مجالس العجمان الرسمي

العودة   مجالس العجمان الرسمي > ~*¤ô ws ô¤*~المجالس الأدبية~*¤ô ws ô¤*~ > " غَـــــيــــــــوم مــــاطِــــــــرة "

" غَـــــيــــــــوم مــــاطِــــــــرة " هذه مساحة بيضاء خاصة فقط بشعراء و كتاب المجالس و يمنع النقل و ردود الأعضاء

رد
 
أدوات الموضوع طرق مشاهدة الموضوع
  #1  
قديم 04-11-2008, 10:27 PM
محمد المجول محمد المجول غير متصل
 
تاريخ التسجيل: Mar 2006
المشاركات: 228
معدل تقييم المستوى: 19
محمد المجول is on a distinguished road
&&.... حــــروفــــي الـــمـــتـــنـــ ثــره ــــآ ....&&

السلام عليكم ورحمة الله وبركاته

إخواني وإخواتي أعضاء وإدارة مجالس قبيلة العجمان


يشرفني أن أضع بين يديكم في هذه الصفحه الكريمه

حروفي المتناثره

متمنياً أن تحوز على القليل القليل من الإعجاب الذي يشرفني

غاية الشرف

هنا سوف تكون حروف أخوكم محمد المجول بين أيديكم

عساها أن ترتقي إلى ذائقتكم الرفيعه التي هي جل إهتمامي

تقبلوني بينكم أخ وصديق

أخيكم: محمد المجول العجمي

رد مع اقتباس
  #2  
قديم 05-11-2008, 09:14 AM
محمد المجول محمد المجول غير متصل
 
تاريخ التسجيل: Mar 2006
المشاركات: 228
معدل تقييم المستوى: 19
محمد المجول is on a distinguished road
رد: &&.... حــــروفــــي الـــمـــتـــنـــ ثــره ــــآ ....&&


قالت لي اليوم العيد الحب ياروحي=نسيت وإلا غلب ضيقك على فوادك
قلت العفو صادق الأحساس في بوحي=العيد والله هو يوم عيد ميلادك!
رد مع اقتباس
  #3  
قديم 05-11-2008, 09:25 AM
محمد المجول محمد المجول غير متصل
 
تاريخ التسجيل: Mar 2006
المشاركات: 228
معدل تقييم المستوى: 19
محمد المجول is on a distinguished road
رد: &&.... حــــروفــــي الـــمـــتـــنـــ ثــره ــــآ ....&&


حالت الأنسان صعبه من هجيرك=لابديته خوف في وسط الضماير.
نسمتك تسلب فؤادي مع عبيرك=لاذرفتك كيف تكتبك العباير.
الجمال إللي إنتهابك يستجيرك=يطلبك فرحة حياته والبشاير.
نفحتك تطغى على نسمه غديرك=والزهر يغار من عطرك وحاير.
إملك القلب الشقي خله أسيرك=والعيون تنادي لك والجرح غاير.
دلني كيف الوصال إللي يثيرك؟=قول لي مفتاح قلبك وين صاير؟
ببتديبك ثم عطني كل خيرك=وأبشر بقلب(ن)لدربك معك ساير.
راحتي قربك...حياتي تستنيرك=والخفوق إللي لجالك فيك طاير.
أشهد إني في حياتي شفت غيرك=لكن أنته غير تعشقك النظاير.
لا عطيتك شوق عطني زمهريرك=لابديتك حرب سلمني الخساير.
شوفني عاشق غديرك من هديرك=ماني اللي لاعشقتك صرت زاير.
لن قلبي لاعشق ماحب غيرك=والله إني لسكنك وسط الضماير.
قول مجنونك هوى قسوة هجيرك=لاذرفته كيف تكتبك العباير.
لاشكيت المال لكني فقيرك=ولاتخطيت المصايب والكباير.
جيت بأشواق وغلا أطلب سعيرك=ورحت أحبك وأعشقك والشوق ثاير.
رد مع اقتباس
  #4  
قديم 05-11-2008, 09:47 AM
محمد المجول محمد المجول غير متصل
 
تاريخ التسجيل: Mar 2006
المشاركات: 228
معدل تقييم المستوى: 19
محمد المجول is on a distinguished road
رد: &&.... حــــروفــــي الـــمـــتـــنـــ ثــره ــــآ ....&&


بين الرسايل قريت أسمك ومكتوبك=قلتي أحبك وأنا شفقان لشفاتك.
ماتدري إن الغلا من صوبي وصوبك؟=لوفاتني يوم.. هذا اليوم... مافاتك.
آمر تدلل ياماي عيون محبوبك=خلني أسيرك .. فقيرك.. قصة إسكاتك.
أبشر وأنا لو يتوب الشوق ماتوبك=أموت وأعيش همي ضحكة إرضاتك.
قولي محمد؟ وأقول عيون محبوبك=أبيع عمري فدا لشواق نظراتك
رد مع اقتباس
  #5  
قديم 05-11-2008, 09:55 AM
محمد المجول محمد المجول غير متصل
 
تاريخ التسجيل: Mar 2006
المشاركات: 228
معدل تقييم المستوى: 19
محمد المجول is on a distinguished road
رد: &&.... حــــروفــــي الـــمـــتـــنـــ ثــره ــــآ ....&&


نطرت ونلته..( ثمرة الشوق كله)=وأصبح خفوقي بين عينه وقلبه
يعني أنا المجنون في وصل خله=أعشق خياله وأرتجي منه حبه
لاغاب عني صرت أناجي محله=بس أتنطر شوف وجهه وقربه
لبيه..سم.. وتآمر القلب كله=ماتدري إن حبك في قلبي مصبه؟
تدري...؟ لاتدري... خل قلبك يدله=وأنا علي أحيا وأموتك محبه!


التعديل الأخير تم بواسطة : محمد المجول بتاريخ 05-11-2008 الساعة 11:14 AM.
رد مع اقتباس
  #6  
قديم 06-11-2008, 07:34 AM
محمد المجول محمد المجول غير متصل
 
تاريخ التسجيل: Mar 2006
المشاركات: 228
معدل تقييم المستوى: 19
محمد المجول is on a distinguished road
رد: &&.... حــــروفــــي الـــمـــتـــنـــ ثــره ــــآ ....&&

الإنتظار...!

يالهذه الكلمه كم هي ثقيلة ... مؤلمه ... صعبه ... قاتله ...

فالثواني كأنها ليالي قاتمه... صامته ... مخيفه

والدقائق كأنها ... دهورٍ ... من الزمن ... يموت فيه كل شي

ولا ترى لبوادر الغيوم المصاحبه لشمسٍ دافئه يملأها المطر

الذي يحي الأرض بوجود حنان ودفئ هذه الشمس المشرقه

المليئه بالأمل ... والسعاده

السعاده...!!

أين هي ...

بل

أين أنت ...!!

مللت الإنتظار ... في هذه الحياه القاتمه

التي لا لون ولاطعم لها...

تمنيتك

ومنيت النفس ببزوغ فجرك
.
.
.
صبحك
.
.
.
دفئك
.
.
.
حنانك
.
.
.
..



منيت نفس العاشق بريح كمك=وأبطيت ماجيت الحنايا فديتك.
أحلفك بالخالق اللي أتمك=ليتك تجي وتشوف مسكنك ليتك.
لاياعديل الروح من وين ألمك=وردن تبعثر داخلي ماجنيتك.
يسرح بي الهاجس على نور رسمك=والقاف يطرب لاغدى البيت بيتك.
كنك معي وأيام عمري تضمك=كني...ولاأدري ...سقت روحي وجيتك.
أنا معك برضاك ضحكك وهمك=شريتني حب ووفا وإشتريتك.
على كفوف الشوق بزيح غمك=وأقدم أيمان الغلا لا رأيتك.
الموت ماهو موت قوسك وسهمك=الموت لامن صرت حي وبكيتك.
فرحة حياتي وأسعد العمر يمك=لاياعساني للعدم لو نسيتك.
ياساكنن فيني بكيفك وكمك=لبنه على لبنه في قلبي بنيتك.
تعال شوف القلب وشلون ضمك=حي(ن)إيلا جيته وإيلا رحت ميتك.
رد مع اقتباس
  #7  
قديم 07-11-2008, 03:51 PM
محمد المجول محمد المجول غير متصل
 
تاريخ التسجيل: Mar 2006
المشاركات: 228
معدل تقييم المستوى: 19
محمد المجول is on a distinguished road
رد: &&.... حــــروفــــي الـــمـــتـــنـــ ثــره ــــآ ....&&


جيته أبي دين ورحت اسدد ديونه=جيته وأنا مبتلش وأقفيت وأبلشته.
غرو/ن رهيّف كسرت القلب من دونه=غصن/ن ليان/ن يميل... ولا تمايلته.
بالله ياقمرة العشاق وشلونه؟
بخير..؟
.
.
.
ملتاع..؟
.
.
.

طيب..؟
.
.
.
هام..؟
.
.
.

وأشغلته؟
.
.
.
مرتاح..؟
.
.
.
حب ونساني..؟
.
.
.
صرت مفتونه..؟
.
.
.
ولهان..؟
.
.
.
ضميان..؟
.
.
.
كارهني وعذبته..؟
الأسئله ياكثرها براس مجنونه!=والأجوبه مالها رد/ن على أسئلته..!
ياما عزمت ولجمت القلب...بخونه!!=ياكيف أبقدر وأنا مأسور مملكته.
خايف أضم اليدين...وتزعل متونه...!=خايف أبوس الجبين...وتشره أوردته..!
لاجيت أخونه..يجيني يعزف لحونه=ولاجيت أصونه.. تركني جور .. وأهملته!
وأرجع على القمره أسأل عنْه وأصونه=من حقه الكون كونه...والبهى تحته.
شعره..جبينه ..رموشه..ناعس عيونه=طوله..وعوده..وصدره..ضيق خاصرته.
صغر الشفايف..هدبْه..وضحكته..كونه=ياكثر بعضه...وبعضه ماتكاثرته.
إيلا أقبلت..جابت الرعاد ومزونه=وإيلا أدبرت..لجله الكايد تصاغرته.
يمشي دلع واثق الخطوه على هونه.=سطوة جمال/ن طغى فالناس وأتركته.
من لامني لاتركت القلب مرهونه=يبليه ربي في شي/ن هالني شفته.
هذا إختصار إلكلام/ن فاض مكنونه=الكون رسمه وحلو الوقت هو وقته.
جيته ابي دين..ورحت أسدد ديونه=هو مبلش/ن خافقي...لكني أبلشته!!
رد مع اقتباس
رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طرق مشاهدة الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع إلى

المواضيع المتشابهه
الموضوع كاتب الموضوع المنتدى مشاركات آخر مشاركة
بنـ ـ ـ ـ ـ ـ ـ ــت الأصيـ ـ ـ ـ ـ ـ ـ ــــل ... عبداللطيف أبوظهير العنزي مجلس الشعر النبطي 17 23-11-2008 01:37 PM
===>>>][لـــ ك ــــل الآعـــ ض ـــاء][<<<=== طبعي عنيد المجلس العــــــام 9 07-07-2008 07:25 AM
عالــــــ قططـ ــــم ... الملكة مجلس الصور والفيديو والغرائب 14 30-08-2007 04:48 PM

 


الوقت في المنتدى حسب توقيت جرينتش +3 الساعة الآن 06:15 PM .


مجالس العجمان الرسمي

تصميم شركة سبيس زوون للأستضافة و التصميم و حلول الويب و دعم المواقع