اليكم مع التحيـــــــــــــــــــــــــــــــــــــــــــــ ـه واعتذر عن التأخير
(يالله ياللي من ترجاك ماخاب)=ياواحد فوق المخاليق عالي
إنك تغفر الذنب يارب الارباب=ماغيرك اشكي له بسرات حالي
من بعدها بديت في راس مرقاب=واهيض من جاش الحشا ماطرالي
غربلني الهاجوس والفكر مرتاب=مواقف ترهب قوي الرجالي
دنيا دنيه كلها اتعاب وانشاب=من دون مكسبها ابي راس مالي
دنيا تخلي كل شي له اسباب=ويجيلها في كل يوم مجالي
فنصح هل الايمان ذربين الانساب=في طاعة المولى عزيز الجلالي
دين الله المعبود نزله بكتاب=مكتوب فيه ان ذا حرام وحلالي
الدين يسر مانزل دين غصاب=يعلم المؤمن جواب السوالي
فلابد من موت وقبر له انصاب= والموت لايمكن يخلي توالي
الموت ماخلى محمد والاصحاب=وهل السعاده والسمو والمعالي
وحتى الشجاع اللي على الخيل ركاب=الزير سالم وابو زيد الهلالي