مجالس العجمان الرسمي


مجلس عيون الشعر النبطي يعنى هذا المجلس بالشعر النبطي المنقول وكذلك بالشعر قصة وقصيدة

رد
 
أدوات الموضوع طرق مشاهدة الموضوع
  #1  
قديم 31-05-2005, 11:38 PM
الصورة الرمزية راكان اليامي
راكان اليامي راكان اليامي غير متصل
إداري مؤسس
 
تاريخ التسجيل: Jan 2005
المشاركات: 9,542
معدل تقييم المستوى: 29
راكان اليامي is on a distinguished road
مناجاه بين ابن حفول اليامي وابنه




بسم الله الرحمن الرحيم


قصيده للشاعر / عبدالله بن محمد بن حسين بن حفول ال سعد اليامي .
سبب قول هذه القصيده انه اراد الله ان يكون الشاعر مرافقا مع احد افراد عائلته في أحد مستشفيات نجران وقد شفاه الله تعالى وكان يوجد بنفس الغرفه التي يوجد بها مريضه مريض مسن ويرافق معه خادم حيث كان مع كل زياره يرى مايثلج صدره وما يميز هذا الشعب المسلم من تماسك اجتماعي قوي وحب لعيادة المريض والتخفيف عنه واسعاده في خضم ألمه فوجد ان من واجبه عيادة المرضى الموجودين بالمستشفى ومساعدة من يطلب مساعدته وقد بلغ بذلك الشيخ المسن من الضعف والوهن ما الله به عليم وقد تجاوز على الكرسي الابيض اكثر من خمسة اعوام في ضل الله ثم في ضل حكومتنا الرشيده . وحين يأتي موعد الزياره يذهب اليه فينقل بصره حوله ويرى الزائرين ثم تمتلىء عيناه بالدموع ولا يعود قادرا على الكلام ولم يعرف عبدالله سبب تلك الدموع ولكن بعد حين عرف ان له ابناء قد اهملوه وتركوه على تلك الحال بين يدي الله عز وجل .
فخشي عبدالله ان يكون ذلك هو مصيره مع ابنائه فخاطب بهذه الابيات ابنه وصغيره / محمد والذي يبلغ من العمر حينها 3 سنوات بعد ليالي السهر التي تمخضت بهذه القصيده ..
أسأل الله لنا ولجميع المسلمين رضاه وإصلاح عطاه.
قال فيها :



لي مـع الايـام قاسيـت التجـارب=ولي مـع الدنيـا حكايـات طويلـه
اترجى الحظ واثـر الحـظ عايـب=ما انعسف لي لو فقـط يـوم وليلـه
اتلفت فـي البعيـد وفـي القرايـب=وارهم الهابي من اطـراف القبيلـه
قصروا واستبعـدوا غمـر وشايـب=والعجوز اقفت مـع البنـت الجميلـه
رحت للعدوان مـن بعـد الحبايـب=ارقـب الفزعـه واثرهـا مستحيلـه
وجد عيني وجد من فوقـه نصايـب=ميـت والنـاس قالـت عزتـي لـه
كان همي والجروح اللـي عطايـب=من فؤادي والدعـا اعظـم وسيلـه
كل ماجي البيت كن النـور غايـب=ضيع الهاجـوس مـن تـوي دليلـه
والخلا بي ضاق وبصدري لهايـب=والوسايـل للفـرج صـارت قليلـه
ماكنـن همـي بخفاقـي غصايـب=وان سليتـه ساعـة جانـي بديلـه
في غدير الليل لضلوعـي حطايـب=يـم اخفـي ونتـي سمـع الحليلـه
وصادق اللوعات وسط الجوف ذايب=مثل ذوب الثلج في الشمس الاصيلـه
مافقـد حالـي بعيـد ولا قـرايـب=ولا شقيـق ولا صديـق ولا مثيلـه
يامحمـد يابعـد كــل الحبـايـب=لاتنـام الليـل وجروحـي عليـلـه
قم لبـوك وبادلـه هـرج قطايـب=وما سوا احد سوى الرب اشتكي لـه
قال حاظر جاك مسمـوم الضرايـب=واجـبـك والله نـقـوم ونعتنيـلـه
جل همك باشتري عنـك النشايـب=حالـف مارتـاح وحمولـك ثقيلـه
قلت حي الصوت ياعالـي النسايـب=جدك اللي كـل قـرم يحتظـي لـه
كب همـي قـد تعـودت الطلايـب=عش حياتك لا تسيل بـك المسيلـه
قال انا من بين صلبـك والترايـب=العمـر يفـداك والعـوى سهيـلـه
قلت انا يابوك عاصـرت العجايـب=راسي مثـل الرواسـي المستطيلـه
قال بالـك تحتقـر طفـل الغرايـب=الرعـد والبـرق فينـي والمخيلـه
قلت هـون لا تناطـح كـل نايـب=الغـرور يحطـم احـلام جليـلـه
قال انا سيفك ودرعك في الحرايـب=سعد عينـك لانقـدح راس الذبيلـه
قلت انا بانشدك عن غاوي وصايـب=الغـوى ياتيـه والصايـب تزيلـه
قال هذا اللـي سكـن دور خرايـب=مظهـره جـذاب والداخـل فشيلـه
قلت اصبت الحل يامنصى الركايـب=اشهد ان همي وجـد مـن يرتكيلـه
جاك همي ياجنـاي اعـط السبايـب=واخف سرك واتبـع الدنيـا بحيلـه
لا تخاوي اللي لسانـه منـه تايـب=كل ما جـا مجلـس يوذيـك قيلـه
وانس ابو الجهين ملعـون وعايـب=لي حكالـك هـرج فلغيـرك مثيلـه
وإتـرك النمـام شبـاب الحرايـب=قاطـع الارحـام كسّـاب الرذيلـه
واترك اللي لي بدت بعض النوايـب=غاب عنهـا واتبـع الحمـى مليلـه
واترك اللي ماردف صحو الجلايـب=لا يقلطهـا ولا احـد قـال ذي لـه
واترك اللي عيشته صارت نهايـب=لا كسـب ربـح ولا تاقـى دخيلـه
وانتبه للضيف لامن جـاك تاعـب=لا تخلـي طيـب كــون تعبيـلـه
واحترس لا جاك من يشكي المصايب=انفعـه جنبـي تخلـي عـن سبيلـه
وانتبه لاعشت ثم اصبحـت شايـب=خلي جنبي لاصبحت حالـي نحيلـه
خلك بجنبـي لاتودعنـي الاجانـب=كيف ترضى الخادمه عنـك بديلـه
اقض دينك لا تقول النـاس خايـب=قـد شقيـت ايـام وسنيـن طويلـه
تـرّك اشغالـك جميـع والطلايـب=وانتبـه للشايـب اللـي قـل حيلـه
خلك اقرب من عيونـي للحواجـب=لا تخليني مع السقـف آحكـي لـه
وارفع المدكى لا تحسب لي الحسايب=خافتـي تـروح ودموعـي هميلـه
قال يكفي لا تحسّب لـي الحسايـب=من طويـل الهـرج يكفينـي قليلـه
باقتدي بك ياعسـى مانـي بخايـب=كـل ماسويـت بـاسـوي مثيـلـه
قلت وقتـي يافتـى فسـل وكـاذب=وكل جيـل يختلـف بعلـوم جيلـه
قال وقتـي طيـب والجيـل غايـب=عنـد رب البيـت ميلـه واتعديلـه
قلت حاول تجتهد باغلـى المكاسـب=الطلاقـه فيـد والعقـبـه خذيـلـه
احترس للقول يـوم القـول صايـب=ابـن حفـول يـوم قالـه معتنيلـه
خـذ كلامـي يامحمـد باللبـايـب=واحفظه يانـور عينـي لـك دليلـه
صانك الله من صواديـف النوايـب=ماسواك احد سوى الرب اشتكي لـه
وقم لعمك ان حضرت او كنت غايب=شف عمامك قلب ابوك اللـي يشيلـه
وداموا ال سعود جزليـن الوهايـب=الملـوك اللـي مواقفـهـم جليـلـه
هم هل العليـا ولـو فيهـا متاعـب=والرجا للـي قطـع وصلـة خليلـه
ختمها صلوا عـدد وبـل السحايـب=واكثروا لمحمـد راعـي الفضيلـه





وفيها سلامتكم

 

التوقيع

 

مادمت بين العذارى صرت معشوقي=ارحب علي الحرام انها من اعماقي
 
 
رد مع اقتباس
  #2  
قديم 31-05-2005, 11:46 PM
عبدالله الوعيلي عبدالله الوعيلي غير متصل
 
تاريخ التسجيل: Jan 2005
المشاركات: 5,190
معدل تقييم المستوى: 25
عبدالله الوعيلي is on a distinguished road

يامحمـد يابعـد كــل الحبـايـب
لاتنـام الليـل وجروحـي عليلـه
قم لبـوك وبادلـه هـرج قطايـب
وما سوا احد سوى الرب اشتكي له
قال حاظر جاك مسمـوم الضرايـب
واجبـك والله نـقـوم ونعتنيـلـه
جل همك باشتري عنـك النشايـب
حالـف مارتـاح وحمولـك ثقيلـه



تسلم والله يا ابو سالم
وصح السان ابن حفــــــــــــــول

 

التوقيع

 




 
 
رد مع اقتباس
  #3  
قديم 31-05-2005, 11:51 PM
الصورة الرمزية راكان اليامي
راكان اليامي راكان اليامي غير متصل
إداري مؤسس
 
تاريخ التسجيل: Jan 2005
المشاركات: 9,542
معدل تقييم المستوى: 29
راكان اليامي is on a distinguished road

الله يسلمك ياعبدالله وصح بدنك يالسنافي

رد مع اقتباس
  #4  
قديم 01-06-2005, 12:09 AM
علي اليامي علي اليامي غير متصل
 
تاريخ التسجيل: Mar 2005
المشاركات: 257
معدل تقييم المستوى: 20
علي اليامي is on a distinguished road

صح لسانك يابو سالم ولسان الشاعر عبدالله ابن حفول راعي الجزلات لاهنت يا طليقان

 

التوقيع

 

إشمِخِـي يَـادار يَـام** وحَطّمـي أبعَـد نَجِـم
دونِك المُـوت الـزؤآم** من عَرض لِك مَاسِلـم
يَام بـن يَصبـأ وَرَاك** عَزمهم طَـال النُّجـوم
طِفلهًـم جِـن وهَـلاك** وشِيخهُم موت(ن) يُحُوم
 
 
رد مع اقتباس
  #5  
قديم 01-06-2005, 12:11 AM
الصورة الرمزية راكان اليامي
راكان اليامي راكان اليامي غير متصل
إداري مؤسس
 
تاريخ التسجيل: Jan 2005
المشاركات: 9,542
معدل تقييم المستوى: 29
راكان اليامي is on a distinguished road

صح بدنك ياذيب وتسلم على الرد

رد مع اقتباس
  #6  
قديم 01-06-2005, 12:49 AM
أميرة نجد أميرة نجد غير متصل
 
تاريخ التسجيل: Jan 2005
المشاركات: 2,604
معدل تقييم المستوى: 22
أميرة نجد is on a distinguished road

خلك اقرب من عيونـي للحواجـب
لا تخليني مع السقـف آحكـي لـه
قصيده رائعه صح لسانك اخوي راكان

رد مع اقتباس
  #7  
قديم 01-06-2005, 01:08 AM
الصورة الرمزية راكان اليامي
راكان اليامي راكان اليامي غير متصل
إداري مؤسس
 
تاريخ التسجيل: Jan 2005
المشاركات: 9,542
معدل تقييم المستوى: 29
راكان اليامي is on a distinguished road

هلا وغلا يااميره وصح الله بدنش يالغاليه وتسلمين على المرور

رد مع اقتباس
  #8  
قديم 01-06-2005, 12:54 PM
فزاع فزاع غير متصل
إداري سابق
 
تاريخ التسجيل: Mar 2005
الدولة: الحفيره !!
العمر: 48
المشاركات: 4,400
معدل تقييم المستوى: 24
فزاع is on a distinguished road

الله عليك يا راكان
والله حرت أختار أي بيت كلها جزلة القصيدة ومؤثرة صح الله لسانك ولسان شاعرها أنا اشهد انها طالعة من قلب.

لا هنت يا ابو سالم

 

التوقيع

 


ان جيت أرض المسيله= يجيك روضٍ فيه الحيا سال
مابين ذيك الغصون الجميلة=ربعٍ لهم في جملة الصيد منهال
عندهم شواهين صايدات الفصيلة=اقنص معهم وخص لي يشرح البال
هِضْت بعَرْمك وربوع المسيله=وبسيوحهن يا ما حلى شرب فنجال
 
 
رد مع اقتباس
  #9  
قديم 01-06-2005, 12:59 PM
الصورة الرمزية راكان اليامي
راكان اليامي راكان اليامي غير متصل
إداري مؤسس
 
تاريخ التسجيل: Jan 2005
المشاركات: 9,542
معدل تقييم المستوى: 29
راكان اليامي is on a distinguished road

هلا وغلااا يافززاع وتسلم على الرد يالغالي واهم شي انها تنال على رضاك ياكحيلان

رد مع اقتباس
  #10  
قديم 02-06-2005, 04:06 AM
العوووود العوووود غير متصل
 
تاريخ التسجيل: May 2005
المشاركات: 3,424
معدل تقييم المستوى: 22
العوووود is on a distinguished road

الاخ راكان صح اللسانك ولسان ابن حفول

لاهنت يالقرم ماجيب الا الجزل يالذيب

تحياااااااااااااااتي

 

التوقيع

 

 
 
رد مع اقتباس
رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طرق مشاهدة الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع إلى

 


الوقت في المنتدى حسب توقيت جرينتش +3 الساعة الآن 10:03 AM .


مجالس العجمان الرسمي

تصميم شركة سبيس زوون للأستضافة و التصميم و حلول الويب و دعم المواقع