طاروق على حسابي يالرسام :)

[عـسـاه خـيـر]

الكونكورد

ياسلام الله سلام ٍ ريحتـه عمبـر وكـادي
من هجوس اللي يغرف امن البحر درّه ولوله
وين رسّام الملاعب كـان يسمـع للمنـادي
ودّنا ناخذ لنـا ويّـاه جولـه باثـر جولـه


الرسام


من هجوس ٍ تحتمي لك مرحبا عد الجرادي
يا صحيب ٍ فالمساري ماعرفنا لـه مقولـه
سايلك بالله يا كنكورد يا وين انـت غـادي
ليلنا سـاري وحـذرا لا تقـرب للقلولـه


الكونكورد


والبقى لو كان ترحيبك على الوجهيـن بـادي
وانت رجل ٍ خابرينه وش مدى عرضه وطوله
احسب انك مثل بنك الراجحـي والا البـلادي
واثر بنكك بنك مفلـس مالقينـا بـه سيولـه


الرسام


ما قطعت الحق فيني لا ترابح في مـزادي
ثبت السني في بيع ومشترا سنـة رسولـه
رووجوا لي علم من صوبك ويا عله وكادي
قيل لي مليون جاتك والسلف جا في حلوله



الكونكورد


الدراهم زايله ماهو يـدوم الا المبـادي
ليه يالرسّام ذالليله خطاويّـك عجولـه
دلّتك ياصاحبي فاحت ولا فيها قنـادي
الحمول يشيلها غيرك وتطلب لك عموله


الرسام


لا تحسب المزدوج خلك على حسب الاحادي
والخطاوي جيش عسكر ماسك عنان البطوله
ما تفوح الدله اللـي ذقتهـا عنـد المهـادي
لا يغرك طعمها كان المـراره مـن ميولـه



ننتظرك يا الكونكورد

صح السنتكم يا اخوان محاوره رائعه
وانا متابع*


,,

[الكونكورد]

الرسام العذر منك ومن المتابعين على التأخير


واذا ودّك تكسر الطاروق ترى احسن


لاصار مهوب مباشر ماله طراه وانت بكيفك


اخيك : المليونير

[الرسام]

مرحبا بك

كنكورد المليونير




ومعذور وطراة الشي على حله


انت صادق وننطر حساب جديد

احترامي للجميع

[مهرة النسيان]

الله لا يهينكم ياشعار ..

وبانتظار طاروق ااخر ..

[الفرس]

الله لايهينكم ..



وفي الانتظار..

[نسل الطويل]

صح الله السنتكم على ذا الطاااروق ولا هنتوو


وانا كنت فصف الكونكورد بدون قصور فالرسام بس محد عرفني