قصيدة ابن شلحاط في مزاين ال عرجا

[تركي بن ناصر]

هاذي قصيدة الشاعر /مانع بن شلحاط في مزاين قبيلة ال عرجا
وارجو ان تنال على اعجابكم
تناوشوها
7
7

يامسا الخير والخيرات قبل الكلام=ارحبو في ضيافة كل منهو عزم
دامني حي وارزق ياشواعير يام=غردو مثل مأنتم وأروعو للعلم
انتم اطيب دول في حرب والا. سلام=لكن العلم يرجع صوب هيئة الامم
عمي(المكرمي)الأعلى وهبني وسام=وابن حثلين رشحني مكانه وإسم
و(ابن منيف)المسمى و(ابو ساق)الهمام=قالو:اقلط قدم فوق المنصه قدم
و(المرضف)عطاني من مقامه مقام=و(ابن نصيب)اعتلا بي فوق روس القمم
قلت:ياعم يا(المهان)قال:اقتسام=اخذ حقك و(علي بلال)ياخذ قسم
و(ابن عايض) يقدمني بمنزل الامام=و(ابن صمعان)قال:اقلط ولالك خصم
و(ابن مجحود) قلطني بكل المهام=و(ابن قضعان)لبسني بكفه معم
دام ذولا شهودي والمزكين يام=صفقو ياجماهيري وقولو:نعم
وبعدها اهدي سلامن مايشابه سلام=عنده لكل من باداه حبة خشم
دام(ضيدان ابن مترك) عزمني شمام=قلت :تامر يابو سلمان وامرك حكم
لو عرفتوه وقفتو وقوف احترام=ابن منهو خذا فأيام فيصل سهم
واشكر جهود منهم شاركو بأهتمام=في (مزاين) هل الطولات واهل الهمم
(ال . عرجا ) هل الوقفات ترثة هشام=والنعم ... ياصلاح ... وياقنيبر نعم
وحي من يرخصون المال عند الجهام=وشهو المال لامن صار مابه كرم
(ابن وقته) حسن في كل وقته حزام=الله ياما وياما والشهاده قسم
يشهدون ال . عرجا بالعلوم القدام=واما انا اشهد عن ابناء الي يسمى (العجم)
و(ابو جعشه) محمد كنه ذروة سنام=اطيب اسماه ((حاضر .. وابو حاضر وتم))
لــ . تعزوا بــ (مخفق) فأحتزم بالحشام=جوك (خيالة السمرا)ارجال الشيم
و(ابن نوضا) انتحاري في لزوم الكرام=لاعتزى ((بأبن عارج)) نال موقع قدم
كفو والله كفو يامعيض يوم الزحام=كم مضالك من الطولات ياكم وكم
و(ابن سعران) غير المدح ماله مرام=جانبه جود وكفوفه ادلال وشحم
رجل دينن ودنيا والفعايل اجسام=(مرعبي) الغرايز بين طبع ودم
نعلن الطيب .... لن غط الشهاده حرام=ما أيغط المكارم كود هافي ذمم
والجوايز لنا منا وفينا إتسام=من كسب ماندم والي خسر ماندم
واحترامي لكم في المبتدا والختام=تسمع الجامعه قرار هيئة الامم

المكرمي: شيخ المكارمه بنجران
ابن حثلين:زعيم قبيلة العجمان
ابن منيف:شيخ جشم
ابو ساق:شيخ ال فاطمه
المرظف: زعيم قبيلة ال مره
ابن نصيب:شيخ مواجد من يام
المهان:شيخ ال فطيح من يام
ابن عايض:شيخ الفهاد من يام
ابن صمعان: شيخ ال رشيد من يام
ابن مجحود:شيخ ال عرجا
ابن قضعان: شيخ ال قنيبر من ال عرجا

[المـــلك]

صح لسان ابن شلحاط
وعز الله انه قصد
ويستاهلون العرجا
تحياتي

[المـــلك]

صح لسان ابي
ويستاهلون العرجا كل خير
وتسلم يمينك على النقله
تحياتي
الملكـ

[ابو عبدالله العجمي]

صح لسان ابن شلحااط ويتسااهلوون عوال عمنا ال عرجا والنعم فيهم صبيان يااام


تحيتي

ابو عبدالله العجمي

[سعود الخويطري]

صح لسان مانع ابن شلحااط



وعزالله انه مبدع ويسد اللزووم



ويستاهلون خيالة السمراء ( ال عرجاء ) ونعم فيهم وفـ يام كافة ,,,

[أبعاد]

لاهنت يابو ناصر...ولاهان ابن شلحاط...وصح الله لسانك ولسانه الف مليون....*

عز الله انها قصيده جزله ومن راس جزل.ويستاهلون ال عرجا ويام كافه ..*

..أبعاد..*

[حـــوران]

صح لسان مانع ابن شلحاط مليوووون

ويستاهلون آل عرجاء وجيه هشــام ..

وقصيدة وافيه وجزله وماتطلع الا من الشعراء الكبار .. ومانع منهم

تركي بن ناصر

لاهنت على النقل الطيب وبيض الله وجهك

[ابومحمد الشامري]

صح لسان ابو محمد على القصيدة الرائعة ويستاهلون ال عرجا

[عبدالله آل عامر]

صح لسان الشاعر مانع بن شلحاط ويستاهلون صبيان آل العرجاء

لاهنت يابن ناصر؛؛؛؛؛؛؛؛؛؛؛؛؛؛

[فريج المرر]

صح لسان ابن شلحاط ..

لاهنت على النقل الطيب