المدح الشيخ عبدالمحسن الدامر وهو على طريقه

[الغروب]

وعليكم السلام ورحمة الله وبركاته

خالد بن مجحود

اشكرك على نقل القصيدة الجزله للشاعر عبدالله بن ربيع بن عبدالله ال مجحود

ويستاهل الشيخ عبدالمحسن بن عبدالرحمن ال دامر .

[محمد آل مفرح الضاعني]

صح لسانك يا عبد الله بن مجحود على القصيدة الجزله

ويستاهل المدح الشيخ عبدالمحسن الدامر .

[الـهـادي]

يستاااااااااهل الشيخ / عبد المحسن الدامر ( أبو خالد )

صح لسانك ,,

[بندر العجمي]

قـبـلــه رحــــل راكـــــان لــديـــار الأجــنـــاب = و صــار السـفـر لـديـار الأجـنــاب سـنــه
و قـام يتوجـد مــن غـلـى بـعـد الأحـبـاب = و يـلـحــق عــلــى كــثــر الـتـوجــاد ونـــــه
و عــود عـلـى ربـعـه طويلـيـن الأشـنــاب = ربــــــــع تــــرخــــي لــلــمــلاجـــم الأعــــنـــــه
اهـــل الـبـنـادق و الجـنـابـي و الأحـــزاب = و اهــــل الــعــزاوي و الـجــمــوع الـمــرنــه



ياسلاااااااااااااااااااااااااااااااااااااااااااااا ااااااام




والله الله على ابن مجحود الناقل والشاعر وصح الله لسانكم والله لايشينكم




وانعااااااااااااام على الشيخ عبدالمحسن الدامر ويستاهل ابوخالد وكفوووو

[king الوادي king]

صح لسان الشاعر المميز والله لايهينك على النقل الطيب

ويستاهل الدامر المدح

[مسعطر]

يا مرحبا يا خالد ,,,

صح لسانك و لسان ابو ربيع ,,,
و يستاهل ابو خالد ,,
و اسمحلي عدلت التنسيق ,,

و لا تبخل علينا بقصايد ابو ربيع الزينة ,,

و ان كان عندك قصيدة في الميراج و قصيدة الجمس نطلبها منك

[حــســن الــعــذاب]

صح لسانك يا عبد الله بن مجحود على القصيدة الجزله

ويستاهل المدح الشيخ عبدالمحسن الدامر .