سوااالف وخيــــر .. !!!

[محمد الشامري]

السلام عليكم ورحمة الله وبركاته

مسيكم بالخير يالربع

الموضوع هذا عباره عن مساحه خاليه للسوالف ..
اللي عنده سالفه اي سالفه كانت (( مضحكه .. عاديه .. غريبه .. مخيفه ))

يذكرها لنا ..

ويصير ذا الموضوع مثل المجلس اللي تدور فيه السوالف الزينه ..
ونبي تفاعل من الاعضاء مع اي عضو يذكر سالفه لنا وياليت الجميع يشارك معنا .. وناخذ منكم السوالف الزينه ..


وانا بكون أول البادئين ..


هاذي طالة اعماركم جميع سالفه صارت لي قبل سنتين تقريبا او اقل بشوي كان اول يوم العيد في الليل .. آآخر الليل
كنت انا واخواني اثنين عبدالله اكبر مني وحزام اصغر مني .. (( يعني انا اخيهم الابيض المتوسط )) ..
المهم كنا رايحين للوادي .. وكانت الساعه تقريبا وحده او ثنتين في الليل ويوم تعدينا ملف ام ربيعه (( هجره في الوادي )) تعديناها بـ خمسه كيلو تقريبا..لقينا سيارتين واقفين على جانب الخط وسياره ثالثه مسويه حادث .. الحادث بسيط السياره داخله في البر شوي .. يعني نزل من الخط ودخل البر ورقى له نصلتن صغير (( نصله = طعس صغير جدا )) ..

المهم وقفنا حنا .. ونزلنا لقينا السيارتين .. سياره فيها اثنين شباب والسياره الثانيه فيها رجال كبير شوي مطوع .. اما السياره اللي مسويه الحادث فيها رجال ومرأه.. الرجال منسدح على فرشه والمرأه قاعده عند راسه ..
جينا وسألنا الشباب والمطوع .. وش السالفه ؟؟ قالوا ماندري نسأل الرجال مايرد علينا ماندري هو طيب والا لا .. والمرأه قاعده بس انها ماتتلكم ولا ترد علينا حتى ..
في اللحظه هاذي قالوا الشباب الثنين حنا عجلين وبنمشي .. وراحوا
دقينا حنا على الشرطه قالوا بنجي ذلحين .. المهم قعدنا نسأل المرأه زوجش طيب ؟؟ انتي طيبه ؟؟ فيكم شي ؟؟ وشلون صار الحادث ؟؟ والله يالربع انها ماردت علينا ولا بحرف واحد والرجال نفس الشيء .. الرجال ماغير ماسك في يده تريك (( بجلي .. ليت صغير )) ويوجهه في وجيهنا بس ولايتكلم ولايرد ..
حنا قلنا اكيد انهم منصدمين من الحادث والا شيء..
المهم .. الشرطه ابطوا علينا جدا .. وكلمهم عبدالله يقولون حنا ماندري وين محلكم .. قال عبدالله انا جايكم ذلحين .. وركب السياره وراح ..
بقى من ؟؟؟ انا وحزام والمطوع .. واقفين عندهم بس بعيد كم متر كذا
شوي ماخذينا الا يوم صاحت المرأه .. صيحه وحده قصيره بس بصوت عالي . التفتنا عليها وجيناها نجري وش صاير وش قومش ؟؟ .. ماردت علينا ..
والمرأه شكلها يخوف قسم بالله مهوب باين منها ولا شيء لا ايدينها ولاعيونها ولا شيء ولاشيء ..
المهم .. المطوع قال انا عجل ووراي دوام مدري وين بعيد وبروح عشان يمديني الحق ..
وراح وخلانا ؟؟ !!!

قسم بالله بلا انا وحزام واقفين في الخط كذا مع ذا الحادث الغريب ..
المهم.. شوي قام الرجال اللي كان منسدح ولايرد علينا ولايتحرك .. قام قعد وحفر في القاع وحط شيء ودفنه وعود وانسدح مثل ماكان ..
شوي جا عبدالله والشرطه .. ومعهم الاسعاف
يكلمووونهم يحركوونهم يحاولووون فيهم ... لابدن ولاحركه وولاكلمه والله ان الاسعاف يشيلون الرجال كنه ميت .. وهو قبل شوي قام وقعد ودفن شيء !!!
المهم يوم راحت الاسعاف وفيها الرجال والمرأه قعدنا حنا مع الشرطه وعلمناهم باللي صار .. وقعدنا ندور في مكانهم ولا لقينا شيء ..
ويوم برقنا في سيارتهم لقينا كل بيبان السياره مفتوحه !! وحاطين لهم فرشه في القاع !! وعندهم عصير ومكسرات ومدري ويش !!

واحد مسوي حادث بيقعد ينزل فرشته ويقعد يشرب عصير ويأكل مكسرات ؟؟!!!


المهم ان حنا والشرطه ماقدرنا نوصل لتحليل مناسب .. والحادث ذا لين اليوم عجزت الاقيله تحليل او عذر للي صار ... انتوا عندكم ؟؟؟

[أغراب]

أولا مرحبا والله بالموضوع والفكره الطيبه وراعيها...
والطيب ما يجي منه الا كل طيب ..ويعطيك العافيه يالسنافي...

وثانيا انا عندي حل وتفسير للي صار وهو أن الجماعه الي عينتوهم " سكن " يعني " جني وجنيه " مهب أنس .. هههههه الله يكفينا شرهم "اقرى المعوذتين يلي تقرى القصه...

وبالنسبه للسوالف الزينه والشينه فهي واجده عندي لكن ما نبي هنا الا كل علمن طيب...

كنت مره أشرح لأطفال صغار قصة أرنب وأسد وفاره ... ولما جيت أخر القصه قلت لهم قام الأسد وأكل الفاره وماتت والموت حق ..لكن الأسد كلها وقدها كبيره والموت حق على الكبار والصغار ...

أثر واحد من الأطفال كان ذكي جدا .. لما سمعني قلت الموت حق على الكبار والصغار ..علق على ذا الجمله ...

وقال يا أغراب انا اليوم كنت فرحان لما علمتينا القصه ...ولكني ذلحين حزين ..

قلت ليه فديت كبدك وليه زعلان ..قال لانش قلتي الأسد كل الفاره وقدها كبيره خلاص... قمت قلت في داخلي الحمد لله الموت ما راح يجيني الا وقدني كبير جدا مثل الفاره يعني ما يجيني وانا صغير....

ولكني حزنت وزعلت لانش لما انهيتي القصه قلتي الموت حق على الكبار والصغار ... وخفت قلت يمكن اموت وانا صغير ...

اقسم بالله الذي لا اله الا هو اني انسدحت ضحك واعجبت بشكل كبير بتفكيره وذكاءه .... مع ان نفسيتي تعبانه جدا لما قلت لهم القصه ....

يلا قولوا ما شاء الله على الولد وخمسه وخميسه ...

ولنا عوووودات ....

[محمد الشامري]

ارحبي يا اغراب

ولاهنتي وجعل يطول عمرش

ماشاء الله عليه ذا البزر

وانتي جبتي العيد فيه ههههههههه روعتيه

تقولين لبزر الموت حق على الكبير والصغير ههههههههههههههههه

لاهنتي على ذا المشاركه الزينه

وجعلش تسلمين

[بدر العرجاني]

أرحب يا الهشامي وعز الله فكرة طيبة

بالنسبة لقصتك أمرها غريب

وانا كان ما نيب غلطان فاللي لقيتم قطاعين طرق وأشك إن المرأة إنها تكون رجال مو مرة

بس الحادث فيه ملابسات وأنا أتوقع لو دورتوا زين كان بتعينون الشيء اللي دفن الرجال ويمكن كان يوصلكم إلى حل اللغز

أما بالنسبة للسالفة المضحكة

كنت مرة أنا وواحد من الجماعة قبل سنتين رايحين نراجع في جامعة الإمام محمد بن سعود الإسلامية في الرياض

وكان ذا اللي من الجماعة أكبر مني بكثير

المهم كنا جالسين عند دكتور ورئيس قسم في نفس الوقت

وكان اللي من الجماعة يشيل الأوراق اللي حنا نراجع بها

المهم يوم أنتهينا من موضوعنا مع الدكتور قمنا عشان نطلع من المكتب عاد أنا من قرادة الحظ مديت إيدي على رفيقي عشان أشيل الأوراق منه (ذا الكلام وحنا ما زلنا واقفين عند طاولة الشيخ) المهم ما لكم من طويلة يوم مديت إيدي آخذ الأوراق

فيقوم رفيقي ويختبص ما درى وش السالفة ويقوم يمد إيده على ويسلم علي وقال بصوت رفيع : وعليكم السلام

أنا ما عاد قدرت أمسك نفسي ، شوي وبنفجر حتى الدكتور قام يتبسم

آخر شيء طلعنا وحنا كل واحد ماسك عمرة ويوم جينا عند السكرتير ونبخها ضحك

وكل ناقد على عمره ورفيقي يقول لي أنت الملقوف وينك رايح تمد إيدك وأنا أقوله والله بعد ما أنت بصاحي.....

وسلامتكم

[محمد الشامري]

هههههههههههههههههههههههههههه

جايين مع بعض ويوم قيدكم طالعين اتسالمون ههههههههههههههههههههههههههههههه


الله لايهينك يابدر على ذا المشاركه الحلوووه

سالفه شيء والله هههههههههههههه

وبالنسبه للحادث اللي جيناه .. دورنا زين وبقطنا غير ماعينا شيء ماندري وش سالفتهم لـ ذلحين


لاهنت على مرورك يابدر وجعلك تسلم

ياولي العهد تسلم مقاليد الحكم انا بروح للكويت على رأس بعثة ملكيه
وبعود في نفس اليووم

يالله مع السلامه

[ملكعه بس غير]

الله لايهينك يامحيميد والله خووووووووووووش فكرره
وتروح وترجع بالسلامه انشاءالله
وسالفتك والله عجزت القى لها تفسير << الولد له سنتين يقلبها براسه ولالقى حل يعني انتي بتلقين

اما انا بقول سالفه يوم عمري 11 سنه تقريبا
كان في براحتنا كلب الله يعزكم ويجي ذاك اليوم ويتخبى عند جيراننا
واروح انا واخي له ويقعد اخي على الدكه وانا من زود الشجاعه رايحه للكلب لاتسألوني وش ابي فيه لاني مدري وش موديني له
واقعد اطلطل عليه من قريب وهو رابض في محله
واقفي عنه برجع البيت واخي قدامي بالدكه
قام صاح قال جاش الكلب جاش
واقوم انا وواركض ومختلعه
يوم شافني اخي ضحك قال اكذب عليش
وامشي شوي شوي ويصيح علي مره ثانيه جاش جاش بس هالمره على مين تلعبها ماالتفت وراي ولاصدقته
ولاوعيت الا اخي طاق يركض يوم التفت الا الكلب منفلت جايني
وادعس مليووون وغبرتي وراي
ومن الخلعه مالفيت حول الدكه الا شقحت سور الدكه الا انا فيها واشقح السور الثاني واطلع منها << يطري عليكم سباق الحواجز والله هههههههه
ولاردني ولاوقفني الا باب صالتنا
والحمدلله على سلامتي :D
ولي عوده بسوالف اخرى
< بتملون من زولها هنا الله يعينكم

[بدر العرجاني]

تروح وترجع بالسلامة يا ملك

ومقاليد الحكم تحت السيطرة

[يوران]

<< هذا العضو منسدح من الضحك هههههههههههههههههههههه

اما بدر وملكعه طالعين صعايده :D

لومنك يابدر جيته وقلت خشمك عشان ماتنفشلون ههههههههههههههه

محميد

دلني على المكان اللي دفن فيها الرجال

تراني بطلع لكم الاسرار في هذا الجريمه

ترااااااام

<< كونان خانوم هع

ولي باك جديد

[بدر العرجاني]

حنا صعايدة يا يوران

أجل كديه

بروح للغفر وأبشكي عليك

[نبض العجمان]

المشاركة الأصلية كتبت بواسطة محمد الشامري

[color=#0000FF]المهم.. شوي قام الرجال اللي كان منسدح ولايرد علينا ولايتحرك .. قام قعد وحفر في القاع وحط شيء ودفنه وعود وانسدح مثل ماكان ..

عساك سالم محمد

سالفتك ذي والله انها غريبه وتقول الرجال حفر في القاع ودفنه له شي

وكااد انهم سكون

دام سالفتك صايره في الوادي ونفس الوقت غريبه أعررف ان الدعوه كلها جن

ولا بعد ماقصرت انت تقول كنا رايحين للوادي .. وكانت الساعه تقريبا وحده او ثنتين في الليل

هاذي حزه سكون الوادي


< اسأل مجرب
يجيك عفريت مصري ههههههههههه من حنيذ ولا من عند ام ربيعه