للأخويا سلمْ و تبادل مواجـيـب.. إمقسّـمه ما بينهم بالنصيـفـة.. فهيد ابن عصيدان...

[شايش العجمي]

هذا القصيدة لشاعرنا و عضو مجالس العجمان الشاعر فهيد ابن عصيدان..

و أعجبتني و قلت أنقلها لكم لعلها تعجبكم...

مـا دام للخـوّه حْـقـوق و مطالـيـب=يبصم عليهـا أهـل القلـوب النظيفـه
للأخويـا سلـمْ و تـبـادل مواجـيـب=إمقسّـمـه ما بينـهـم بالنصيـفـه
و الرجل لا صاحب ينقّي الأصاحيـب=و إيطق من عرف الخبـل و الهديفـه
و إن جازله رجّال من عقب تجريب=في قائمـة عـرف النشامـا يضيفـه
و الطيّب اللي وين ما تدرجه طيـب=هـذاك منـوة كـلّ طـيّـب و كيـفـه
و أنا وريث أهل السّيـوف المخاضيـب=و أهـل البيـوت المزبنـات المريـفـة
قّطاعة الفرجـهْ علـى الفطّـر الشيـب=والا علـى ظْهـور المهـار العسيفـة
قضبـتْ منهـم للمراجـل مقاضـيـب=و منهـم تعلّمـت العـلـوم الطريـفـة
أشفق على خـوّة عريـب المناسيـب=أشفق من الطائي على شـوف ضيفـه
أوفي له أوفى مـن وفـا الزيـر بكليـب=وأوالفـه ميـلاف ولـفْ لوليـفـه
و إليا نصاني يشتكي قاصـر الجيـب=أمـدّلـه لا كــان حـالـي كسيـفـه
أعطيه مافي الجيـب و الـرّزق فالغيـب=مـن عنـد خّـلاق الطّـوال المنيـفـه
مانيب أفـرّح فأبـن عمّـي الأجانيـب=أحمي قفـاه إمـن النّفـوس الضعيفـه
ولانيب أطلّـع فـي رفيقـي عذاريـب=لأهل الحكي و أهل العقـول الخفيفـه
و إن جات طعنه من رفيقي فلانيـب=أسلّ سيفي كان هو سـلّ سيفـه
أرفع مقامـي عـن سوايـاه و آطيـب=و أمدلـه كــفّ اليمـيـن الشريـفـه
و إن كان هو يغتابنـي كـلّ ماغيـب=بواجهه بالحـقّ فـي وجـه زيفـه
أطقّهـا بالوجـهْ و إيخيـب و آصـيـب=و أخلّي أعـذاره بعينـه سخيفـة
و إلـى نـدبْ مانيـب أردّ المناديـب=يا مرحباً به و إن بغا الصـدّ كيفـه
لكـنّ لا وصلـتْ كرامـة الأشانيـب=عنـد الكرامـه بتـكـرّم و أعيـفـه
أصدّ و اقبالي عقـب صدّتـي عيـب=ما أعتـدتْ أردّ إقفايتـي بالنكيـفـه

دمتم بود ...





لمباديء الذرابة و الشيمة...

ملطوووووووووووووووش..

[مهرة النسيان]

و أنا وريث أهل السّيوف المخاضي =بو أهل البيوت المزبنـات المريفـة

والله والنعم

مانيب أفرّح فأبن عمّـي الأجانيـب =أحمي قفاه إمن النّفـوس الضعيفـه
ولانيب أطلّع في رفيقـي عذاريـب =لأهل الحكي و أهل العقول الخفيفـه
و إن جات طعنه من رفيقي فلانيـب =أسلّ سيفي كان هـو سـلّ سيفـه
أرفع مقامي عن سوايـاه و آطيـب =و أمدلـه كـفّ اليميـن الشريفـه

يااسلالالام


صح لسان الشاعر المبدع فهيد بن عصيدان

ولاهنت اخوي شايش على حسن الاختيار ..

[مسفر مبارك]

لاهنت على نقلها وصح لسان فهد

[الرسام]

للأخويا سلـمْ و تبـادل مواجيـب
إمقسّمــــــه مـا بينهــــــم بالنصيــــــــفـه

عز الله صدق


شايش صح السانك وصح السان ابو محمد

قصيده جزله من شاعر جزل ومن ناقل جزل


تحياتي

[الفرس]

أشفق على خوّة عريب المناسيـب=أشفق من الطائي على شوف ضيفه
أوفي له أوفى من وفا الزير بكليـب=وأوالفـه ميـلاف ولـفْ لوليفـه
و إليا نصاني يشتكي قاصر الجيـب=أمدّلـه لا كـان حـالـي كسيـفـه

حص لسان أخونا فهد .. وسلمت يمينك اخوي شايش .. ولاهنت على النقل الطيب ..

[الملكة]

و الطيّب اللي وين ما تدرجه طيـب ---هذاك منـوة كـلّ طيّـب و كيفـه
قصيدة جزلة عن حقوق وسلوم الخوة..صح لسان راعيها..
وشكراً لك..شايش.. على النقل الموفق..

[mksom11]

صح السان قايلها وناقلها ويعطيك ألعافيه .

[شايش العجمي]

لا هان من قال...


و أشكرك جزيل الشكر أختي مهرة على مرورك...


و يا مرحبا و مسهلا..

[شايش العجمي]

لا هان من قال...


و أشكرك جزيل الشكر أخي مسفر على مرورك...


و يا مرحبا و مسهلا..

[شايش العجمي]

أي بالله صدق...


و أشكرك جزيل الشكر أخي الرسام على مرورك...


و يا مرحبا و مسهلا..