تـــونـــي راجع من ام رقــيـبه

[ابو عبدالله العجمي]

يا ما حلا الفنجال مع مسكه الخط


في موترن كامري في خمسه انفاار



اربع عجمان والدوسري خوينا


والبيت الاخير عيا يجيبه


مسوي شاااعر انا ووجهي


الزبده ..

السلام عليكم مسيكم الله بالخير ماجوورين وشلوونكم وشلوون صحتكم


والله يا زرقت زرقه لام رقيبه انا و3 من عوال عمي وواحد دوسري خوي ولد عمي

والله واقوولكم من البداايه الين النهاايه زي مايقوولوون


يوم الربوع السااعه ثمان كان فيه عشا عند عمي الله يطول عمره ..

تقهوينا وتعشينا وعينا من الله خير وجا ولد عمي يدق على الدوسري ينشده اذا بتخااوي وطبعا انتم تعرفوون الدواااسر الله يذكرهم بالخير صمله ما يحتااج بس يبيله خوي وموتر ..

والله ويدق عليه يقوول تخااوي يقوول وين قلنا ام رقيبه قال قدااام بس قال ترا برجع بكره عندي دواام السبت قال ولد عمي اجل خلاص كلنا بنرجع معك
وقااله لا تعشى بنجيبلك عشا هذا الكلام تقريبا ثمان ثمان ونص والله ساج منها

طبعا انا مدري عن السااالفه خير شر وتعشينا وعقبها راحوا الضيفاان

ويقول ولد عمي فاالح الي دق على الدوسري لاخيه عبدالله جهز دوشقك

قلت سلااامات بتناامون بدرري بكسر روسكم في السوني << على نيااته

قالي فاالح يا منسم برووح ام رقيبه وانت السوني روح العب لحاالك بس

هههههههههههههههههههههههههههههه حطمني هنا
قلت يا ولد عوال عمك بيروحون المزااين وانا متكي لحالي في الخرج

قلتله برووح العن ابو صداام قال امش بس جهز وحداتك


وحدات = يعني دوشق بطانيه ومخده .. اغرااضك بالعربي

والله ونحرك الريااض عشان ناخذ الدوسري من طريق الرياض القديم الي عند الرفايع

ونوقف في محطه قعدنا فيها ساعه الا ربع الله ياخذ اعمارنا تشييك زيت وعلى الهوا والي يرووح بقاله والي دورة مياه الله يكرمكم وانا قااعد استهبل مع ولد عمي فالح شبيب غير الي دق على الدوسري هذاك اسمه فالح محمد على الراايحين والجايين ......

اعرفكم على ركااب الرحله عشان ما تنلحسون

فالح محمد راعي الموتر ومنظم الرحله
فالح شبيب ولد عمي
عبدالله ولد عمي وهو اخو فالح محمد
انا محمد عبدالله مجرد خووي
وعبدالله ناايف الودعاني الدوسري والنعم فيهم والله الدوااسر

وحركنا الرياض لشقة فالح محمد ودقينا على عبدالله الدوسري تعال حنا في شقه فالح محمد

وجانا والله وما عشينااه الا السااعه وحده ههههههههههههههههههه

وقال فالح محمد العذر والسمووحه يا الدوسري قال يا رجاال اشوا اني رقدت من يوم دقيت علي

ونقرا دعاء السفر ونحرك الين ما بقا على المجمعه 100 كيلو صفطنا على جنب عيوننا راحت فيها ونرقد ذا الكلام الساااعه 2 ونص الليل

والله ونقووم الساعه سبع ونستغفر ربنا قبل الصلاة انه يقبل صلاتنا لانكم تعرفون لا ظهرت الشمس راح وقت صلاة الفجر ونصليها ونحرك
والله يوم وصلنا المجمعه افطرنا والي علينا بالخير ودوس يا خنفووس

ولا وقفنا الا ام رقيبه والله ونصفط الكاامري في قلعه وادرين الله يا خذهم
الامن والدوريات ينحشون الاوادم عن المواقف الزينه

ونزلنا من الموتر .. والله العظيم ان الموتر الي جنبنا جمس حمر موديل 48

انا ما صدقت قلت معقوله سنه 48 يصنعون سيارات صدق ولا ما تصدق حاط رقم جواله هو ويا وجهه مسوي يعني الناس بيدقون عليه

والله ونجيك مطفين النور ندور المدرجات ودق فالح محمد على اخويايه اثاريه مواعد عتبان وقالوا حنا في الكراسي الصفر قال ارفع ايدك ويرفع ايده ونشبحه ونجيك ونسلم عليهم

واحترينا العرض الين 11 ونص وراحو العتباان وعزمونا على الغدا

وجلسنا وشفنا واحد الله يشفيه يمسح الترااب ومدري وش يسوي في القااع الين الناس تجمعت عليه وكتب " انتبه معك خبل " هههههههههههههههه

يا سحب في النااس سحبه ملعونه ابو خاامس

وشفنا مجهم يا نااس مدخلينها لحالها يا هي مزيونه من طول رقبه وخشمها

الله يستر عليها بس

ورحنا من مكان العرض الين اخويانا العتباان تقهوينا عندهم وعينا من الله خير وتغدينا عندهم وجا وقت صلاة العصر وحنا ما صلينا الظهر ونجمعها

الظهر والعصر

وعقبها رحنا نتفرج على التطعيس الين المغرب وعودنا للخرج


وسلامتكم يا سناافيه

اخيكم ذيب آل شامر

[ابو عبدالله العجمي]

اتعب انا على الردوووووود

[ابونايف الوعيلي]

هههههههههههههههههههههههههههههههه الله يقطع سوالفك ياذيب ال شامر ضحكتني واانا زهقـــان ويعطيك الف عافيه على الرحله اللي عشناه معك فالمنتدى والدوسري سموه صملان لانه راعي الصملات فديت الدواسر انا
اخووك المحب ابونايف الوعيلي

[عبدالله آل عامر]

ههههههههههههههههههههههههههه

الله يقطع ابليسك ياذيب آل شامر على ذي السالفة

تحياتي لك ولاتحرمنا خواتها؛؛؛؛؛؛؛؛؛؛؛؛؛؛؛؛

[@$المري$@]

اش دعوه تعلمنا قصة حياتك

[ابو عبدالله العجمي]

ابو ناايف الله يطولي بعمرك يا جعلك دايمن تضحك قل امين .... امين



عبدالله آل عامر صديقي يا ولد عمي الله يقطع ابليسي وابليسك وابليس الي يعزوون عليك << اتعب على الدعووه

ولا هنتم على المرووور يا السناافيه

[ضيدان بن مترك]

تـــونـــي راجع من ام رقــيـبه ]]]]]]]]]]]]]]]]]]]]]]]]]]]]]]]]]]
ألأخ..ذيب ألشامر..
مشكووووووووور..علي ألسالفه ألذربه يالسنافي ألله لايهيينك
وألحمدلله علي سلامتكم.. بس ناقص لوعلمتنا من أللي فازوا بالمراكز
ألأولي كان صارت سالفه مبهره..وفقكم ألله علي كل حال وألسلام..

[ابو عبدالله العجمي]

المري يا صديقي لو انك تبي صالفه مختصره علمني ترا عااددي اعلمك


غاالب ابشرك بحط اسماء الي فاازوا في موضوع ثاني

[ضيدان بن مترك]

تـــونـــي راجع من ام رقــيـبه ]]]]]]]]]]]]]]]]]]]]]]]]]]]]]]]]]]
ألأخ..ذيب ألشامر..
مشكووووووووور..علي ألسالفه ألذربه يالسنافي ألله لايهيينك
علي كل حال موفق أنشاألله..

[ابو عبدالله العجمي]

لا هنت على المروور بس يااخي ما لقيت الا اللون السمااوي الله يعمي عين العدو

اخيكم

ذيب آل شامر