د.حمد العصيمى تفظل طال عمرك

[ابومحمد الشامري]

يا سلام سلم على المحاورة الرائعة صح لسان الشعراء الكبار الدكتور حمد العصيمي راع محل ولاني بقايل ضيف والاخ العزيز ابو سعد.

لا هنتم

["بدر العجمي"]

على سلم الرجال اهل الوفا مابه يمين يسار=هل العليا على العليا وهذى من طرايقها
يحل الحبل ويعقده حكيمنٍ يحكم الاشوار=لماره باااقيه عند اهلها محدٍ بسارقها

["بدر العجمي"]

ارررررحب يابو حمد

يسعدنا تواجدك

وترحيبك الكبير بالدكتور حمد وعزالله انك صادق هو راعى المحل بنفسه

[د . حمد العصيمي]

وصوف شعيل يا رجال ما تشبه وصوف الثار

خلقها الله سوى لكن فا الاوصاف فارقها





ما دام ان الامانه في يد المامون لا تحتار

لك الله ما تروح من يدينه عند بايقها

[د . حمد العصيمي]

ارحب يبو حمد ارحب ولي الشرف بوجودي بينكم

["بدر العجمي"]

دكتور حمد تسلم طال عمرك ولاهنت هذا الختام عندك وحنا الفجر الساعه سته االاربع

ولا كان بنطول فاللعب لاكن العوض فالجيات

والربع ماهم موجودين الشاعر الكبير ابو سعيد حبيب والشاعر الكبير فهاد العجمى
والشاعر الكبير فهد بن محسن

والربع بالصدفه غير متواجدين

ولاكن نبيك انشالله فى محاوره مباشره هنا انت وعبيدالله العرابى انشالله

لا سنحت الفرصه وانتشرف فيكم وانت منت برادنى

[د . حمد العصيمي]

الشكر لله سبحانه ان من علي بمعرفة الرجال اللي شرواك يا بدر وزادني شرفا با النتساب لمنتدى هذه القبيلة الذائعة الصيت

احفاد الفارس العظيم راكان بن حثيلين الذي به تضرب الامثال

والشكر لا بو حمد راعي الاوله وان شا الله سنتواجد هنا كل ما سنحت الفرصه

وحدد موعد مع العرابي وابش بسعدك

تحياتي لكل من مر من هنا ومن سيمر

["بدر العجمي"]

هلا يامرحبابك فى محلك وانت راعى الدار=عدد ماهلت المزنه وشعشع نـور بارقهـا
الك قدر ومكانه عندنـا ياريـس الشعـار=على جيتك كم نحسـب ثوانيهـا ودقايقهـا
يدوم الك البقا جينا لدار اهل الشرف زوار=بيارقنا نهار العز رفت مع بيارقها
ولك مقدار عندي يا بدر ما يازنه مقدار=جمع ربي قلوب الناس والدنيا
وفانا يالعصيمى يالعصيمى لرجال شعار=وعتيبه صيتها بالطيب عند الناس سابقها
بعدها والدلال الصفر يادكتور فوق النار=مع الفنجال هرجه فالعلوم اللى نعانقهـا
ونعم بكم وحنا من خوال المصطفى المختار=ولكن الذبيحه وينها عجل وعلقها
يا راع الدله ام الهيل بهر دلتك ببهار=وعجل هاتها قدام جمر النار يحرقها
ذبحنا لك قعود وخمس من صفر العيون اكبار=و اقلطهـا ليـا نجضتهـا مانـى بفاهقـهـا
بعد بانت لك اعلوم الزمان وكشف الاسـرار=حليمه صاحبـة عـاده قديمـه ميـر طلقهـا
سلف مردود فا اللي يوم جيتوا عندنا خطار=وهذي ضيفتك يا راعي الحله وغلقها
حليمة مرضعة خير البشر لا تقرب الاخطار=لكن ام الكباير والعباير ما نصدقها
انا خابر طويل العمر دايم مع اطوال اعمار=على العاده ونور الشمس يظهر يم مشرقها
انا عارفك وااافى يالعصيمى والزمن بوااار=ليا منه لقـى الاجـواد فالغفـلات يدرقهـا
نبا نمشى برى فا الدرب لين نكمل المشوار=وناصل با الكحيله مغرب الدنيا ومشرقها
انا ما همني يا بدر ذيل الثعلب المكار=اعرف الناس وادري يا بدر واعرف حقايقها
على سلم الرجال اهل الوفا مابه يمين يسار=هل العليا على العليا وهذى من طرايقهـا
يحل الحبل ويعقده حكيمنٍ يحكم الاشـوار=لماره باااقيه عند اهلهـا محـدٍ بسارقهـا
وصوف شعيل يا رجال ما تشبه وصوف الثار=خلقها الله سوى لكن فا الاوصاف فارقها
ما دام ان الامانه في يد المامون لا تحتار=لك الله ما تروح من يدينه عند بايقها

[سعود الخويطري]

بيض الله وجيهكم يالقروم



محاورة رائعه لشعراء رائعين



وبداية وأثبات تواجد من الدكتور حمد



وتقبلوا سلامي واشواقي

الخويطري

[حبيب]

اررررررررررحبوووووووووووو

صح الله السنتكم جميع

وكان بودي اني حضرت هذه المحاوره لكن كنت مسافر الخميس والجمعه

ونرحب بالدكتوور العصيمي

ونشكر ابو سعد على الدعوووه الكريمه

والعصيمي انشالله تسنح له ظروووفه ويزرنا ونتشرف بالعب معه