مــرحبــا يــا يـــاااااام ...

[مناحي الصميل]

بدون مقدمــــات ..

.
.
.
.
.
.
.

يامرحبا يا يـام يانسـل الأحـرار= يامحزمـي يـوم المواقـف نبيلـه
عجمان يوم الحرب وافين الأشبار= هم مزبن الجاني ليا طـاح حيلـه
تاريخنا يكرم عن العبـث والعـار= تاريخنا ثابـت عـن أيّـات ميلـه
لا من بغينا شي من شاننـا صـار= نامـر وننهـي والنوايـا طويلـه
عجمان ننطح موتنـا فـدوة الـدار= وحاجاتنا تقضـى بحـد الصقيلـه
يامية(ن) لو صار ما صار لو صار= منهو نخانا سعـد صبحـه وليلـه
فرساننا وبل(ن) من السيل مـدرار= وقت النشب كل(ن) يطنّب عويلـه
واليا اختلط محلول بـارود بالنـار= وقت اللقى كل(ن) يقطّـع شليلـه
شدّ الرحول وعلّ صوتك بالأذكار= كل(ن) يموت بعز او فعـل حيلـه
ما حن نذوق ارقاد وباقي لنا ثـار= ما حن نذوقه كود نشفـي الغليلـه
شلفا وجنبيّـه وفـي ذكرنـا نـار= تشوي عظام اللـي يدينـه طويلـه
نخل الحسا تشهد بنا عز ومقـدار= تشهد بحكم عجيم وتشهـد نخيلـه
قد شبّهونا بقـوم هتلـر والأخيـار= ولو ان هتلـر حـي كنّـا نعيلـه
ماضي جدودي مثل سيف(ن) وبتّار= وبفعلهـم جتنـي القوافـي ذليلـه
ولضيوفنا دله وبـن(ن) ومسمـار= من شاذليّـة بـن قـد فـاح هيلـه
وختامها سبحان عـلام الأسـرار= سبحـان خالقنـا بحـق ودليـلـه

وســــلامتكم
مناحي بن فهاد السفراني ..

[راكان اليامي]

لاهنت يالقرم وصح لسانك ياذيب

[عبدالله آل عامر]

ما حن نذوق ارقاد وباقي لنا ثـار***ما حن نذوقه كود نشفـي الغليلـه
شلفا وجنبيّـه وفـي ذكرنـا نـار***تشوي عظام اللـي يدينـه طويلـه

صح لسانك يامناحي وبيض الله وجهك على ذي القصيدة

تحياتي لك؛؛؛؛؛؛؛؛؛؛؛؛

[بدر العرجاني]

صح لسانك يا مناحي

وبيض الله وجهك

[الجوـوـوـوـري]

ماضي جدودي مثل سيف(ن) وبتّار
وبفعلهـم جتنـي القوافـي ذليلـه
ولضيوفنا دله وبـن(ن) ومسمـار
من شاذليّـة بـن قـد فـاح هيلـه



صح الله السانكـ
وبيض الله وجهكـ على هالابدااااع

[سعيّد ابوجعشه]

صح الله لسانك يامناحي وبيض الله وجهك على ذالقصيده الزينه

[ضيدان اليامي]

الف شكر يا العرجاني ويام ولله الحمد ابشرك ان هيبتها في كل مكان وتقديرها تجده اينما ذهبت وهذا من فضل الله سبحانه وتعالى