مش حتئدر تغمض عينيك

[ملكعه بس غير]

السلام عليكم
غشكم العنوان صح :D

المهم فيه كم قصه بسردها فيذا << تسمع بالمقدمه


الكعبة مهيب طايرة
كان هناك حرمه عجوز وتقدم لها رجال يخطبها ووافقوا عليه.. وكان بيجي الحج وهم قد عزموا يروحون للحج هالعام.. قالوا لها تبين نزوجك الحين ولا اذا رجعنا من الحج؟
سكتت شوي الا ورفعت راسها :
الكعبة مهيب طايررة وقاعده هي ابحج السنة الجايه ان شاءالله << صادقه والله

الونانة عندي في البيت: :sad:
كان فيه واحد جا عند فلاح واستضافه عنده وقدم له صحن فيه تمر , فأخذ ياكل منه بشراهه وأعجبه التمر وسأل الفلاح عن اسم هالنوع من التمر, قال الفلاح: نوعه الونانه.. قال الرجال: الونانه والله عندي في البيت (يقصد زوجته ) وإلا هاذي ماتستاهل ينقال عنها ونانة. (ياخي اذا بليتم فاستترو وشوله تفضح بذا الونانه :D )



مايفرقنا الا المقبره :angel:
خطب رجال حرمة قالت له: أخاف تطلقني لأنك رجالن مزواج وتطلق.
قالها: "والله مايفرقنا إلا المقبرة" فوافقت على الزواج.. وكان يبي يزرع في القصور القريبة من البلدة زراعة شتاء (زراعة القمح بس) وفعلا زرع هناك وبعد ماحصدوا المحصول وبيرجعون للبلدة ويوم انهم وصلوا إلى مقبرة البلدة وقف وقال لها :
أي طريق تبين تروحين له عشان اروح مع طريق ثاني؟
قالت :انت وعدت وحلفت على أن مايفرقنا إلا المقبرة !!
قال: وأنا صادق,, وطلقها وكل واحد راح بطريق وهي بطريق. << ياااامتي منه داهيه

العبد أسود والليل أسود :D
كان عند واحد عبدين مملوكين (كلنا عبيد الله ) يرعون إبله وغنمه, وفي يوم من الأيام عصب عمهم وزعل على واحد منهم فخاف وانحاش
وفي الليل راح الرجال مع العبد الثاني عشان يدورون اللي انحاش ومنخش بين الأشجار الين تعبوا وهم يدورون, قال العبد لعمه:
ياعمي كيف نلقاه والعبد أسود والليل أسووووود ؟
وكان العبد المنحاش يسمع كلامه, حمممممممق عليه وعصب ليه يقول هالكلام وهو اسود مثله :angry: << ايه والله شوفوا من اللي يتكلم عاد
هو لو الحكي من ابيض ماعليه بس من واحدن مثله والله قهر
المهم اخونا اللي كان منخش ماقدر يمسك نفسه , وقال بصوت عالي :
" ولا أنت قماااااااااري :D ؟ " فمسكووووه ووداه لبيتهم .


الشور يعمر ويدمر
جلس واحد مع خويه فاستشاره وقال عندي مبلغ من المال وودي تشير علي وش أشتري فيه؟
قال صديقه اللي استشاره: القهوه البن له موسم وأشوف لو تشتري كمية منه وتخزنه عندك فإذا قل بالسوق قوم وبيعه
فنفذ الرجال شوره وأشترى كمية من القهوة وبعد يوم خلصت من السوق عرضها وباعها وربح فيها ربح عظيم ومضت الأيام وجا صديقه اللي استشاره للتاجر اللي شار عليه وطلب من يسلفه شوي حتى يردها له بأقرب وقت فاعتذرله التاجر وحاول معه ولكن مافيه فايدة << يقهر على هالحركه
وبعد فترة جاء التاجر إلى المستشار وقال له
أنت صاحب رأي وقد شرتك العام اللي فات بالقهوة ونفذت رأيك وربحت والحمدالله وش تشور علي هالعام ؟
ولقاها فرصة المستشار وقاله:
إذا بغيت رأيي بهالأيام وقت حصد البصل اشتر منه كمية وخزنها عندك مدة ان قلت بالسوق قم واعرضها
راح الرجال واشترى كمية كبيرة من البصل وحطها بالمخزن وسكر عليها مدة طويله ويوم بغى يبيعها فتح المخزن ولقاها متعفنة وماتصلح للأكل وراح رماها برى الديرة
ثمن جاء للي شار عليه يعاتبه ويقول: ماكل بمجتهد مصيب والدنيا يوم لك ويوم عليك والشور يعمر ويدمر..

اولاد التاجر مع اولاد الفقير << قصه تكسر الخاطر :cry:
كان هناك رجال تاجر وله عيال وكان له جار فقير معدم وحالته رثه وله عيال بعد وكانوا أغلب الأيام يلعبون مع عيال التاجر في بيتهم وياكلون معهم وبيوم من الأيام كانوا يلعبون ببيت الفقير وصادف ان عنده لحم تطبخه مرته وتوقع أولاد التاجر أنهم يشاركون عيال الفقير بالأكل بس ماصارت وراحوا الاولاد لأبوهم وقالوله واستغرب من الرجال الفقير وقاطعه ايام وحس الفقير وراح له وسأله فقاله الغني : عجيييييب عيالك دايم مع عيالي وهم أطفال ويكون عندك لحمه ويشوفونها ولا يشاركون عيالك فيها ؟
قال الفقير: يعلم الله اني كنت برى سورالديرة ولقيت بقرة ميته فقطعت واحدن من افخاذها وجبتها للبيت ورجعت اخذ جزء ثاني منها ومالقيت شي وشكله أخذه واحدن غيري فهي حرجه تحل لعيالي ولا تحل لعيالك عشان كذا ماعطيتهم منها << ياحرام
بكى التاجر وقام حب راس الفقير وشكره واعتذر منه وراح لبيته وأرسله كمية من التمر والبر والسمن مكافاة له على اللي سواه وحرم عياله من أكل لحم الميتة

ترى أبوي يكذب منيب صغيرة :D
هليل رجالن فقير وأعمى وهو محبوب من الجميع لصدقه وامانته وكان يعمل سقاي لبعض البيوت بقربة يشيلها على ظهره وكان بعض الناس يرسلونه عشان يخطب لعيالهم من بعض الأسر ويوم من الايام طلب واحد منه يروح لبيت ناس يخطب بنته لولده وراح وطق الباب واستقبله راعي البيت ويوم دخلوا المجلس قال:
أنا جيتك من طرف فلان وانت تعرفه وطلب مني أخطب بنتكم فلانه
قال أبوها : ونعم الرجال وولده بس البنت صغيرة وكانت البنت واقفه ورى الباب وتسمع كل كلامهم << اثرها عاده قديمه :D
وراحت السطح تطل من الطرمة "الطرمه هي فتحة على جدار السطح تطل بالشارع ومغطية ولها عيون ومثلثة الشكل يطل منها على الشارع عشان يعرفون من يطق عليهم " تنتظر طلعة هليل ويوم طلع نادته باسمه : ياهليل ترى ابوي يكذب منيب صغيرة :embarasse
ودرى انها موافقة وبتقول لأهلها وانتظر ايام الا وهو اتصل على أبوها , ووافق على زواجها
"ويقولون بنات اول يستحن مهوب مثل هالحين ماعاد فيهن حياء :D "


منت عليك وسلمت
في عنيزة طلب أحد الوجهاء من واحد يجي بعد صلاة العشاء مباشرة يساعده عشان بيجونه ضيوف وصلى الرجال بمسجد الشيخ عبدالرحمن المانع وكأن الشيخ طول بالتشهد الأخير فسلم الرجال قبل نهاية الصلاة وراح بسرعه عشان مايروح عليه موعده ولما جاء المدعوين كان من بينهم الشيخ عبدالرحمن
قال الرجال: ياشيخ عبدالرحمن تراك طولت في التشهد الأخير ومنت عليك وسلمت << تحسون فاهم الميانه غلط :D قال الشيخ: عد صلاتك ولاعاد تمون علي مرتن ثانية

لوكنتي مثل ماتقولين كان ماتركوك المبصرين :D
تزوج رجال أعمى حرمه << اكيد حرمه
وبعد فترة قعدت تقول له
آه لو تشوف جمالي ولو شفت بياضي وجمال عيوني و ....... إلى آخره .. فقالها:
اسكتي لو كنتي مثل ماتقولين كان ماتركوك لي المبصرين . ( قويه قصم :D )


القاضي النطاح :D
كان هناك قاضي ملقب بالنطاح والسبب أنه لما ينطق بالحكم يغضب المحكوم عليه فيحاول القاضي يطلعه وان ماقدر ينطحه (حشا ثور ).. وساله الوالي عن السبب: قاله يالوالي يجيني خصمين وكلن يقول بحجته وأحكم بينهم فيحمق المحكوم علي واحاول اقنعه ولا أقدر بعدين مالي الا أن انطحه (جعلك ماتحكم علي :D )
وطلب من الوالي أنه يحضرله أحد جلساته وحطوله ستارة وقعد وراها الوالي وجوا الخصمين عند القاضي ويوم سمع منهم حكم لواحد منهم قام الثاني رفع صوته وأخذ يسب القاضي ويوصفله باوصاف والقاضي ساكت ماتكلم فطلع الوالي من ورى الستاره وقال :
أنطحه وإلا نطحته أنا :D (الظاهر ليلة مباراة فرنسا وايطاليا زيدان ماجاه النوم قامت امه الله يعطيها العافيه قالت له هالقصه وهو حب يجدد التاريخ بنطحته )



ملطوشه من كتاب عبدالرحمن المانع
اسم الكتاب مقتطفات من القصص والنوادر والامثال والاشعار النجديه

[مناحي السفراني]

مشكوووووره اختي ملكعه على الموضوع
معى مجالس العجمان مش حتقدر تغمض عنيك
هههههههههههههههههههههههههههههههههه
مشكووووووووووووووووووووووووووووووره

[ملكعه بس غير]

هلا بك مناحي وعسى الضحكه دوم
تصدق يوم قريت الموضوع ذكرتني اولوانه بدفتر العربي اول ازرق واحمر :D

[الوافـي]

اما سالفه العبد يوم قال ولا انت قمااااري حلوه

مشكوووووووووووره على القصص الرااااائعه ويعطيش العافيه على اللطش الجميل

[شبيب بن فنيس]

هههههههههههههههه

لاهنت يا ملكعه

علىىىى النكت

واسميحلي انقله لمنتدى الترفيه

[ضيدان بن مترك]

	مشكوووووره اختي ملكعه على المواضيع الهادفه بصراحه الله يونسش بالعافيه امين والمشاهدين..........

[ملكعه بس غير]

قطنان يالقماري انت العفوووووووو وحياك الله

[ملكعه بس غير]

شبيب شوف شغلك وانقله تعودت انا كل مااحط موضوع نقلتوه عادي وانا اختك :D

[ملكعه بس غير]

غالب يامال العافيه وعساك دوم مبسوط ومستانس حياك خيو

[troy]

مشكوره وانا فالحالتين ( مأدرش أغمض عنيّه ) لاني مدمن روتانا سينما .. والحكاوي اللي جبيتيها باين انج نقيتيها نقوه ومشكوره عليها ... بس انا عندي سؤال وسؤالي له شقين الشق الاول
1- شمعنه يعني اسم ملكعه ؟؟ ( هالاسم لفت نظري )
2-وفوق انج ملكعه بعد ملكعه غير تبين تصيرين مثل ( جده غير !!! ) ؟
اتمنى انج ماتزعلين وتكون عندج روح رياضيه مثل ماهو باين على مواضيعج ... لا تزعلين تراها دعابه .. ومشكوره مره ثانيه