السلام عليكم ورحمة الله وبركاته
اخواني اعضاء شبكة العجمان
هذي اول مشاركه لي معكم ويشرفني ان انقل لكم بها
محاوره بين شاعرين لا يختلف على شاعريتهم احد وهم
الشاعر الشاب الامبراطور ثنيان الرشيدي والشاعر الكبير صياف الحربي
يامرحبا باسم المدينه واهلها مـن كـل صـوب=عند الرجال اهل المكان اللـي عزيـزن شانهـا
ياطيب ليلن جاب لي صياف من بـد الحـروب=اللـي وزنهـا فـي يديـه ولا شـرى ميزانهـا
الك البقا والطيـب يوجـد فالشمـال وفالجنـوب=والطيب من فعل الرجال اللـي طـوال ايمانهـا
حنا سرينا الليل كلـه كـان مـا هبـت هبـوب=وان كان هبت قـوم سـج الخيـل فـي ميدانهـا
الناس تجهل في بعضها ما ملكت سـر الغيـوب=لكن طلوع الشمس من فـوق العـرب برهانهـا
ترى الوعد لك يالسحيمي فالوسيع مـن الـدروب=لا لاح بـراق المـزون اللـي عـزل ربانهـا
يا كثر ناسن ما يعرفون الطلوع مـن الغـروب=مثـل السفينـه فالبحـر يـوم انقلـب ربانهـا
ترى الدروب البيض بين الناس ما فيها عيـوب=واهـل العوايـد لا تغمـض والكحـل فعيانهـا
ما دام عينك صاحيه مانته عن النـور محجـوب=اقرب من الصورة وتعـرف شكلهـا والوانهـا
انته تصعبها وهـي ياعـود مافيهـا صعـوب=كـل الطيـور مسطـره فالمسطـره جنحانهـا
خيل العرب ما عاد فيها لا نـزول ولا ركـوب=عشرين منهـا فـاول الهجمـه تجـر ارسانهـا
الله يعينك قـوم سـو السالفـه باحسـن سلـوب=واليا هـداك الله تحـط النـون مثـل اخوانهـا
خيل العرب راحت بعد جوها كبيريـن القلـوب=اللـي تـدور دربهـا واللـي تجـر اعنانـهـا
اللي مضى فالباخـره مافيـه للراكـب ركـوب=واليـوم لريـاح الهبايـب فتـحـت بيبانـهـا
ما يبلش البدوان غيـر الشيـخ نفـاخ الـذروب=اللـي ليـا قـرّب مـن الحيـه تمـد لسانـهـا
الظاهر انك تطلع من الحفـل مغفـور الذنـوب=هذا هدف مـن يرمـي الحبـه علـى طحانهـا
حنا ترانا ما نبيها يا بيـض الشـارب سحـوب=الخزنـه اللـي دونهـا سلطـان مـن سلطانهـا
حنا ذخرنا السيف ياصيـاف لا شبـت شبـوب=وام الكبايـر مالهـا الا السـان مثـل السانهـا
حنا نبيها في ردون الثوب مـا تصـل الجنـوب=ياشين رمـي البنـدق اللـي منعفـت نيشانهـا
انا تراني يابيض الشارب مـا فتـش فالجيـوب=آخذ ماشـاح ولاح والدنيـا يـا كثـر الحانهـا
تبي تبين الشمس فوق الثلـج ليـن انـه يـذوب=تـارد عليـه النـاس وتعبـي منـه صملانهـا
انا ادري انك يالسحيمي لا مهبـول ولا كـذوب=احرفتها براس العصا واضفت عليك اغصانهـا
تبا تبين الشمس مير الثلـج الابيـض دوب دوب=تـارد عليـه ام العيـال وقرقـعـة قدحانـهـا
حنا حسبنا المكسب المعروف والاصل محسـوب=لو كان بعض الناس تـدري كـان زاد جنانهـا
انـت امتجهـز للقشـر والا امتجـهـز للهروب=نـارن لهـا دخـان بيـن ايديـك وش دخانهـا
ما راح شي من الجمـال الا البعاريـن الذهـوب=اللي تطب اوطـان يابـو زيـد غيـر اوطانهـا
ما عندنا وحده من الثنتيـن يالشيـخ النصـوب=اليا دهنّـا الـروس والله مـا يـروح ادهانهـا
ابليس حوّل فـي جهنّـم ميـر عيـا لا يتـوب=ذلولـه القشـرا لـك الله مـا يمـس ابطانـهـا
ان كان صرت بنص درب الناس يالقاضي نشوب=نصبر على اجحـا ليـن ياخـذ حاجتـه ديانهـا
الهرج واجد والعرب ما بيـن غالـب ومغلـوب=مير المدينه يـا سحيمـي كـم عـدد سحمانهـا
يا كثر قدحان العرب فالبيـت والديـس محلـوب=الجـوع ذبحهـم وخبـز الهنـد فـي عمدانهـا
اهل الحجاز من الكرم ما يذبحون الا العصـوب=واللي قعد ياكـل ثـلاث ايـام مـن عصبانهـا
وتقبلو تحياتي
13-04-2005, 03:10 AM
العرض العادي
