وين آحآإآسيس آلبنآإآإت ]~‎

[ناثرة الورد]

[ناثرة الورد]

ماقول الا

يــآإآرب خل لنـا البنــات ]~

ممكن اعشق وبـ مزاجي
وممكن اخون بـ مزاجي
وكل شي بالدنيا ممكن

يا زمان اهل المزاج ..

ما بقى ومضة امل ...؟!
ما بقى حبة علاج...؟!
ما بقى كلمة غلا ...؟!
وين عذبات المشاعر ...؟!
وين احاسيس البنات ...؟!

وين " احبك " اللي تسبقها دمــوووع ~
وحشرجة بين الظلوع
وبلع ريق ...؟!
وما اطيق
واللي يعقبها سهر
وليلها طوله دهر...!!
وتاليتها ينتهي كل [ الغلا ]~

والله يا انه قهر
" كلها ماتت جميع مابقى منها شعرة ...؟! "

وين ذاك الوجد ... والحب العفيف ...؟!
ضــآآآآآآع كله ...؟!
يا عسى ربي يعوضه
صار حب اليوم " موضة "
وصار نزوة
وصار تقليد ~
بعد ماكان الهوى يحسب حسابه

انقلب ]]
" من مصخرة في مصخرة ...!! "

وهذا هو حال الرجال "
كلهم نفس الحكاية ... والرواية ... والموديل
حب كشخة
وحُب يعنني [[ احــب ]]
وآخرتها ..
" كم يوم وبكرة نلقى غيرها ...!! "

ليش يعني ... هي من تكون ...؟!
آخرتها بس حي الله بنية
عقب ماكانت غلاآآهـ
وحلم عمر
وآخر آمآله
وكان يسهر ليل
ويبكي ليل

وكان يهذي ويحلف انها " اغلى البشر "
وان غلاها يبقى في قلبه الى يوم الحشر
وفجأة يصحى ويكتشف ما فيه حُب
بس نزوة وانتهت ...!!
وما صار شي

يكفي انه قد تسلى فيها ايــــآآم ومضت
ومات ذاك الحب
راح وين ...؟!
" راح المقبرة "

ليش مات الحب بقلوب البنات ؟!
ليش ذاب الصدق بقلوب الرجال ؟!

ليش انا قبل الزواج كنت اناديها " الغلا "
وكنت اناديها " الغرام "
و " بعد أُمي وابوي "
و " ضحكتي ... وابتساماتي ... وبلسم جرحي المفتوح وجروحي "

وعقب ما ربي جمعنا ...~
واجتمعنا
وصرنا أُسرة
وصرت انا واياها جميع
نصحى وننام
ونشرب بكاس الغرام
ويوم اناديها تجيني ما تأخر
وتقول " ســم ...! "
و " لبي قلبك يا بعد قلبي انا "

صرت اناديها عقب ذاك الغلا
" هيه... وينك يامره ...؟!"

ليش انا قبل الزواج كنت اكلمها
واسولف
واقضى ساعات وزمان
واحتريها
وحتى لو تأخرت ... او اخلفت ميعادها
ما ازعل عليها

لاآآآآ

ولا حتى اعاتبها شوي
وكنت اشوف عيوبها بعيني جمال
ونقصها بعيوني هو معنى الكمال

ويوم صرنا مع بعضنا
لو حكت لي كلمتين
او سولفت ... او مازحتني وضحكت
قلت : كافي ... بس ... ما ابي قلة ادب
" واعتقد يكفي كلام وبربرة ...!! "

يااااااااااااااااااااااهـ !!
بعد ماكان الحكي بشفاهها ينقط عسل
صار بتاليها حكي...؟!
لآآآ
وليته حكي ...
صار اسمه " بربرة ... أو ثرثرة ...!! "

ليش اراضيها منوّل يوم تزعل
وما آتحمل بس لو لحظة زعل
وكنت ادللها
واموت بضحكها
واقول " آسف يا غلاي "
واكتب [ اجمل بيت شعر ] لعينها لين ترضى

وعقب ما ربي جمعنا

من تزاعلني اقول لها
" في بليس ... طقي راسك بالجدار أنتي حي الله بقرة ...!! "

وربي احنا صدق [[ مرضى عشق ]]
واشواق
ومشاعر
وعشقنا من دحدرة في دحدرة
ماعرفنا وش معنى البنت ~
ولا عرفنا قدرها
ولا وفاها بصدرها
وما حكينا عن غلاها
ولا صفاها
ولا هواها
ولا دفاها

بس نتكلم على
ثرثرتها
وبربرتها
وحكيها السامج

ما نخاف الله يعاقبنا وهي
عطر دنيانا وهوانا ~
بدونها تظلم سمانا ... بدرنا في خدها ~
وصبحنا في قدها ~
وشمسنا بكفوفها ~
وربي وردة ... يا سعد من شمها ~
وغيمةٍ تمطر حنان ... والحلا في دمها ~
وشكل بسمتها جنان ... والكرز في فمها ~
وبن عمتها المطر ... وغيمة الشوق أُمها ~
و ولد خالتها الربيع ... والزهر هو عمها ~
وخصرها دنيا لحاله ... حظ صدرٍ ضمها ~
وريقها نكهة عسل ... والعطر في كمها ~

وشهي الدنيا اذا مابه بنات ...؟!

رجال ماتضحك ابد !
وصحراء مافيها ربيع !
وعيون كاسيها الوجل !
و وجيه ما فيها امان !
وطفل يبكي !
وشيخ يشكي !
ودنيا مافيها رفيق !
وصحبة ما فيها وفاء !
وقلوب ما فيها حنان !
وما احدٍ يرحم احد !

برحمتك يارب ... " خل لنا البنات "
بضحكهم
وهبالهم
وخبالهم
ودموعهم
وشموعهم
ويا حلو تدليعهم
ويا حلو تدليلهم

رحمتك يارب ... " خل لنا البنات "

×××

مآ آقـ‘ـول آلآ
جعله ساالم من كتبه ..

آآآآآآآميـــــــــــــــــــــــــن

[البندري القحطاني]

انا اشهد .. بوحه حلو و احساسه راااقي ..

البنات زينه الحياة..

بس ماعجبتني هآآذي ((من تزاعلني اقول لها
" في بليس ... طقي راسك بالجدار أنتي حي الله بقرة ...!! "))

اكسر كسره موطبيعيه بالأحساس .!

[ِِِAL 3ajmiah]

برحمتك يارب ... " خل لنا البنات "
بضحكهم
وهبالهم
وخبالهم
ودموعهم
وشموعهم
ويا حلو تدليعهم
ويا حلو تدليلهم

آآآآآآآمين

إي والله عسااه ساالم وصح لسانه ولسانك

ولا هنتي ع النقل الذووق ..

تسلمين يالغلا ~

[هادي بن فهاد]

الله الله بس انا اقول الله يستر من البنات هههههههههه تقبلي مروري

[shmoo5_ al_ajmy]

ناثره الورد

تسلمين يالغلا علي النقل والبنات زينه الحياه

[ناثرة الورد]

~ البنـدري القحطـاني ~

مشاركه اولى سعدت بها كثيرا وبما تحمل من كلمات رائعه ...

تقديري ..,

[ناثرة الورد]

~ العجميـهـ ~

اللهــم اميــن

مــروركـِ .. لا استغــرب .. روعتـــهـ ...

اتمني .. ان .. يكــون .. هــذا .. الموضوع .. راق .. لكـِ ..

[ناثرة الورد]

~هــادى بـن فهـاد ~

ههههه الغيـرهـ بلشت لاتزعل بكتـب موضوع عن احاسيسكم

هــلا .. فيكــ

الف .. شكر .. لكـ .. علي .. هذا .. المرور .. الرائع ..

[ناثرة الورد]

~ بنت المشاعـر كلن لها شـاعـر ~

واضـم صـوتي لصـوتكـ فعلا احنا زينـهـ الحيـاهـ ^_^

آشكر تواجدكـِ الدائم ومتابعتكـِ شرف لي


سلمتي ياقلبي ..,